14

കൊച്ചി: പെരുമ്പാവൂരില്‍ വയോധിക പൊള്ളലേറ്റ് മരിച്ചനിലയില്‍. പെരുമ്പാവൂര്‍ പൂപ്പാനി സ്വദേശിയായ ഇന്ദിര ഭായിയെ (60) ആണ് മരിച്ചനിലയില്‍ കണ്ടെത്തിയത്. ഇന്ന് രാവിലെ കാണാത്തതിനെ തുടര്‍ന്ന് ഭര്‍ത്താവും മകനും അന്വേഷിച്ചപ്പോഴാണ് വീടിനു പിന്നില്‍ കത്തിക്കരിഞ്ഞ നിലയില്‍ മൃതദേഹം കണ്ടെത്തിയത്.

മൃതദേഹത്തിനടുത്തായി മണ്ണെണ്ണ കുപ്പിയും ഉണ്ടായിരുന്നു. പെരുമ്പാവൂര്‍ പൊലിസും ഫോറന്‍സിക് വിദഗ്ധരും സ്ഥലത്തെത്തി പരിശോധന നടത്തി. ഭര്‍ത്താവും 40 വസുള്ള മകനും ഇന്ദിരയും മാത്രമാണ് വീട്ടില്‍ താമസിച്ചിരുന്നത്.

നാട്ടുകാരുമായി അധികം ബന്ധം ഇവര്‍ പുലര്‍ത്തിയിരുന്നില്ല. പെരുമ്പാവൂര്‍ പൊലിസ് അസ്വാഭാവിക മരണത്തിന് കേസ് എടുത്ത് അന്വേഷണം ആരംഭിച്ചു.

Tags : Elderly Woman Dead Burn Perumbavoor