തിരുവനന്തപുരം: ബേക്കറികൾ വഴി വീര്യം കൂടിയ ഹോർട്ടി വൈൻ വിൽക്കാൻ അനുമതി നൽകിയ എക്സൈസ് വകുപ്പിന്‍റെ ഉത്തരവ് മരവിപ്പിച്ചു. പുതിയ മദ്യനയം പ്രഖ്യാപിക്കുന്നതുവരെയാണ് ഉത്തരവ് നടപ്പാക്കുന്നത് തടഞ്ഞത്.

സംസ്ഥാനത്തിന്‍റെ അബ്കാരി ചരിത്രത്തിൽ ആദ്യമായി 15 ശതമാനം വീര്യമുള്ള ഹോർട്ടി വൈൻ ബേക്കറികളിലൂടെ വിൽക്കാൻ അനുമതി നൽകിയത് വലിയ വിവാദങ്ങൾക്ക് വഴിവച്ചിരുന്നു.

പഴങ്ങളിൽ നിന്നു നിർമിക്കുന്ന ഈ വൈനിന്‍റെ വിൽപന ചാലക്കുടിയിലെ ഒരു ബേക്കറിയിലാണ് ആദ്യമായി ആരംഭിച്ചത്. എൽഡിഎഫ് സർക്കാരിന്‍റെ കാലത്തെടുത്ത തീരുമാനത്തിന്‍റെ അടിസ്ഥാനത്തിലാണ് ഹോർട്ടി വൈൻ വിൽപനയ്ക്ക് അനുമതി നൽകിയിരുന്നത്.

ഈ തീരുമാനത്തിന് പിന്നാലെ അബ്കാരി ചുമതലയുള്ള എക്‌സൈസ് ഡെപ്യൂട്ടി കമ്മിഷണർ സി.കെ. അനിൽ കുമാറിനെ സർക്കാർ സ്ഥാനത്തുനിന്ന് നീക്കുകയും ചെയ്തിട്ടുണ്ട്.

Tags : Sale Bakeries Alcohol Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash