17

കേ​ര​ള​ത്തി​ൽ ആ​ർ​ട്സ് ആ​ൻ​ഡ് സ​യ​ൻ​സ് വി​ദ്യാ​ഭ്യാ​സ മേ​ഖ​ല നി​ര​വ​ധി വെ​ല്ലു​വി​ളി​ക​ൾ നേ​രി​ട്ടു​കൊ​ണ്ടി​രി​ക്കു​ക​യാ​ണ്. വി​ദ്യാ​ർ​ഥി​ക​ളു​ടെ എ​ണ്ണ​ത്തി​ൽ ഉ​ണ്ടാ​കു​ന്ന കു​റ​വ്, വി​ദേ​ശ രാ​ജ്യ​ങ്ങ​ളി​ലേ​ക്കും മ​റ്റ് സം​സ്ഥാ​ന​ങ്ങ​ളി​ലേ​ക്കു​മു​ള്ള കു​ടി​യേ​റ്റം, പ​ര​മ്പ​രാ​ഗ​ത വി​ഷ​യ​ങ്ങ​ളോ​ടു​ള്ള താ​ത്പ​ര്യ​ക്കു​റ​വ്, വേ​ണ്ട​ത്ര നൈ​പു​ണ്യം ന​ൽ​കാ​ൻ അ​പ​ര്യാ​പ്ത​മാ​യ പാ​ഠ്യ​പ​ദ്ധ​തി, തൊ​ഴി​ൽ​സാ​ധ്യ​ത​ക​ളെ​ക്കു​റി​ച്ചു​ള്ള ആ​ശ​ങ്ക​ക​ൾ, ഗ​വേ​ഷ​ണ ന​വീ​ക​ര​ണ പ്ര​വ​ർ​ത്ത​ന​ങ്ങ​ളു​ടെ അ​പ​ര്യാ​പ്ത​ത, വ്യ​വ​സാ​യ-​വി​ദ്യാ​ഭ്യാ​സ ബ​ന്ധ​ത്തി​ന്‍റെ ദൗ​ർ​ബ​ല്യം തു​ട​ങ്ങി​യ ഘ​ട​ക​ങ്ങ​ൾ ഈ ​മേ​ഖ​ല​യെ പ്ര​തി​സ​ന്ധി​യി​ലാ​ക്കു​ന്നു. ഇ​വ​യ്ക്കെ​ല്ലാം ഒ​രു പ​രി​ഹാ​ര​മെ​ന്നോ​ണം, ന​മ്മു​ടെ സം​സ്ഥാ​ന​ത്തു വ​ർ​ഷ​ങ്ങ​ളാ​യി ന​ട​പ്പാ​ക്കി​യ പ​ദ്ധ​തി​ക​ളൊ​ന്നും വേ​ണ്ട​രീ​തി​യി​ൽ ല​ക്ഷ്യം ക​ണ്ടി​ല്ലെ​ന്നു മാ​ത്ര​മ​ല്ല, ഇ​വ കു​ട്ടി​ക​ളെ പ​ര​മ്പ​രാ​ഗ​ത ബി​രു​ദ വി​ദ്യാ​ഭ്യാ​സ​ത്തി​ൽ​നി​ന്ന് അ​ക​റ്റു​ക​യാ​ണു​ണ്ടാ​യ​ത്. ഈ ​വി​ഷ​യ​ത്തി​ൽ പു​തു​താ​യി ചു​മ​ത​ല​യേ​റ്റ സ​ർ​ക്കാ​രി​ലെ ഉ​ന്ന​ത​വി​ദ‍്യാ​ഭ‍്യാ​സ​മ​ന്ത്രി​യു​ടെ ശ്ര​ദ്ധ അ​ടി​യ​ന്ത​ര​മാ​യി പ​തി​യേ​ണ്ട​തു​ണ്ട്.

