1

തൃശൂർ: ആൺസുഹൃത്തുമൊത്ത് തൃശൂരിലെ സ്വകാര്യ ലോഡ്ജിൽ മുറിയെടുത്ത തിരുപ്പൂർ സ്വദേശിയായ യുവതിയെ പൊലീസ് ചമഞ്ഞു ക്വട്ടേഷൻ സംഘം തട്ടിക്കൊണ്ടുപോയി കൂട്ടബലാത്സംഗത്തിനിരയാക്കി. ഒപ്പമുണ്ടായിരുന്ന ആൺസുഹൃത്തിനെ കൈയും കാലും തല്ലിയൊടിച്ച് തമിഴ്നാട്ടിലെ ആശുപത്രിയിൽ തള്ളി.

കഴിഞ്ഞ മാസം 22നാണ് കേസിനാസ്പദമായ സംഭവം നടന്നത്. തമിഴ്നാട് സ്വദേശിയായ ഗുണശേഖരനും നിലമ്പൂർ സ്വദേശിനിയായ 38 വയസുകാരിയും തൃശൂരിലെത്തി കെഎസ്ആർടിസി ബസ് സ്റ്റാൻഡിനു സമീപമുള്ള ലോഡ്ജിൽ മുറിയെടുക്കുകയായിരുന്നു.

ഭർത്താവിന്‍റെ ഫോൺ ലൊക്കേഷൻ പിന്തുടർന്ന് ഇരുവരും തൃശൂരിലുണ്ടെന്ന് മനസിലാക്കിയ ഭാര്യ ദേവി നൽകിയ ക്വട്ടേഷനാണ് അതിക്രമത്തിന് കാരണമായത്. പോലീസാണെന്ന് വിശ്വസിപ്പിച്ച് ലോഡ്ജ് മുറിയിലെത്തിയ തോമസും സംഘവും ഇരുവരെയും ബലമായി വാഹനത്തിൽ കയറ്റി തട്ടിക്കൊണ്ടുപോകുകയായിരുന്നു.

യാത്രാമധ്യേ ഗുണശേഖരനെ മർദ്ദിച്ച് കൈകാലുകൾ തല്ലിയൊടിച്ച ശേഷം തിരിപ്പൂരിന് സമീപമുള്ള ആശുപത്രിയടുത്ത് ഉപേക്ഷിക്കുകയും ദേവി ഇയാൾക്ക് കാവലിരിക്കുകയും ചെയ്തു. ഇതിനിടെ യുവതിയെ മറ്റൊരു കാറിൽ തട്ടിക്കൊണ്ടുപോയ തോമസും രഘുപതിയും ചേർന്ന് ബസ് സ്റ്റാൻഡിന് സമീപത്ത് വച്ച് കൂട്ടബലാത്സംഗത്തിന് ഇരയാക്കുകയായിരുന്നു.

അവിടെനിന്ന് രക്ഷപ്പെട്ട യുവതി നിലമ്പൂരിലെത്തി ചികിത്സ തേടുകയും നൽകിയ പരാതിയുടെ അടിസ്ഥാനത്തിൽ തൃശൂർ ഈസ്റ്റ് പോലീസ് നടത്തിയ അന്വേഷണത്തിൽ തോമസ്, പാൽരാജ്, ശങ്കർ, രഘുപതി, ദേവി എന്നിവർ നെടുമ്പാശേരി, കോയമ്പത്തൂർ, പളനി എന്നിവിടങ്ങളിൽ നിന്നായി പിടിയിലാവുകയും ചെയ്തു.

Tags : Woman Abduction GangRape Thrissur