18

കോ​ൽ​ക്ക​ത്ത: തൃ​ണ​മൂ​ൽ കോ​ൺ​ഗ്ര​സി​ൽനിന്ന് അ​ധി​കാ​രം പി​ടി​ച്ചെ​ടു​ത്ത​തി​ന് പി​ന്നാ​ലെ പ​ശ്ചി​മ ബം​ഗാ​ളി​ൽ ഉ​ട​ൻ അ​ധി​കാ​ര​മേ​ൽ​ക്കാ​ൻ ബി​ജെ​പിയുടെ നീ​ക്കം. ആ​കെ വോ​ട്ടെ​ടു​പ്പ് ന​ട​ന്ന 293 സീ​റ്റു​ക​ളി​ൽ 208 സീ​റ്റു​ക​ളി​ൽ ബി​ജെ​പി മു​ന്നേ​റു​ക​യാ​ണ്. വി​ജ​യ​ത്തി​ന് പി​ന്നാ​ലെ സ​ർ​ക്കാ​ർ രൂ​പീ​ക​ര​ണ ന​ട​പ​ടി​ക​ൾ വേ​ഗ​ത്തി​ലാ​ക്കു​ക​യാ​ണ് ബി​ജെ​പി. ര​വീ​ന്ദ്ര​നാ​ഥ ടാ​ഗോ​റി​ന്‍റെ ജ​ന്മ​ദി​ന​മാ​യ മേ​യ് ഒൻപതിന് ​പു​തി​യ സ​ർ​ക്കാ​ർ സ​ത്യ​പ്ര​തി​ജ്ഞ ചെ​യ്ത് അ​ധി​കാ​ര​മേ​ൽ​ക്കു​മെ​ന്നാ​ണ് സൂ​ച​ന.

തൃ​ണ​മൂ​ൽ കോ​ൺ​ഗ്ര​സി​ന് ഇ​ര​ട്ടി പ്ര​ഹ​ര​മേ​കി​ക്കൊ​ണ്ട് മു​ഖ്യ​മ​ന്ത്രി മ​മ​ത ബാ​ന​ർ​ജി സ്വ​ന്തം മ​ണ്ഡ​ല​മാ​യ ഭ​വാ​നി​പൂ​രി​ൽ പ​രാ​ജ​യ​പ്പെ​ട്ടു. ബി​ജെ​പി നേ​താ​വ് സു​വേ​ന്ദു അ​ധി​കാ​രി​യാ​ണ് മ​മ​ത​യെ അ​വ​രു​ടെ സ്വ​ന്തം കോ​ട്ട​യി​ൽ ത​ക​ർ​ത്തത്. വോ​ട്ടെ​ണ്ണ​ലി​ന്‍റെ തു​ട​ക്ക​ത്തി​ൽ സു​വേ​ന്ദു​വി​ന് മു​ൻ​തൂ​ക്കം ല​ഭി​ച്ചെ​ങ്കി​ലും ഏ​ഴാം റൗ​ണ്ടി​ൽ മ​മ​ത 19,000 വോ​ട്ടു​ക​ൾ​ക്ക് മു​ന്നി​ലെ​ത്തി​യി​രു​ന്നു. എ​ന്നാ​ൽ വൈ​കു​ന്നേ​ര​ത്തോ​ടെ മ​മ​ത​യു​ടെ ലീ​ഡ് കു​റ​യു​ക​യും 18 റൗ​ണ്ടു​ക​ൾ പൂ​ർ​ത്തി​യാ​യ​പ്പോ​ൾ സു​വേ​ന്ദു 11,000 വോ​ട്ടു​ക​ൾ​ക്ക് മു​ന്നി​ലെ​ത്തു​ക​യും ചെ​യ്തു. 15,000 വോ​ട്ടു​ക​ളു​ടെ ഭൂ​രി​പ​ക്ഷ​ത്തി​നാ​ണ് സു​വേ​ന്ദു അ​ധി​കാ​രി മ​മ​ത​യെ പ​രാ​ജ​യ​പ്പെ​ടു​ത്തി​യ​ത്.

അ​ഞ്ച് വ​ർ​ഷം മു​മ്പ് ന​ന്ദി​ഗ്രാ​മി​ൽ മ​മ​ത​യെ വീ​ഴ്ത്തി​യ സു​വേ​ന്ദു ഇ​ത്ത​വ​ണ ഭ​വാ​നി​പൂ​രി​ലും ന​ന്ദി​ഗ്രാ​മി​ലും വി​ജ​യം ഉ​റ​പ്പി​ച്ചു. ആ​ർ ജി ​ക​ർ മെ​ഡി​ക്ക​ൽ കോ​ള​ജ് സം​ഭ​വ​ത്തെ​ത്തു​ട​ർ​ന്നു​ണ്ടാ​യ ജ​ന​രോ​ഷം മ​മ​ത​യു​ടെ പ്ര​തി​ച്ഛാ​യ​യ്ക്ക് മ​ങ്ങ​ലേ​ൽ​പ്പി​ച്ച​തും തെ​ര​ഞ്ഞെ​ടു​പ്പി​ൽ പ്ര​തി​ഫ​ലി​ച്ചു.

Tags : BJP take power soon West Bengal election