മാറേണ്ട വിദ്യാഭ്യാസരീതി

ഓ​രോ വ​ർ​ഷം മു​ന്നോ​ട്ടു പോ​കു​ന്തോ​റും ആ​ർ​ട്സ് ആ​ൻ​ഡ് സ​യ​ൻ​സ് പ​ഠ​ന​ത്തി​നെ​ത്തു​ന്ന വി​ദ്യാ​ർ​ഥി​ക​ളു​ടെ എ​ണ്ണ​ത്തി​ൽ ഗ​ണ്യ​മാ​യ കു​റ​വാ​ണു ന​മ്മു​ടെ സം​സ്ഥാ​ന​ത്തു​ണ്ടാ​യി​ക്കൊ​ണ്ടി​രി​ക്കു​ന്ന​ത്, പ്ര​ത്യേ​കി​ച്ച് സ​യ​ൻ​സ് വി​ഷ​യ​ങ്ങ​ളി​ൽ. ഈ ​അ​വ​സ്ഥ മാ​റി​യേ തീ​രൂ. പ​ര​മ്പ​രാ​ഗ​ത ബി​രു​ദ വി​ദ്യാ​ഭ്യാ​സം ഒ​രു ജോ​ലി നേ​ടാ​നു​ള്ള മാ​ർ​ഗം മാ​ത്ര​മ​ല്ല; ഒ​രു വ്യ​ക്തി​യു​ടെ ചി​ന്താ​ശേ​ഷി, ആ​ശ​യ​വി​നി​മ​യ ക​ഴി​വ്, സാ​മൂ​ഹി​ക ബോ​ധം, പ്ര​ശ്ന​പ​രി​ഹാ​ര ശേ​ഷി, ശാ​സ്ത്രീ​യ സ​മീ​പ​നം എ​ന്നി​വ വി​ക​സി​പ്പി​ക്കു​ന്ന അ​ടി​സ്ഥാ​ന ഘ​ടക​മാ​ണ്. എ​ന്നാ​ൽ സെ​മ​സ്റ്റ​ർ സ​മ്പ്ര​ദാ​യ​ത്തി​ൽ പ്ര​ത്യേ​കി​ച്ച്, അ​ധ്യ​യ​ന ദി​വ​സ​ങ്ങ​ളു​ടെ കു​റ​വും പ​രീ​ക്ഷ​ക​ളു​ടെ​യും മൂ​ല്യ​നി​ർ​ണ​യ​ങ്ങ​ളു​ടെ​യും ബാ​ഹു​ല്യ​വും കൂ​ടി​യാ​കു​മ്പോ​ൾ വി​ദ്യാ​ർ​ഥി​ക​ളു​മാ​യി, അ​വ​ർ ആ​ഗ്ര​ഹി​ക്കു​ന്ന രീ​തി​യി​ൽ സം​വ​ദി​ക്കാ​ൻ​പോ​ലും അ​ധ്യാ​പ​ക​ർ​ക്കു സാ​ധി​ക്കു​ന്നി​ല്ല എ​ന്ന​താ​ണ് വ​സ്തു​ത. ഓ​ട്ട​പ്ര​ദ​ക്ഷ​ണ​ത്തി​ലാ​ണ് എ​ല്ലാ​വ​രും.

കു​ട്ടി​ക​ളു​ടെ ഭാ​വ​ന​ക​ൾ ഉ​ണ​ർ​ത്തു​ന്ന രീ​തി​യി​ല​ല്ല ന​മ്മു​ടെ പാ​ഠ്യപ​ദ്ധ​തി എ​ന്ന​ത് അ​ടി​സ്ഥാ​ന പ്ര​ശ്ന​മാ​യി അ​വ​ശേ​ഷി​ക്കു​ന്നു. ക്ലാ​സ് മു​റി​ക​ളി​ൽ ചി​ന്ത​ക​ൾ ഉ​ണ​രു​ന്നി​ല്ല, ച​ർ​ച്ച​ക​ൾ ന​ട​ക്കു​ന്നി​ല്ല. “ഇ​ത് കൊ​ള്ളാ​മ​ല്ലോ” എ​ന്ന് വി​ദ്യാ​ർ​ഥി​ക​ൾ​ക്കു തോ​ന്നു​ന്ന എ​ത്ര കാ​ര്യ​ങ്ങ​ൾ ന​മ്മു​ടെ പാ​ഠ്യപ​ദ്ധ​തി​യി​ലു​ണ്ട് എ​ന്ന് അ​ധ്യാ​പ​ക​ർ സ്വ​യം ചോ​ദി​ക്കു​ന്ന​തു ന​ന്നാ​കും. പി​ന്നെ​ങ്ങ​നെ നാം ​വി​ദ്യാ​ർ​ഥി​ക​ളു​ടെ "അ​റ്റ​ൻ​ഡ​ൻ​സ് സ്പാ​ൻ'​നെ കു​റ്റം പ​റ​യും.

