ഗൂഡല്ലൂർ: ആറ് പതിറ്റാണ്ടിലേറെയായി തുടരുന്ന ഗൂഡല്ലൂർ ജന്മം ഭൂപ്രശ്നത്തിന് കർഷകാനുകൂലമായ ശാശ്വത പരിഹാരം കാണണമെന്ന ആവശ്യവുമായി നീലഗിരിയിൽ നിന്നുള്ള കോൺഗ്രസ് പ്രതിനിധി സംഘം ചെന്നൈയിൽ തമിഴ്നാട് മന്ത്രിമാരുമായി കൂടിക്കാഴ്ച നടത്തി. പാർട്ടി ദേശീയ സമിതിയംഗവും സംസ്ഥാന ജനറൽ സെക്രട്ടറിയുമായ കോശി ബേബി, നേതാക്കളായ അനസ് എടലത്ത്, ഗോപി, ഷാജി ചെളിവയൽ, അഷ്റഫ്, ശിവരാജ്, ഷാജി ഉപ്പട്ടി, യാസീൻ റാഫി, അസ്ലം എന്നിവരടങ്ങുന്ന സംഘമാണ് ചെന്നൈയിലെത്തി മന്ത്രിമാരെ കണ്ടത്.
മുൻപ് ഡിഎംകെ സർക്കാർ സുപ്രീംകോടതിയിൽ സമർപ്പിച്ച സത്യവാംഗ്മൂലത്തിന്റെ അടിസ്ഥാനത്തിൽ, വിഷയം പഠിച്ച് റിപ്പോർട്ട് നൽകാൻ സെൻട്രൽ എംപവേഡ് കമ്മിറ്റിയെ ചുമതലപ്പെടുത്തിയിരുന്നു. എന്നാൽ ഈ സത്യവാംഗ്മൂലം പൂർണമായും കർഷക താല്പര്യങ്ങൾക്ക് അനുകൂലമായിരുന്നില്ലെന്ന പശ്ചാത്തലത്തിലാണ് കോൺഗ്രസ് നേതാക്കളുടെ അടിയന്തിര ഇടപെടൽ.
Tags : Land Dispute: Congress delegation Latest News