കൊച്ചി: ഇന്ധനവിലവർധനവിൽ പ്രതികരണവുമായി കേന്ദ്ര സഹമന്ത്രി സുരേഷ് ഗോപി. ഇന്ധനവില കൂടിയതിന് കാരണം ഏറുപടക്കമെറിഞ്ഞിട്ടല്ലല്ലോ എന്നായിരുന്നു പ്രതികരണം.
കൊച്ചിയിൽ മാധ്യമപ്രവർത്തകരുടെ ചോദ്യങ്ങൾക്ക് മറുപടി പറയുകയായിരുന്നു അദ്ദേഹം. യുദ്ധത്തിന്റെ പശ്ചാത്തലത്തിലാണ് ഇന്ധവില വില കൂടിയത്. ലോകവ്യാപകമായി ഉണ്ടായ പ്രതിസന്ധിയാണ്. യുദ്ധസാഹചര്യങ്ങൾ മാറിയാൽ മാത്രമേ വിലയുടെ കാര്യത്തിൽ തീരുമാനമെടുക്കാൻ സാധിക്കൂവെന്നും കുറയ്ക്കേണ്ട സാഹചര്യം വന്നാൽ കുറയ്ക്കുമെന്നും അദ്ദേഹം പറഞ്ഞു.
സ്വാഭാവികമായ വില വർധനയാണ് ഇപ്പോൾ ഉണ്ടായത്. പെട്രോൾ ഉത്പാദകരായ രാജ്യങ്ങളിൽ പോലും വില വർധിച്ചിട്ടുണ്ടെന്നും അദ്ദേഹം കൂട്ടിച്ചേർത്തു.
Tags : suresh gopi fuel price