സാ​ധാ​ര​ണ കു​ടും​ബ​ങ്ങ​ളി​ൽ​നി​ന്നു​ള്ള ആ​യി​ര​ക്ക​ണ​ക്കി​ന് വി​ദ്യാ​ർ​ഥി​ക​ൾ​ക്ക് ഉ​ന്ന​ത വി​ദ്യാ​ഭ്യാ​സ​ത്തി​ലേ​ക്കു പ്ര​വേ​ശ​നം ല​ഭി​ക്കു​ന്ന പ്ര​ധാ​ന വേ​ദി​ക​ളാ​ണ് പ​ര​മ്പ​രാ​ഗ​ത ബി​രു​ദ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ. സം​സ്ഥാ​ന​ത്തെ സാ​ഹ​ച​ര്യ​ങ്ങ​ൾ പ​രി​ഗ​ണി​ക്കു​മ്പോ​ൾ ന​മ്മു​ടെ ഭാ​വി വി​ജ്ഞാ​ന​സ​മ്പ​ദ്‌​വ്യ​വ​സ്ഥ​യെ ശ​ക്തി​പ്പെ​ടു​ത്ത​ണ​മെ​ങ്കി​ൽ ബി​രു​ദ​ത​ല ആ​ർ​ട്സ് ആ​ൻ​ഡ് സ​യ​ൻ​സ് വി​ദ്യാ​ഭ്യാ​സ​ത്തെ കൂ​ടു​ത​ൽ പ്ര​സ​ക്ത​വും ആ​ക​ർ​ഷ​ക​വും തൊ​ഴി​ൽ​കേ​ന്ദ്രീ​കൃ​ത​വു​മാ​ക്കി മാ​റ്റേ​ണ്ട​ത് അ​നി​വാ​ര്യ​മാ​ണ്. ആ​ർ​ട്സ് ആ​ൻ​ഡ് സ​യ​ൻ​സ് കോ​ള​ജു​ക​ളി​ൽ ല​ഭി​ക്കു​ന്ന വി​ദ്യാ​ഭ്യാ​സം കൂ​ടു​ത​ൽ ശ​ക്തി​പ്പെ​ടു​ത്തു​ക​യും ആ​ധു​നി​ക കാ​ല​ഘ​ട്ട​ത്തി​ന് അ​നു​യോ​ജ്യ​മാ​ക്കു​ക​യും ചെ​യ്യേ​ണ്ട​ത് അ​ത്യാ​വ​ശ്യ​മാ​ണ്.

