ഡോ. ടി.പി. സേതുമാധവൻ
പയ്യന്നൂർ: പ്രശസ്ത വിദ്യാഭ്യാസ-കരിയർ കൺസൾട്ടന്റായ ഡോ. ടി.പി. സേതുമാധവനെ അസാപ്പിന്റെ മുഴുവൻ സമയ ഡയറക്ടറായി നിയമിച്ചു. പയ്യന്നൂർ കരിവെള്ളൂർ സ്വദേശിയാണ്.
ഉന്നത വിദ്യാഭ്യാസം, സംരംഭകത്വം, അന്താരാഷ്ട്ര വികസന പദ്ധതികൾ എന്നിവയിൽ പതിറ്റാണ്ടുകളുടെ നേതൃപാടവവുമായാണ് ഡോ. സേതുമാധവൻ പുതിയ പദവിയിലേക്ക് എത്തുന്നത്.
ബംഗളൂരുവിലെ ദ യൂണിവേഴ്സിറ്റി ഓഫ് ട്രാൻസ്-ഡിസിപ്ലിനറി ഹെൽത്ത് സയൻസസ് ആൻഡ് ടെക്നോളജിയിൽ പ്രഫസറായും ഗ്രാന്റ് തോൺടൺ ഭാരതിന്റെ അസോസിയേറ്റ് ഡയറക്ടറായും സേവനമനുഷ്ഠിക്കുന്ന ഇദ്ദേഹം,
കേരളത്തിലെ എഡിബി ധനസഹായത്തോടെയുള്ള പദ്ധതികളുടെ കൺസൾട്ടന്റും പ്രോജക്ട് ലീഡറുമായിരുന്നു. 45 പുസ്തകങ്ങളുടെ രചയിതാവ് കൂടിയാണ്.
Tags : Dr. T.P. Sethumadhavan ASAP Director Education Career consultant Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash