കൊ​ല്ലം: ക​ല്ലും​താ​ഴം റെ​യി​ൽ​വേ ഗേ​റ്റി​നു സ​മീ​പം ട്രെ​യി​ൻ ത​ട്ടി മ​രി​ച്ചനി​ല​യി​ൽ ക​ണ്ടെ​ത്തി​യ​വ​രെ തി​രി​ച്ച​റി​ഞ്ഞു. കു​ണ്ട​റ മാ​മൂ​ട് അ​ന​ന്തു ഭ​വ​നി​ൽ പ​രേ​ത​നാ​യ ശ​ശി​ധ​ര​ൻ പി​ള്ള​യു​ടെ ഏ​ക മ​ക​ൻ എ​സ്.​ അ​ന​ന്തു​വും (18), എ​റ​ണാ​കു​ളം ഇ​ട​പ്പ​ള്ളി വ​ട്ടേ​ക്കു​ന്നം പാ​റ​പ്പു​റ​ത്ത് മ​ധു​വി​ന്‍റെ മ​ക​ൾ മീ​നാ​ക്ഷി (18)​യു​മാ​ണ് മ​രി​ച്ച​ത്. കഴിഞ്ഞദിവസം വൈകുന്നേരം 5.30നാ​ണ് ക​ല്ലും​താ​ഴം റെ​യി​ൽ​വേ ഗേ​റ്റി​നുസ​മീ​പം പാ​ൽ​ക്കു​ള​ങ്ങ​ര തെ​ങ്ങ​യ്യ​ത്ത് ക്ഷേ​ത്ര​ത്തി​നും ഈ​ഴ​വ പാ​ല​ത്തി​നും ഇ​ട​യി​ൽ ഇ​രു​വ​രെ​യും ട്രെ​യി​ൻ ത​ട്ടി മ​രി​ച്ച നി​ല​യി​ൽ ക​ണ്ട​ത്.

കൊ​ല്ല​ത്തുനി​ന്നും എ​റ​ണാ​കു​ളം ഭാ​ഗ​ത്തേ​ക്ക് പോ​യ ഗാ​ന്ധി​ധാം എ​ക്സ്പ്ര​സ് ട്രെ​യി​നാ​ണ് ഇ​ടി​ച്ച​ത്. റെ​യി​ൽ​വേ ട്രാ​ക്കി​ലൂ​ടെ ന​ട​ന്നു മു​ന്നോ​ട്ട് പോ​യ ഇ​രു​വ​രും ട്രെ​യി​ൻ വ​രു​ന്ന​ത് ക​ണ്ട​പ്പോ​ൾ പ​ര​സ്പ​രം ആ​ലിം​ഗ​നം ചെ​യ്തു നി​ന്ന​താ​യും ട്രെ​യി​ൻ ഇ​രു​വ​രെ​യും ഇ​ടി​ച്ചുതെ​റി​പ്പി​ച്ച​താ​യും ദൃ​ക്സാ​ക്ഷി​ക​ൾ പ​റ​ഞ്ഞു.

അ​ന​ന്തു കൊ​ല്ലം ഫാ​ത്തി​മ കോ​ള​ജി​ലെ മ​ല​യാ​ളം ഒ​ന്നാം വ​ർ​ഷ ബി​രു​ദ വി​ദ്യാ​ർ​ഥി​യും മീ​നാ​ക്ഷി പ്ല സ് ടു ക​ഴി​ഞ്ഞ വി​ദ്യാ​ർ​ഥി​യു​മാ​ണ്. ഇ​രു​വ​രും ഇ​ൻ​സ്റ്റാ​ഗ്രാം വ​ഴി​യാ​ണ് ഒ​രുമാ​സം മു​ൻ​പ് പ​രി​ച​യ​പ്പെ​ട്ട​തെ​ന്ന് അ​ന​ന്തു​വി​ന്‍റെ സു​ഹൃ​ത്തു​ക്ക​ൾ കി​ളി​കൊ​ല്ലൂ​ർ പോ​ലീ​സി​നു മൊ​ഴി ന​ൽ​കി. ഇ​രു​വ​രും പ്ര​ണ​യ​ത്തി​ലാ​യി​രു​ന്നു​വെ​ന്നും പ​റ​യു​ന്നു. എ​ന്നാ​ൽ ഈ ​കാ​ര്യ​മൊ​ന്നും ഇ​രുവീ​ട്ടു​കാ​ർ​ക്കും അ​റി​യി​ല്ലാ​യി​രു​ന്നു. ചൊ​വ്വാ​ഴ്ച​യാ​ണ് ഇ​രു​വ​രും നേ​രി​ൽ കാ​ണു​ന്ന​തെ​ന്നും അ​ന​ന്തു​വി​ന്‍റെ സു​ഹൃ​ത്തു​ക്ക​ൾ പ​റ​ഞ്ഞു.

സി​നി​മ കാ​ണാ​ൻ പോ​കു​ന്നുവെന്ന് പ​റ​ഞ്ഞാ​ണ് അ​ന​ന്തു വീ​ട്ടി​ൽനി​ന്നും ഇ​റ​ങ്ങി​യ​ത്. എ​ന്നാ​ൽ മീ​നാ​ക്ഷി വീ​ട്ടു​കാ​രോ​ട് ഒ​ന്നും പ​റ​ഞ്ഞി​രു​ന്നി​ല്ല. ഏ​റെ വൈ​കി​യി​ട്ടും മ​ക്ക​ളെ കാ​ണാ​താ​യ​തോ​ടെ ഇ​രുവീ​ട്ടു​കാ​രും പോലീ​സ് സ്റ്റേ​ഷ​നു​ക​ളി​ൽ പ​രാ​തി ന​ൽ​കി​യി​രു​ന്നു.

രാ​ത്രി​യോ​ടെ​യാ​ണ് കി​ളി​കൊ​ല്ലൂ​രി​ൽ രണ്ടുപേ​രെ ട്രെ​യി​ൻത​ട്ടി മ​രി​ച്ചെ​ന്ന വാ​ർ​ത്ത വീ​ട്ടു​കാ​രും ബ​ന്ധു​ക്ക​ളും അ​റി​ഞ്ഞ​ത്. ഇ​ന്ന​ലെ രാ​വി​ലെ ഇ​രു​വ​രു​ടെ​യും ബ​ന്ധു​ക്ക​ൾ കൊ​ല്ലം ജി​ല്ലാ ആ​ശു​പ​ത്രി മോ​ർ​ച്ച​റി​യി​ലെത്തി മൃ​ത​ദേ​ഹ​ങ്ങ​ൾ തി​രി​ച്ച​റി​ഞ്ഞു.

പോ​സ്റ്റ്മോ​ർ​ട്ട​ത്തി​നുശേ​ഷം ഇ​രു മൃ​ത​ദേ​ഹ​ങ്ങ​ളും ബ​ന്ധു​ക്ക​ൾ ഏ​റ്റുവാ​ങ്ങി. സം​സ്കാ​രം ന​ട​ത്തി. കി​ളി​കൊ​ല്ലൂ​ർ പോലീ​സ് കേ​സെ​ടു​ത്തു. അ​ന​ന്തു​വി​ന്‍റെ അ​മ്മ അ​ജി​ത മീ​നാ​ക്ഷി​യു​ടെ അ​മ്മ ബി​ന്ദു. സ​ഹോ​ദ​രി ശ്രീ​ല​ക്ഷ്മി.