പതിവാകുന്ന നിർദേശങ്ങൾ

ന​മ്മു​ടെ ആ​ർ​ട്സ് ആ​ൻ​ഡ് സ​യ​ൻ​സ് വി​ദ്യാ​ഭ്യാ​സ രം​ഗം മെ​ച്ച​പ്പെ​ടു​ത്താ​നു​ള്ള നി​ർ​ദ്ദേ​ശ​ങ്ങ​ളൊ​ന്നും പു​തി​യ​ത​ല്ല. ആ​ധു​നി​ക​വും തൊ​ഴി​ൽ​കേ​ന്ദ്രീ​കൃ​ത​വു​മാ​യ പാ​ഠ്യ​പ​ദ്ധ​തി​ക​ൾ ന​ട​പ്പാ​ക്കു​ക, നൈ​പു​ണ്യ വി​ക​സ​ന​ത്തി​നു പ്ര​ത്യേ​ക പ്രാ​ധാ​ന്യം ന​ൽ​കു​ക, വ്യ​വ​സാ​യ-​വി​ദ്യാ​ഭ്യാ​സ ബ​ന്ധം ശ​ക്തി​പ്പെ​ടു​ത്തു​ക, ഗ​വേ​ഷ​ണ സം​സ്കാ​രം ബി​രു​ദ​ത​ല​ത്തി​ൽ​ത​ന്നെ വ​ള​ർ​ത്തു​ക, ശാ​സ്ത്ര വി​ഷ​യ​ങ്ങ​ളോ​ടു​ള്ള താ​ത്പ​ര്യം വ​ർ​ധി​പ്പി​ക്കു​ക, ക​ലാ-​മാ​ന​വി​ക വി​ഷ​യ​ങ്ങ​ളു​ടെ പ്രാ​ധാ​ന്യം ഉ​യ​ർ​ത്തി​ക്കാ​ട്ടു​ക, ക്ലാ​സ് മു​റി​ക​ളി​ലെ ഡി​ജി​റ്റ​ൽ അ​ടി​സ്ഥാ​ന​സൗ​ക​ര്യം മെ​ച്ച​പ്പെ​ടു​ത്തു​ക, അ​ധ്യാ​പ​ക ശ​ക്തീ​ക​ര​ണം ഊർജിത​മാ​ക്കു​ക, ദേ​ശീ​യ, അ​ന്താ​രാ​ഷ്‌​ട്ര സ​ഹ​ക​ര​ണം വ​ർ​ധി​പ്പി​ക്കു​ക, സം​രം​ഭ​ക​ത്വ വി​ക​സ​നം സാ​ധ്യ​മാ​ക്കു​ക, ക​രി​യ​ർ ഗൈ​ഡ​ൻ​സ് അ​ഭി​രു​ചി​ക്ക​നു​സൃ​ത​മാ​ക്കു​ക, പ​രി​സ്ഥി​തി ബോ​ധ​വും സാ​മൂ​ഹി​ക ഉ​ത്ത​ര​വാ​ദി​ത്വ​വും വ​ർ​ധി​പ്പി​ക്കു​ക എ​ന്നി​ങ്ങ​നെ മേ​ഖ​ല​ക​ൾ അ​ന​വ​ധി. എ​ന്നാ​ൽ ഇ​വ​യൊ​ക്കെ ന​ട​പ്പാ​ക്കി​യ​തി​ലു​ള്ള പാ​ളി​ച്ച​ക​ൾ അ​ഥ​വാ ഇ​ച്ഛാ​ശ​ക്തി​യി​ല്ലാ​യ്മ​യാ​ണ് ഈ ​ദു​ര​വ​സ്ഥ​ക്കു കാ​ര​ണം. സ​മൂ​ല​മാ​യ പാ​ഠ്യ​പ​ദ്ധ​തി പ​രി​ഷ്ക​ര​ണ​ത്തി​ന് ആ​ർ​ട്സ് ആ​ൻ​ഡ് സ​യ​ൻ​സ് വി​ദ്യാ​ഭ്യാ​സസ​മൂ​ഹം ത​യാ​റാ​ക​ണം. മേ​ൽ സൂ​ചി​പ്പി​ച്ച​വ​യെ​ല്ലാം ന​മ്മു​ടെ പാ​ഠ്യ​പ​ദ്ധ​തി​യി​ലൂ​ടെ സാ​ധ്യ​മാ​ക​ണം.

ന​മ്മു​ടെ ചി​ന്താ​ഗ​തി​ക​ളി​ൽ മാ​റ്റ​മു​ണ്ടാ​ക​ണം. സ​മ്പൂ​ർ​ണ​മാ​യ മാ​റ്റ​ത്തി​നു നാം ​ത​യാ​റാ​ക​ണം. വി​ട്ടു​വീ​ഴ്ച​ക​ൾ നി​ർ​ബ​ന്ധ​മാ​യി വ​രും. അ​ല്ലാ​തെ പേ​രി​നു മാ​ത്ര​മാ​യി ഇ​വ​യെ​ല്ലാം കാ​ട്ടി​ക്കൂ​ട്ടി​യാ​ൽ പ​രീ​ക്ഷ​ണ​ത്തി​നാ​യി എ​ക്കാ​ല​ത്തും കു​ട്ടി​ക​ളെ കി​ട്ടി​ല്ലെ​ന്ന യാ​ഥാ​ർ​ഥ്യം നാം ​തി​രി​ച്ച​റി​യ​ണം.

