ഡോ.സ്റ്റീഫന് മാത്യൂസ് എസ്ബി കോളജ് മുന്പ്രിന്സിപ്പല്
ആഗോളപ്രശസ്തി നേടിയ സെന്റ് ബര്ക്ക്മാന്സ് കോളജ് ജന്മംകൊണ്ടത് പാറേല് പള്ളിയുടെ മടിത്തട്ടിലും പരിശുദ്ധ കന്യകമാതാവിന്റെ സംരക്ഷണത്തിലുമാണ്.
1906 ഡിസംബറില് പാറേല് കപ്പേള സ്ഥാപിതമായി പതിനാറ് വര്ഷങ്ങള്ക്കുശേഷം സെന്റ് ബര്ക്ക്മാന്സ് കോളജ് പാറേല് കപ്പേളയോടു ചേര്ന്ന് ജന്മമെടുക്കുകയായിരുന്നു. അതിനാല് ഈ കോളജിന്റെ ചരിത്രം പാറേല് പള്ളിയുടെ ചരിത്രത്തില്നിന്നു വേര്പെടുത്താനാവാത്തവിധം ചേർന്നുകിടക്കുന്നു. പള്ളിയോടു ചേർന്ന് പാശ്ചാത്യ മാതൃകയിൽ മൂന്നുനിലക്കെട്ടിടം 1922ൽ പൂർത്തിയായി. ഈ കെട്ടിടത്തിലാണ് അതേ വർഷം ജൂണ് 19നു എസ്ബി കോളജിലെ ആദ്യ ക്ലാസിനു തുടക്കം.
വലിയ ഉദ്ഘാടനമോ ഭൗതികമായ ആര്ഭാടമോ ഉണ്ടായിരുന്നില്ല. ചങ്ങനാശേരി രൂപതാധ്യക്ഷന് മാര് തോമസ് കുര്യാളശേരി പാറേല് പള്ളിയില് വിശുദ്ധ കുര്ബാന അര്പ്പിച്ചായിരുന്നു എസ്ബി കോളജിന് തുടക്കംകുറിച്ചത്. കുര്ബാനയ്ക്കുശേഷം പ്രിന്സിപ്പല് ഫാ. മാത്യു പുരയ്ക്കല് 125 യുവവിദ്യാര്ഥികളെ ക്ലാസിലേക്കു ക്ഷണിച്ചു. വിഷയം ഇംഗ്ലീഷ് ആയിരുന്നു. പഠിപ്പിച്ചത് എംഎ (ഓണേഴ്സ്) ബിരുദധാരിയായ ടി. കെ. ശങ്കര മേനോന്.
കോളജ് ആരംഭിക്കുന്നതിന് അഫിലിയേഷന് നല്കിക്കൊണ്ടുള്ള മദ്രാസ് സര്വകലാശാലയുടെ കത്ത് ലഭിച്ചത് 1922 ജനുവരി 21നാണ്. മൈനര് സെമിനാരിക്കായി പൂര്ത്തിയായ കെട്ടിടം മാര് തോമസ് കുര്യാളശേരി കോളജിന്റെ പ്രവര്ത്തനത്തിനായി വിട്ടുകൊടുക്കുകയായിരുന്നു.
1922 മുതല് 1925 വരെ പാറേല് പള്ളി സെന്റ് ബര്ക്ക്മാന്സ് കോളജിന്റെ ചാപ്പലായി പ്രവര്ത്തിച്ചു. 1925ല് കോളജ് ഇപ്പോഴുള്ള സ്ഥലത്തേക്ക് മാറ്റി സ്ഥാപിച്ചു. തുടർന്ന് കുറച്ചുകാലം ഈ കെട്ടിടത്തിൽ ആയിരുന്നു കോളജിലെ അധ്യാപകരും വിദ്യാർഥികളും താമസിച്ചിരുന്ന ഹോസ്റ്റൽ പ്രവർത്തിച്ചിരുന്നത്.
2014ല് കോളജിന് സ്വയംഭരണ പദവി ലഭിച്ചു. ഇന്ന് അത് സര്വകലാശാലയായി അംഗീകരിക്കപ്പെടാന് യോഗ്യമായ നിലയിലെത്തിക്കഴിഞ്ഞു, പാറേൽ പള്ളി ബസിലിക്കാ പദവിയിലേക്കും....!
Tags : Parel Church Parel Pally Pilgrims Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash