19

കൊ​ച്ചി: ശമ്പ​ള വ​ർ​ധ​ന​ ഉ​ൾ​പ്പെ​ടെ​യു​ള്ള ആ​വ​ശ്യ​ങ്ങ​ളു​യ​ർ​ത്തി സം​സ്ഥാ​ന​ത്തെ സ്വ​കാ​ര്യ ആ​ശു​പ​ത്രി ന​ഴ്‌​സു​മാ​ർ ന​ട​ത്തി​വ​ന്ന സ​മ​രം അവസാനിക്കുന്നു. സമരം നിർത്തി ചർച്ചയ്ക്കു തയാറാകാൻ നിർദേശിച്ചു ഹൈക്കോടതി. ഹൈ​ക്കോ​ട​തി മീ​ഡി​യേ​ഷ​ൻ സെ​ന്‍റ​റി​ൽനി​ന്നു നി​യോ​ഗി​ക്കു​ന്ന മ​ധ്യ​സ്ഥ​ന്‍റെ മേ​ൽ​നോ​ട്ട​ത്തി​ൽ ന​ഴ്സു​മാ​രും ആ​ശു​പ​ത്രി മാ​നേ​ജ്‌​മെ​ന്‍റു​ക​ളും ത​മ്മി​ലു​ള്ള ച​ർ​ച്ച​ക​ൾ ന​ട​ക്കും.

ഹൈ​ക്കോ​ട​തി മീ​ഡി​യേ​ഷ​ൻ സെ​ന്‍റ​റിൽ ചൊ​വ്വാ​ഴ്ച രാവിലെ പത്തോടെയാണ് ച​ർ​ച്ച ന​ട​ക്കു​ക. ച​ർ​ച്ച​യ്ക്കു പി​ന്നാ​ലെ വ്യാ​ഴാ​ഴ്ച ഹൈ​ക്കോ​ട​തി കേ​സ് വീ​ണ്ടും പ​രി​ഗ​ണി​ക്കും. ച​ർ​ച്ച പൂ​ർ​ത്തി​യാ​കും വ​രെ സ​മ​രം പാ​ടി​ല്ലെ​ന്നാ​ണ് നി​ർ​ദേ​ശം. ഇതോടെ നാളെ മുതൽ നഴ്സുമാർ ജോലിക്കു കയറാൻ സാധ്യത തെളിഞ്ഞു.

നഴ്സുമാരുടെ സമരത്തിനെതിരെ കേരള പ്രൈവറ്റ് ഹോസ്പിറ്റൽ അസോസിയേഷനാണ് ഹൈക്കോടതിയെ സമീപിച്ചത്. സമരത്തിന്‍റെ ഭാഗമായി ആശുപത്രികളുടെ ദൈനംദിന പ്രവർത്തനങ്ങൾ തടസപ്പെടുത്തരുതെന്നും ആശുപത്രികൾക്ക് ആവശ്യമായ പൊലീസ് സംരക്ഷണം ഉറപ്പാക്കണമെന്നും മുമ്പു ഹൈക്കോടതി ഇടക്കാല ഉത്തരവ് നൽകിയിരുന്നു.

അതേസമയം, കുറെ ആശുപത്രികൾ സമരക്കാരുമായി ധാരണയിലെത്തിയെന്ന് സമരക്കാർ അവകാശപ്പെടുന്നു. ​ബാ​ക്കി​യു​ള്ള ആ​ശു​പ​ത്രി​ക​ൾ കൂ​ടി ധാ​ര​ണ​യി​ലെ​ത്തി​യാ​ൽ മാ​ത്ര​മേ സ​മ​രം പൂ​ർ​ണ​മാ​യി അ​വ​സാ​നി​പ്പി​ക്കു​ക​യു​ള്ളൂ എ​ന്ന് ന​ഴ്‌​സു​മാ​ർ അ​റി​യി​ച്ചു.

Tags : Private Hospital Nurses' Kerala Highcourt mediation talks