21

ന്യൂ​യോ​ർ​ക്ക്: 1938-ൽ ​ഇ​റ്റ​ലി​യും 1962-ൽ ​ബ്ര​സീ​ലും കു​റി​ച്ച തു​ട​ർ​ച്ച​യാ​യ ര​ണ്ട് ലോ​ക​ക​പ്പ് കി​രീ​ട​ങ്ങ​ളെ​ന്ന അ​പൂ​ർ​വ നേ​ട്ട​ത്തി​ലേ​ക്ക് ബൂ​ട്ടു കെ​ട്ടി​യ അ​ർ​ജ​ന്‍റീ​ന​യ്ക്ക് ന്യൂ​യോ​ർ​ക്കി​ൽ ല​ഭി​ച്ച​ത് ക​ണ്ണീ​രി​ന്‍റെ ക​പ്പ് മാ​ത്രം. ത​ങ്ങ​ളു​ടെ വി​ജ​യ​ച​രി​ത്രം ആ​വ​ർ​ത്തി​ക്കാ​നി​റ​ങ്ങി​യ മെ​സി​യു​ടെ പ​ട സ്പാ​നി​ഷ് ആ​ക്ര​മ​ണ​ത്തി​ന് മു​ന്നി​ൽ ത​ക​രു​ക​യാ​യി​രു​ന്നു.

ഈ ​പ​ത​ന​ത്തി​ന്‍റെ ആ​ഴ​ത്തി​ലും ല​യ​ണ​ൽ മെ​സി എ​ന്ന ഇ​തി​ഹാ​സം കാ​ഴ്ച​വെ​ച്ച പോ​രാ​ട്ട​വീ​ര്യം ഫു​ട്ബോ​ൾ ലോ​ക​ത്തെ വീ​ണ്ടും അ​ത്ഭു​ത​പ്പെ​ടു​ത്തി. മ​ത്സ​ര​ത്തി​ന്‍റെ തു​ട​ക്കം മു​ത​ൽ അ​ർ​ജ​ന്‍റീ​നി​യ​ൻ താ​ര​ങ്ങ​ളെ പൂ​ട്ടി​യി​ടാ​നാ​ണ് സ്പെ​യി​ൻ ശ്ര​മി​ച്ച​ത്. ടീ​മി​ന്‍റെ കു​ന്ത​മു​ന​യാ​യ ല​യ​ണ​ൽ മെ​സി​ക്ക് മൈ​താ​ന​ത്ത് അ​ന​ങ്ങാ​ൻ ക​ഴി​യു​ന്നി​ല്ലെ​ന്ന് മ​ന​സി​ലാ​യ​തോ​ടെ കോ​ച്ച് ല​യ​ണ​ൽ സ്ക​ലോ​ണി ത​ന്ത്ര​ങ്ങ​ൾ മാ​റ്റി​പ്പ​രീ​ക്ഷി​ച്ചു​കൊ​ണ്ടേ​യി​രു​ന്നു.

ഇ​തി​നി​ടെ എ​ൻ​സോ ഫെ​ർ​ണാ​ണ്ട​സി​ന് ചു​വ​പ്പ് കാ​ർ​ഡ് ല​ഭി​ച്ച് പ​ത്തു പേ​രാ​യി ചു​രു​ങ്ങി​യ​ത് അ​ർ​ജ​ന്‍റീ​ന​യ്ക്ക് വ​ലി​യ തി​രി​ച്ച​ടി​യാ​യി. തോ​ൽ​വി​യു​ടെ അ​രി​കി​ൽ നി​ൽ​ക്കു​മ്പോ​ഴും പ​ത്തു​പേ​രു​മാ​യി പോ​ര​ടി​ച്ച് അ​വ​സാ​ന നി​മി​ഷ​ങ്ങ​ളി​ൽ മെ​സി കാ​ഴ്ച​വെ​ച്ച തീ​പാ​റു​ന്ന പോ​രാ​ട്ട​വീ​ര്യ​വും ടീ​മി​നെ തു​ണ​ച്ചി​ല്ല.

