കൊച്ചി: ക്രമക്കേടുകള്ക്കുനേരേ കണ്ണടച്ച് സംഘടനയെ മുന്നോട്ടുകൊണ്ടുപോകാന് പാവകളാകണമെന്നും അത്തരത്തൊരു പാവയാകാന് താന് തയാറല്ലെന്നും രാജിവച്ചശേഷം ശ്വേതാ മേനോന് മാധ്യമങ്ങളോട് പറഞ്ഞു.
തന്നെ ചിലര് അജൻഡ വച്ച് പുറത്താക്കാന് ശ്രമിച്ചു. കുറ്റാരോപിതരുടെ കൈയിലേക്കു സംഘടനയെ വീണ്ടും കൊണ്ടുപോകാനുള്ള ശ്രമമാണു നടക്കുന്നത്. താരങ്ങളെ അവിശ്വാസ പ്രമേയത്തില് ഒപ്പിടീച്ചു.
ഞങ്ങള് വന്നശേഷമുള്ള കമ്മിറ്റിയുടെ കണക്കുകള് കൃത്യമാണ്. അതിനുമുന്പുണ്ടായിരുന്ന ബാബുരാജിന്റെ കമ്മിറ്റിയുടെ കണക്കില് ഒരുപാട് കുഴപ്പങ്ങളുണ്ടെന്നും രാജിക്കുശേഷം ശ്വേത മാധ്യമങ്ങളോട് പറഞ്ഞു.

കൊച്ചി: കുറ്റാരോപിതരുടെ കൈയിലേക്ക് സംഘടനയെ കൊണ്ടുപോകുന്നുവെന്ന ശ്വേതയുടെ പ്രതികരണം ശരിയല്ലെന്നും ഒരാളും കുറ്റാരോപിതരല്ലെന്നും ബാബുരാജ്. ശ്വേതയ്ക്ക് എന്തും പറയാം.
ലേഡീസ് കാര്ഡിറക്കി കളിക്കുകയായിരുന്നു. നോട്ടീസ് വിളിക്കാതെയാണ് ഇന്നലെ ജനറല് ബോഡി ചേര്ന്നത്. താന് ഭാഗമായ അഡ്ഹോക് കമ്മിറ്റി കണക്കുകള് കൃത്യമായി കൊടുത്തിട്ടുണ്ട്. ഇപ്പോഴത്തെ ഭരണസമിതിയുടെ കണക്കുകള് ശരിയല്ലെന്നും ബാബുരാജ് പറഞ്ഞു.
Tags : Shweta Menon accused hands Amma Baburaj