5

ആ​ല​പ്പു​ഴ: ന​വ​കേ​ര​ള യാ​ത്ര​യി​ൽ പ്ര​തി​ഷേ​ധി​ച്ച യൂ​ത്ത് കോ​ൺ​ഗ്ര​സ് നേ​താ​ക്ക​ളാ​യ എ.​ഡി. തോ​മ​സ് എം​എ​ൽ​എ​യെ​യും അ​ജ​യ് ജ്യു​വ​ൽ കു​ര്യാ​ക്കോ​സി​നെ​യും മ​ർ​ദി​ച്ച കേ​സി​ൽ പ്ര​തി​ക​ളാ​യ അം​ഗ​ര​ക്ഷ​ക​ർ സ​മ​ർ​പ്പി​ച്ച മു​ൻ​കൂ​ർ ജാ​മ്യാ​പേ​ക്ഷ സെ​ഷ​ൻ​സ് കോ​ട​തി ആ​റി​ന് വീ​ണ്ടും പ​രി​ഗ​ണി​ക്കും.

ബു​ധ​നാ​ഴ്ച രാ​വി​ലെ കേ​സ് പ​രി​ഗ​ണി​ക്കു​ന്ന​തി​നി​ടെ പ്രോ​സി​ക്യൂ​ഷ​ൻ ഹാ​ജ​രാ​ക്കി​യ വീ​ഡി​യോ ദൃ​ശ്യ​ങ്ങ​ളി​ൽ പ്ര​തി​ഭാ​ഗം അ​ഭി​ഭാ​ഷ​ക​ൻ സം​ശ​യം പ്ര​ക​ടി​പ്പി​ച്ച​തോ​ടെ ദൃ​ശ്യ​ങ്ങ​ളു​ടെ ആ​ധി​കാ​രി​ക​ത ഉ​റ​പ്പാ​ക്ക​ണ​മെ​ന്ന് നി​രീ​ക്ഷി​ച്ച് പോ​ലീ​സ് ഫോ​ട്ടോഗ്രാ​ഫ​ർ ചി​ത്രീ​ക​രി​ച്ച ദൃ​ശ്യ​ങ്ങ​ളും ഫോ​റ​ൻ​സി​ക് റി​പ്പോ​ർ​ട്ടും ഹാ​ജ​രാ​ക്കാ​ൻ നി​ർ​ദേ​ശി​ച്ചാ​ണ് സെ​ഷ​ൻ​സ് കോ​ട​തി ജ​ഡ്ജി ഹ​ണി എം. ​വ​ർ​ഗീ​സ് തു​ട​ർ​വാ​ദ​ത്തി​നാ​യി മാ​റ്റി​യ​ത്. കേ​സ് മാ​റ്റി​വ​യ്ക്കു​ന്ന​തി​ന്‍റെ ആ​നു​കൂ​ല്യം ഉ​പ​യോ​ഗി​ക്ക​രു​തെ​ന്നും പ്ര​തി​ക​ളെ അ​തു​വ​രെ അ​റ​സ്റ്റ് ചെ​യ്യ​രു​തെ​ന്നും പ്രോ​സി​ക്യൂ​ഷ​ന് നി​ർ​ദേ​ശം ന​ൽ​കി.

മു​ഖ്യ​മ​ന്ത്രി​യു​ടെ സു​ര​ക്ഷാ ഉ​ദ്യോ​ഗ​സ്ഥ​രെ​ന്ന നി​ല​യി​ൽ കൃ​ത്യ​നി​ർ​വ​ഹ​ണ​ത്തി​ന്‍റെ ഭാ​ഗ​മാ​യ ന​ട​പ​ടി​ക​ളാ​ണു​ണ്ടാ​യ​തെ​ന്ന് കോ​ട​തി​യി​ൽ ചൂ​ണ്ടി​ക്കാ​ട്ടി​യാ​യി​രു​ന്നു പ്ര​തി​ഭാ​ഗം അ​ഭി​ഭാ​ഷ​ക​ൻ വാ​ദം തു​ട​ങ്ങി​യ​ത്. പ്ര​ത്യേ​ക അ​ന്വേ​ഷ​ണ​സം​ഘം കേ​സേ​റ്റെ​ടു​ത്ത​ശേ​ഷം മേ​യ് 30ന് ​രാ​വി​ലെ ജു​ഡീ​ഷ്യ​ൽ ഫ​സ്റ്റ്ക്ളാ​സ് മ​ജി​സ്ട്രേ​റ്റ് കോ​ട​തി​യി​ൽ ന​ൽ​കി​യ റി​പ്പോ​ർ​ട്ടി​ൽ ചു​മ​ത്താ​തി​രു​ന്ന വ​ധ​ശ്ര​മം വൈ​കു​ന്നേ​രം ചു​മ​ത്തി ജാ​മ്യം നി​ഷേ​ധി​ക്കാ​ൻ ശ്ര​മി​ച്ച​ത് അ​ദ്ദേ​ഹം കോ​ട​തി​യി​ൽ ചൂ​ണ്ടി​ക്കാ​ട്ടി.

മേ​യ് 30ന് ​കോ​ട​തി​യി​ൽ സ​മ​ർ​പ്പി​ച്ച റി​പ്പോ​ർ​ട്ടി​ൽ അ​ന്നേ​ദി​വ​സം വൈ​കി​ട്ട് നാ​ലി​ന് മെ​ഡി​ക്ക​ൽ ബോ‌‌​ർ‌​ഡ് കൂ​ടി വൈ​കി​ട്ട് അ​ഞ്ചി​ന​കം എ​ങ്ങ​നെ വ​ധ​ശ്ര​മം ചു​മ​ത്തി റി​പ്പോ​ർ​ട്ട് ന​ൽ​കി​യെ​ന്ന് പ്ര​ത്യേ​ക അ​ന്വേ​ഷ​ണ സം​ഘ​ത്തോ​ട് കോ​ട​തി ആ​രാ​ഞ്ഞു. നി​ല​വി​ൽ ഹാ​ജ​രാ​ക്കി​യ ദൃ​ശ്യ​ങ്ങ​ളു​ടെ ഫോ​റ​ൻ​സി​ക് ഫ​ല​വും പോ​ലീ​സ് ചി​ത്രീ​ക​രി​ച്ച വീ​ഡി​യോ ദൃ​ശ്യ​ങ്ങ​ള​മ​ട​ക്ക​മു​ള്ള തെ​ളി​വു​ക​ളും പ​രി​ശോ​ധി​ച്ച് കേ​സി​ൽ ആ​റി​ന് ന​ട​ക്കു​ന്ന വി​ശ​ദ​മാ​യ വാ​ദ​ത്തി​ന് ശേ​ഷ​മാ​കും തീ​രു​മാ​നം.

Tags : Navakerala Yatra violence bail plea protesters