ബോധവത്കരണം

ആ​ർ​ട്സ് ആ​ൻ​ഡ് സ​യ​ൻ​സ് ബി​രു​ദ വി​ദ്യാ​ഭ്യാ​സ​ത്തി​ന്‍റെ സാ​മൂ​ഹി​ക​വും സാ​മ്പ​ത്തി​ക​വു​മാ​യ പ്രാ​ധാ​ന്യം പൊ​തു​സ​മൂ​ഹ​ത്തി​ൽ പ്ര​ച​രി​പ്പി​ക്കു​ന്ന​തി​ന് സ​ർ​ക്കാ​ർ പ്ര​ത്യേ​ക ബോ​ധ​വ​ത്ക​ര​ണ പ​രി​പാ​ടി​ക​ൾ ന​ട​പ്പാ​ക്കു​ന്ന​ത് ന​ന്നാ​യി​രി​ക്കും. പ​ല വി​ഷ​യ​ങ്ങ​ളു​ടെ​യും പാ​ഠ്യ​പ​ദ്ധ​തി​ക​ൾ ഇ​ന്ന​ത്തെ തൊ​ഴി​ൽ വി​പ​ണി​യു​ടെ ആ​വ​ശ്യ​ങ്ങ​ളു​മാ​യി ഒ​ട്ടും​ത​ന്നെ പൊ​രു​ത്ത​പ്പെ​ടു​ന്നി​ല്ല. ഉ​ന്ന​ത​വി​ദ്യാ​ഭ്യാ​സ​ത്തി​ന്‍റെ ഗു​ണ​നി​ല​വാ​രം മെ​ച്ച​പ്പെ​ടു​ത്തു​ന്ന​തി​നാ​യി അ​ധ്യാ​പ​ക പ​രി​ശീ​ല​ന​ത്തി​നു കൂ​ടു​ത​ൽ പ്രാ​ധാ​ന്യം ന​ൽ​ക​ണം. ആ​ശ​യ​വി​നി​മ​യം, ഇം​ഗ്ലീ​ഷ് ഭാ​ഷാ പ്രാ​വീ​ണ്യം, കം​പ്യൂ​ട്ട​ർ പ​രി​ജ്ഞാ​നം, ടീം ​വ​ർ​ക്ക്, പ്ര​ശ്ന​പ​രി​ഹാ​ര ക​ഴി​വ്, നേ​തൃ​ത്വ​ശേ​ഷി തു​ട​ങ്ങി​യ മേ​ഖ​ല​ക​ളി​ൽ പ​രി​ശീ​ല​നം ന​ൽ​കു​ന്ന ക്രെ​ഡി​റ്റ് അ​ധി​ഷ്ഠി​ത കോ​ഴ്സു​ക​ൾ പാ​ഠ്യ​പ​ദ്ധ​തി​യു​ടെ ഭാ​ഗ​മാ​ക്ക​ണം.

ഓ​രോ കോ​ള​ജി​ലും ഇ​ന്നൊ​വേ​ഷ​ൻ ആ​ൻ​ഡ് എ​ന്‍റ​ർ​പ്ര​ണ​ർ​ഷി​പ്പ് സെ​ല്ലു​ക​ൾ ശ​ക്തി​പ്പെ​ടു​ത്ത​ണം. സാ​മ്പ​ത്തി​ക​മാ​യി പി​ന്നാ​ക്കം നി​ൽ​ക്കു​ന്ന വി​ദ്യാ​ർ​ഥി​ക​ൾ​ക്കു കൂ​ടു​ത​ൽ സ്കോ​ള​ർ​ഷി​പ്പു​ക​ൾ ന​ൽ​ക​ണം. മെ​റി​റ്റ് അ​ടി​സ്ഥാ​ന​ത്തി​ലും ആ​വ​ശ്യ​മ​നു​സ​രി​ച്ചും പ്ര​ത്യേ​ക സ​ഹാ​യ പ​ദ്ധ​തി​ക​ൾ ന​ട​പ്പാ​ക്ക​ണം. വി​ദ്യാ​ർ​ഥി​ക​ളി​ൽ പ​രി​സ്ഥി​തി സം​ര​ക്ഷ​ണം, സാ​മൂ​ഹി​ക സേ​വ​നം, ജ​നാ​ധി​പ​ത്യ മൂ​ല്യ​ങ്ങ​ൾ, ഭ​ര​ണ​ഘ​ട​നാ ബോ​ധം എ​ന്നി​വ വ​ള​ർ​ത്തു​ന്ന​തി​നു​ള്ള പ്ര​വ​ർ​ത്ത​ന​ങ്ങ​ൾ ശ​ക്തി​പ്പെ​ടു​ത്ത​ണം. സ​മ​ഗ്ര വ്യ​ക്തി​ത്വ വി​ക​സ​നം വി​ദ്യാ​ഭ്യാ​സ​ത്തി​ന്‍റെ പ്ര​ധാ​ന ല​ക്ഷ്യ​ങ്ങ​ളി​ൽ ഒ​ന്നാ​യി​രി​ക്ക​ണം.

