18

തി​രു​വ​ന​ന്ത​പു​രം: പ​ട്ടാ​പ്പ​ക​ൽ ബ​സ് സ്റ്റാ​ൻ​ഡി​ൽ പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ പീ​ഡി​പ്പി​ക്കാ​ൻ ശ്ര​മി​ക്കു​ക​യും ബ​ന്ധു​വി​നെ മ​ർ​ദി​ക്കു​ക​യും ചെ​യ്ത സം​ഭ​വ​ത്തി​ൽ ര​ണ്ടാം​ പ്ര​തി​യും പി​ടി​യി​ൽ.

ക​രി​പ്പൂ​ര് വാ​ണ്ട പ​ന​ങ്ങോ​ട്ടേ​ല മേ​ക്കി​ങ്ങ​ക​ര വീ​ട്ടി​ൽ ആ​ർ. രാ​ഹു​ൽ​രാ​ജാ​ണ് (27) നെ​ടു​മ​ങ്ങാ​ട് പോ​ലീ​സി​ന്‍റെ പി​ടി​യി​ലാ​യ​ത്. കേ​സി​ൽ ഒ​ന്നാം​പ്ര​തി വാ​ണ്ട കു​ന്നും​പു​റ​ത്ത് വീ​ട്ടി​ൽ എ​സ്. ശ്രീ​ജി​ത്തി​നെ നേ​ര​ത്തെ അ​റ​സ്റ്റ് ചെ​യ്തി​രു​ന്നു. ഇ​ക്ക​ഴി​ഞ്ഞ 19ന് ​വൈ​കി​ട്ട് 4.30ഓ​ടെ കെ​എ​സ്ആ​ർ​ടി​സി നെ​ടു​മ​ങ്ങാ​ട് സ്റ്റാ​ൻ​ഡി​ലാ​യി​രു​ന്നു സം​ഭ​വം.

ബ​സ് കാ​ത്തു​നി​ന്ന പെ​ൺ​കു​ട്ടി​യെ ശ്രീ​ജി​ത്ത് ക​ട​ന്നു​പി​ടി​ച്ചെന്നാണ് പരാതി. ഇ​യാ​ളി​ൽനിന്നു ര​ക്ഷ​പ്പെ​ട്ട കു​ട്ടി കൂ​ടെ​യു​ണ്ടാ​യി​രു​ന്ന ബ​ന്ധു​വി​നോ​ട് അ​തി​ക്ര​മം വി​വ​രി​ക്കു​മ്പോ​ൾ ശ്രീ​ജി​ത്തും രാ​ഹു​ൽ​രാ​ജ​യും ചേ​ർ​ന്ന്, ബ​ന്ധു​വി​നെ ബ​സ് സ്റ്റാ​ൻ​ഡി​ലെ ബാ​ത്റൂ​മി​ൽ കൊ​ണ്ടു പോ​യി മ​ർദി​ച്ച​വ​ശ​നാ​ക്കി ഉ​പേ​ക്ഷി​ച്ചു ക​ട​ന്നു​ക​ള​ഞ്ഞു.

ട​വ​ർ ലൊ​ക്കേ​ഷ​ൻ കേ​ന്ദ്രീ​ക​രി​ച്ചു ന​ട​ത്തി​യ തെ​ര​ച്ചി​ലി​ൽ ക​രി​പ്പൂ​രി​ൽനി​ന്നാ​ണ് രാ​ഹു​ൽ രാ​ജ് പി​ടി​യി​ലാ​യ​ത്. നെ​ടു​മ​ങ്ങാ​ട്, വ​ലി​യ​മ​ല സ്റ്റേ​ഷ​നു​ക​ളി​ൽ മോ​ഷ​ണം, കൂ​ലി​ത്ത​ല്ല്, കൊ​ല​പാ​ത​ക ശ്ര​മം, നി​രോ​ധി​ത ല​ഹ​രി വി​ല്പ​ന, പോ​ലീ​സി​നെ ആ​ക്ര​മി​ക്ക​ൽ എ​ന്നി​ങ്ങ​നെ 18 കേ​സു​ക​ളി​ൽ ഉ​ൾ​പ്പെ​ട്ട രാ​ഹു​ൽ രാ​ജ് കാ​പ്പ പ്ര​തി​യു​മാ​ണ്.

കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു. നെ​ടു​മ​ങ്ങാ​ട് എ​സ്എ​ച്ച്ഒ മോ​ഹി​ത് പി.​കെ, എ​സ്ഐ​മാ​രാ​യ അ​ഭി​ജി​ത്ത്, ജ്യോ​തി​ഷ്, എ​എ​സ്ഐ​മാ​രാ​യ വി​ജ​യ​ൻ, ആ​ർ.​ബി​ജു, രാ​ജേ​ഷ്, സി​പി​ഒ​മാ​രാ​യ ബി​ജു, ശ്രീ​ലാ​ൽ, അ​ന​ന്തു,ജി​ഷ്ണു എ​ന്നി​വ​ര​ട​ങ്ങി​യ സം​ഘ​മാ​ണ് അ​റ​സ്റ്റ് ചെ​യ്ത​ത്.

Tags : rape assault bus stand Missing person arrest