മ​റു​വ​ശ​ത്ത് അ​ർ​ജ​ന്‍റീ​ന​യ്‌​ക്കെ​തി​രെ സ​മ്പൂ​ർ​ണ ആ​ധി​പ​ത്യ​മാ​ണ് സ്പെ​യി​ൻ പു​ല​ർ​ത്തി​യ​ത്. നി​ര​ന്ത​രം ആ​ക്ര​മ​ണ​ങ്ങ​ൾ അ​ഴി​ച്ചു​വി​ട്ട സ്പെ​യി​ൻ മ​ത്സ​ര​ത്തി​ന്‍റെ 106-ാം മി​നി​റ്റി​ൽ ഫെ​റാ​ൻ ടോ​റ​സി​ലൂ​ടെ ആ ​വി​ജ​യ​ഗോ​ൾ ക​ണ്ടെ​ത്തി. 2010-ൽ ​ആ​ന്ദ്രെ​സ് ഇ​നി​യി​സ്റ്റ​യു​ടെ ഗോ​ളി​ൽ നെ​ത​ർ​ലാ​ൻ​ഡ്സി​നെ ത​ക​ർ​ത്ത് കി​രീ​ട​മ​ണി​ഞ്ഞ​തി​ന് ശേ​ഷം സ്പെ​യി​ന്‍റെ ര​ണ്ടാം ലോ​ക​ക​പ്പ് വി​ജ​യ​മാ​ണി​ത്.

മ​ത്സ​ര​ത്തി​ൽ തോ​റ്റെ​ങ്കി​ലും ക​രി​യ​റി​ലെ ത​ന്നെ ഏ​റ്റ​വും മി​ക​ച്ച ലോ​ക​ക​പ്പ് ക​ണ​ക്കു​ക​ളു​മാ​യാ​ണ് മെ​സി ഇ​ത്ത​വ​ണ ഫൈ​ന​ൽ ക​ളി​ക്കാ​നി​റ​ങ്ങി​യ​ത്. ബ്ര​സീ​ൽ ഇ​തി​ഹാ​സം ക​ഫു​വി​ന് ശേ​ഷം മൂ​ന്ന് ലോ​ക​ക​പ്പ് ഫൈ​ന​ലു​ക​ളി​ൽ ടീ​മി​നെ ന​യി​ക്കു​ന്ന ക്യാ​പ്റ്റ​നെ​ന്ന അ​പൂ​ർ​വ നേ​ട്ട​വും മെ​സി സ്വ​ന്ത​മാ​ക്കി. ഇ​ത്ത​വ​ണ എ​ട്ടു ഗോ​ളു​ക​ളും നാ​ലു അ​സി​സ്റ്റു​ക​ളു​മാ​യി ടീ​മി​ന്‍റെ നി​ർ​ണാ​യ​ക മ​ത്സ​ര​ങ്ങ​ളി​ലെ​ല്ലാം അ​വി​ശ്വ​സ​നീ​യ​മാ​യ പ്ര​ക​ട​ന​മാ​ണ് ഈ 39-​കാ​ര​ൻ കാ​ഴ്ച​വെ​ച്ച​ത്.

ഇം​ഗ്ല​ണ്ടി​നെ​തി​രെ അ​ദ്ദേ​ഹം കാ​ഴ്ച​വെ​ച്ച മാ​സ്മ​രി​ക പ്ര​ക​ട​നം മാ​ത്രം മ​തി​യാ​വും ഈ ​പ്രാ​യ​ത്തി​ലും മെസിയുടെ പ്ര​തി​ഭ എ​ത്ര​ത്തോ​ള​മു​ണ്ടെ​ന്ന് മ​ന​സി​ലാ​ക്കാ​ൻ. എ​ൻ​സോ​യു​ടെ ചു​വ​പ്പു​കാ​ർ​ഡും 106-ാം മി​നി​റ്റി​ലെ ഫെ​റാ​ൻ ടോ​റ​സി​ന്‍റെ ഗോ​ളും അ​ർ​ജ​ന്‍റീ​ന​യു​ടെ സ്വ​പ്ന​ങ്ങ​ളെ ത​ല്ലി​ക്കെ​ടു​ത്തി​യെ​ങ്കി​ലും തോ​ൽ​വി​യി​ലും ത​ല​യു​യ​ർ​ത്തി​പ്പി​ടി​ച്ചാ​ണ് മെ​സി​യും സം​ഘ​വും മൈ​താ​നം വി​ട്ട​ത്.

Tags : FIFAWorldCup Football WorldCup2026 messi