ആസ്റ്റര് മെഡ്സിറ്റി മെഡിക്കല് ഓങ്കോളജി സീനിയര് കണ്സള്ട്ടന്റുമായ ഡോ. അരുണ് ആര്. വാര്യര് വ
കൊച്ചി: രാജ്യത്തുടനീളമുള്ള കാന്സര് ചികിത്സാവിദഗ്ധര് പങ്കെടുക്കുന്ന ആസ്റ്റര് ക്വാളിറ്റി കെയര് കാന്സര് കോണ്ക്ലേവ് ഒക്ടോബര് രണ്ടുമുതല് നാലുവരെ കൊച്ചി ക്രൗണ്പ്ലാസയില് നടക്കും.
ആസ്റ്റര് ഇന്റര്നാഷണല് ഇന്സ്റ്റിറ്റ്യൂട്ട് ഓഫ് ഓങ്കോളജി സംഘടിപ്പിക്കുന്ന കോണ്ക്ലേവില് രാജ്യത്തിന്റെ വിവിധ ഭാഗങ്ങളില്നിന്നുള്ള നൂറിലധികം പ്രമുഖ ദേശീയ ഫാക്കല്റ്റി അംഗങ്ങളും പ്രതിനിധികളും പങ്കെടുക്കും.
കാന്സര് പ്രതിരോധം, പ്രിസിഷന് ഓങ്കോളജി, മോളിക്യുലാര് ഡയഗ്നോസ്റ്റിക്സ്, സര്ജിക്കല് മെഡിക്കല് റേഡിയേഷന് ഓങ്കോളജി, ഹെമറ്റോളജിക് മലിഗ്നന്സികള്, ഇമ്യൂണോതെറാപ്പി, പാലിയേറ്റീവ് കെയര്, മള്ട്ടിഡിസിപ്ലിനറി കാന്സര് മാനേജ്മെന്റ് തുടങ്ങിയ മേഖലകളിലെ നൂതന മുന്നേറ്റങ്ങള് ചര്ച്ച ചെയ്യുന്ന അമ്പതിലധികം അക്കാദമിക് സെഷനുകള് ഉള്പ്പെടുത്തിയിട്ടുണ്ട്.
കാന്സര് പരിചരണ രംഗത്ത് പുത്തന് ആശയങ്ങള് പങ്കുവയ്ക്കാനും നവീകരണങ്ങള് കൊണ്ടുവരാനും അതുവഴി രോഗികളുടെ പരിചരണവും ചികിത്സാഫലവും മെച്ചപ്പെടുത്താനുമാണ് ഈ കൂട്ടായ്മ ലക്ഷ്യമിടുന്നതെന്ന് സംഘാടകസമിതി സെക്രട്ടറിയും ആസ്റ്റര് മെഡ്സിറ്റി മെഡിക്കല് ഓങ്കോളജി സീനിയര് കണ്സള്ട്ടന്റുമായ ഡോ. അരുണ് ആര്. വാര്യര് പറഞ്ഞു.
Tags : AsterQualityCare Conclave Kochi Cancer Business