സാമ്പത്തിക വിഭവങ്ങളുടെ ഒഴുക്ക്

വി​ദ്യാ​ർ​ഥി​ക​ൾ സം​സ്ഥാ​ന​ത്തി​നു പു​റ​ത്തേ​ക്കു പോ​കു​മ്പോ​ൾ വ​ലി​യ​തോ​തി​ൽ സാ​മ്പ​ത്തി​ക വി​ഭ​വ​ങ്ങ​ളും സം​സ്ഥാ​ന​ത്തി​നു പു​റ​ത്തേ​ക്ക് ഒ​ഴു​കു​ന്നു. വി​ദ്യാ​ഭ്യാ​സ മേ​ഖ​ല​യി​ൽ ന​ട​ക്കു​ന്ന ഈ ​സാ​മ്പ​ത്തി​ക ഒ​ഴു​ക്ക് കു​റ​യ്ക്കു​ന്ന​തി​നും കേ​ര​ള​ത്തെ​ത​ന്നെ ഉ​ന്ന​ത​വി​ദ്യാ​ഭ്യാ​സ​ത്തി​ന്‍റെ പ്ര​ധാ​ന കേ​ന്ദ്ര​മാ​ക്കു​ന്ന​തി​നും ആ​ർ​ട്സ് ആ​ൻ​ഡ് സ​യ​ൻ​സ് കോ​ള​ജു​ക​ളു​ടെ നി​ല​വാ​രം ഉ​യ​ർ​ത്തേ​ണ്ട​ത് അ​നി​വാ​ര്യ​മാ​ണ്. വി​ദ്യാ​ർ​ത്ഥി​ക​ൾ പു​റ​ത്തേ​ക്കു പോ​കു​ന്ന​ത് അ​വ​രു​ടെ വ്യ​ക്തി​പ​ര​മാ​യ വ​ള​ർ​ച്ച​യ്ക്കു​ള്ള അ​വ​സ​ര​മാ​കാം. എ​ന്നാ​ൽ, കേ​ര​ള​ത്തി​ലെ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ​ത​ന്നെ ലോ​കോ​ത്ത​ര നി​ല​വാ​ര​മു​ള്ള സൗ​ക​ര്യ​ങ്ങ​ൾ ല​ഭ്യ​മാ​ക്കു​ന്ന​ത് സം​സ്ഥാ​ന​ത്തി​ന്‍റെ മ​നു​ഷ്യ​വി​ഭ​വ​ശേ​ഷി വി​ക​സ​ന​ത്തി​നും സ​മ്പ​ദ്‌​വ്യ​വ​സ്ഥ​യ്ക്കും ഗു​ണ​ക​ര​മാ​കും.

കേ​ര​ള​ത്തി​ലെ ബി​രു​ദ​ത​ല ആ​ർ​ട്സ് ആ​ൻ​ഡ് സ​യ​ൻ​സ് വി​ദ്യാ​ഭ്യാ​സ​ത്തി​ന്‍റെ മ​ഹ​ത്വ​വും പ്ര​സ​ക്തി​യും പു​നഃ​സ്ഥാ​പി​ക്കു​ന്ന​തി​നാ​യി സ​ർ​ക്കാ​ർ സ​മ​ഗ്ര​മാ​യ പ്ര​വ​ർ​ത്ത​ന​പ​ദ്ധ​തി രൂ​പീ​ക​രി​ച്ചു ന​ട​പ്പാ​ക്കു​മെ​ന്നു പ്ര​തീ​ക്ഷി​ക്കു​ന്നു. ചി​ല മി​നു​ക്കു​പ​ണി​ക​ള​ല്ല ന​മു​ക്കാ​വ​ശ്യം, മ​റി​ച്ച് സ​മ്പൂ​ർ​ണ​മാ​യൊ​രു ഉ​ട​ച്ചു​വാ​ർ​ക്ക​ലാ​ണ് ഈ ​രം​ഗ​ത്ത് പ്ര​തീ​ക്ഷി​ക്കു​ന്ന​ത്. കേ​ര​ള​ത്തി​ന്‍റെ ഉ​ന്ന​ത വി​ദ്യാ​ഭ്യാ​സ മേ​ഖ​ല​യെ കൂ​ടു​ത​ൽ ശ​ക്ത​വും ആ​ഗോ​ള മ​ത്സ​ര​ക്ഷ​മ​വു​മാ​ക്കു​ന്ന​തി​നു​ള്ള ശ​ക്ത​മാ​യ ഇ​ട​പെ​ട​ലു​ക​ൾ​ക്ക് ഉ​ന്ന​ത​വി​ദ‍്യാ​ഭ‍്യാ​സ​മ​ന്ത്രി നേ​തൃ​ത്വം ന​ൽ​കു​മെ​ന്നും പ്ര​തീ​ക്ഷി​ക്കാം.

(മാ​ന്നാ​നം കെ​ഇ കോ​ള​ജ് പ്രി​ൻ​സി​പ്പ​ലാ​ണ് ലേ​ഖ​ക​ൻ)

Tags : Arts & Science Colleges Crisis