കോട്ടയം: എൻഎസ്എസ് ഡയറക്ടർ ബോർഡിൽനിന്ന് കെ.ബി. ഗണേഷ് കുമാർ പുറത്ത്. കാലാവധി അവസാനിച്ച സാഹചര്യത്തിൽ അംഗത്വം പുതുക്കി നൽകണമെന്ന് ഗണേഷ് ആവശ്യപ്പെട്ടിട്ടും എൻഎസ്എസ് പുതുക്കി നൽകിയില്ല.
. ബോർഡിലെ ഒമ്പത് അംഗങ്ങളുടെ കാലാവധി അവസാനിച്ച സാഹചര്യത്തിൽ എട്ടുപേരുടെ അംഗത്വം പുതുക്കി നൽകിയെങ്കിലും, ഗണേഷ് കുമാറിനെ ഒഴിവാക്കുകയായിരുന്നു. പകരം ബി.ആർ.കെ. ബാബുവിനെ പുതിയ ഡയറക്ടർ ബോർഡ് അംഗമായി ഉൾപ്പെടുത്തി.
പത്തനാപുരം താലൂക്ക് യൂണിയനുമായി ഗണേഷ് കുമാറിനുള്ള അഭിപ്രായവ്യത്യാസങ്ങളാണ് അംഗത്വം പുതുക്കാതിരിക്കാൻ കാരണമായതെന്ന് സൂചനയുണ്ട്. കഴിഞ്ഞ തെഞ്ഞെടുപ്പ് കാലത്തുതന്നെ താലൂക്ക് യൂണിയൻ നേതൃത്വവുമായി ഗണേഷ് കുമാർ നേരിട്ട് ഏറ്റുമുട്ടിയിരുന്നു.
Tags : KB Ganesh Kumar NSS