കണ്ണൂർ: സാന്‍റാ മോണിക്ക സ്റ്റഡി എബ്രോഡ് സംഘടിപ്പിക്കുന്ന മെഗാ മില്യൺസ് വിദേശ വിദ്യാഭ്യാസ സ്കോളർഷിപ്പ് ഫെസ്റ്റ് കണ്ണൂർ താവക്കര സെൻട്രൽ ബസ് ടെർമിനലിലെ ബ്രോഡ്‍ബീൻ ഹോട്ടലിൽ മേയ് നാലിന് രാവിലെ 10 മുതൽ വൈകുന്നേരം അഞ്ചു വരെ നടക്കും.
കാനഡ, യുകെ, ഓസ്ട്രേലിയ, ന്യൂസിലൻഡ്, യുഎസ്എ, അയർലൻഡ്, സ്വീഡൻ, ജർമനി, ഫ്രാൻസ്, സ്വിറ്റ്സർലൻഡ്, ഫിൻലൻഡ്, മാൾട്ട, ലാത്വിയ, സിംഗപ്പൂർ, മലേഷ്യ, യുഎഇ തുടങ്ങിയ രാജ്യങ്ങളിൽനിന്നായി മുൻനിര വിദേശ സർവകലാശാലകളും കോളജുകളും ഫെസ്റ്റില്‍ നേരിട്ടെത്തും.
വിദേശത്ത് ഉപരിപഠനത്തിനായി തയാറെടുക്കുന്നവർക്ക് മാത്രമല്ല പ്ലസ്ടു, ഡിഗ്രി അവസാന വർഷ വിദ്യാർഥികൾക്കും ഈ "വിദേശ സ്കോളർഷിപ്പ് ഉത്സവ'ത്തിൽ പങ്കെടുക്കാം. വിദ്യാർഥികൾക്ക് സൗജന്യമായി അപേക്ഷാഫോം നൽകാനും സ്പോട്ട് പ്രൊഫൈൽ അസസ്മെന്‍റ് നടത്താനും ഫാസ്റ്റ് ട്രാക്ക് അപേക്ഷ സമർപ്പിക്കാനും ഫെസ്റ്റിൽ സാധിക്കും. ഓരോ രാജ്യത്തെയും സാധ്യതകള്‍ ചോദിച്ചറിഞ്ഞ് അനുയോജ്യമായ കോഴ്സുകള്‍ തെരഞ്ഞെടുക്കാം.
ഡോക്ടർമാർക്കും ഡെന്‍റിസ്റ്റുകൾക്കുമുള്ള കോഴ്സുകൾക്കായുള്ള പ്രതെക്ക ഡെസ്കും നഴ്സിംഗ് പഠനം വർക്ക് പെർമിറ്റിനായുള്ള ഡെസ്കും സജ്ജീകരിച്ചിരിക്കുന്നു. വിദേശ വിദ്യാഭ്യാസ ലോൺ സേവനങ്ങൾക്കായി പ്രമുഖ ബാങ്കുകളുടെ കൗണ്ടറുകളും ഉണ്ടായിരിക്കും. കൂടാതെ വിവിധ രാജ്യങ്ങളിലെ തൊഴില്‍ സാധ്യതകള്‍, സ്റ്റഡി വീസയുടെ ലഭ്യത, പാര്‍ട്ട് ടൈം തൊഴിലവസരങ്ങള്‍, രാജ്യങ്ങളുടെ നയങ്ങളിൽ വന്ന മാറ്റങ്ങൾ ഇവയെല്ലാം മനസിലാക്കാനുള്ള അവസരം കൂടിയാണ് സാന്‍റാ മോണിക്ക ഒരുക്കുന്നതെന്ന് മാനേജിംഗ് ഡയറക്ടർ ഡെന്നി തോമസ് വട്ടക്കുന്നേൽ പറഞ്ഞു.
ഫെസ്റ്റിലേക്ക് പ്രവേശനം സൗജന്യമാണ്. www.santamonicaedu.in എന്ന വെബ്സൈറ്റിൽ മുൻകൂട്ടി രജിസ്റ്റർ ചെയ്യുന്നവർക്ക് മെയിൽ വഴി ലഭിക്കുന്ന എൻട്രി പാസ് ഉപയോഗിച്ച് പ്രവേശനം നേടാം. ഇതിനു പുറമെ സ്പോട്ട് രജിസ്ട്രേഷൻ സൗകര്യവുമുണ്ട്. കൂടുതൽ വിവരങ്ങൾക്ക് 0484 4150999, 9645222999 എന്നീ ഫോണ്‍ നമ്പറുകളിൽ ബന്ധപ്പെടാം.