23

കൊച്ചി: വിനോദയാത്രക്കിടെ മണാലിയില്‍ ഉണ്ടായ ബൈക്ക് അപകടത്തില്‍ മരിച്ച മലയാളി യുവാവിന്‍റെ മൃതദേഹം നാട്ടിലെത്തിച്ചു. ഐരാപുരം ചീനിക്കുഴി കണ്ടനാടന്‍ സബിന്‍ മാത്യു കുര്യന്‍ (33) ആണ് മരിച്ചത്.

ഒപ്പമുണ്ടായിരുന്ന ഭാര്യ അക്ഷര ജോസ് (28) ഗുരുതര പരിക്കുകളോടെ ഹിമാചലിലെ ആശുപത്രിയില്‍ ചികിത്സയിലാണ്. അക്ഷരയെ എയര്‍ ലിഫ്റ്റ് ചെയ്ത് നാട്ടിലെത്തിക്കാന്‍ ശ്രമം നടക്കുന്നുണ്ട്.

കഴിഞ്ഞ മാസം 12ന് ആയിരുന്നു ഇരുവരും മണാലിയിലേക്ക് വിനോദയാത്ര പോയത്. മണാലിയില്‍ നിന്നും വാടകയ്ക്ക് എടുത്ത ബൈക്കില്‍ കുളുവിലേക്ക് പോകുന്നതിനിടെ ആയിരുന്നു അപകടം.

വിവരമറിഞ്ഞ് കെ.സി. വേണുഗോപാല്‍ എംപി ഹിമാചല്‍പ്രദേശ് മുഖ്യമന്ത്രിയുമായി ബന്ധപ്പെട്ടിരുന്നു. അപകടത്തില്‍ മരിച്ച സബിന്‍ തൃപ്പൂണിത്തുറ റെയില്‍വേ സ്റ്റേഷന്‍ ഉദ്യോഗസ്ഥനാണ്.

ഭാര്യ അക്ഷര യുകെയില്‍ നഴ്‌സാണ്. സബിന്‍റെ മൃതദേഹം നിലവില്‍ കോലഞ്ചേരി മെഡിക്കല്‍ മിഷന്‍ ആശുപത്രിയിലാണ്. അക്ഷരയെ എത്തിച്ചതിന് ശേഷം സംസ്‌കാരം നടക്കും.

Tags : Deadbody Malayali Youth Manali Tourist Accident