ന്യൂ​ഡ​ൽ​ഹി: ല​ക്ഷ​ക്ക​ണ​ക്കി​ന് ആ​ളു​ക​ൾ വി​ശ്വ​സി​ക്കു​ന്ന ഒ​രു കാ​ര്യം തെ​റ്റാ​ണെ​ന്ന് പ്ര​ഖ്യാ​പി​ക്കു​ന്ന​ത് കോ​ട​തി​യെ സം​ബ​ന്ധി​ച്ചി​ട​ത്തോ​ളം അ​തീ​വ ദു​ഷ്ക​ര​മാ​യ ദൗ​ത്യ​മാ​ണെ​ന്ന് സു​പ്രീം​കോ​ട​തി. ശ​ബ​രി​മ​ല യു​വ​തി പ്ര​വേ​ശ​ന​വു​മാ​യി ബ​ന്ധ​പ്പെ​ട്ട വി​ശാ​ല ബെ​ഞ്ചി​ന്‍റെ വാ​ദ​ത്തി​നി​ടെ​യാ​ണ് സു​പ്രീം​കോ‌​ട​തി​യു​ടെ നി​രീ​ക്ഷ​ണം. വി​ശ്വാ​സി​യ​ല്ലാ​ത്ത ഒ​രാ​ളെ ഇ​ത്ത​രം ഹ​ർ​ജി​ക​ൾ ന​ൽ​കാ​ൻ അ​നു​വ​ദി​ക്ക​രു​ത് എ​ന്ന് ജ​സ്റ്റി​സ് നാ​ഗ​ര​ത്ന നി​രീ​ക്ഷി​ച്ചു. ഭ​ക്ത​ര​ല്ലാ​ത്ത​വ​ർ ന​ൽ​കി​യ ഹ​ർ​ജി ശ​ബ​രി​മ​ല വി​ഷ​യ​ത്തി​ൽ എ​ങ്ങ​നെ സ്വീ​ക​രി​ച്ചു എ​ന്ന ചോ​ദ്യം കോ​ട​തി വീ​ണ്ടും ആ​വ​ർ​ത്തി​ച്ചു. കൂ​ട്ട ആ​ത്മ​ഹ​ത്യ പോ​ലു​ള്ള ജീ​വ​ഹാ​നി സം​ഭ​വി​ക്കു​ന്ന സാ​ഹ​ച​ര്യ​ങ്ങ​ൾ മ​ത​നേ​താ​ക്ക​ൾ പ്ര​സം​ഗി​ച്ചാ​ൽ കോ​ട​തി​ക്ക് ഇ​ട​പെ​ടേ​ണ്ടി വ​രും. അ​ത്ത​രം അ​സാ​ധാ​ര​ണ സാ​ഹ​ച​ര്യ​ങ്ങ​ളി​ൽ സ്വ​മേ​ധ​യാ പോ​ലും കേ​സെ​ടു​ക്കാ​ൻ കോ​ട​തി​ക്ക് അ​ധി​കാ​ര​മു​ണ്ടെ​ന്ന് ചീ​ഫ് ജ​സ്റ്റി​സ് വ്യ​ക്ത​മാ​ക്കി.

ദൈ​വ​ത്തി​ന്‍റെ സ​വി​ശേ​ഷ സ്വ​ഭാ​വം മ​ന​സി​ലാ​ക്കാ​തെ കേ​വ​ലം ഭ​ര​ണ​ഘ​ട​നാ പ​ദ​ങ്ങ​ൾ മാ​ത്രം ഉ​പ​യോ​ഗി​ച്ച് ശ​ബ​രി​മ​ല കേ​സി​ൽ തീ​രു​മാ​ന​മെ​ടു​ക്കാ​ൻ ക​ഴി​യി​ല്ലെ​ന്ന വാ​ദ​മാ​ണ് ദേ​വ​സ്വം ബോ​ർ​ഡ് പ്ര​ധാ​ന​മാ​യും ഉ​യ​ർ​ത്തു​ന്ന​ത്. വ​രും ദി​വ​സ​ങ്ങ​ളി​ലും വി​ശാ​ല ബെ​ഞ്ചി​ന് മു​ന്നി​ൽ വാ​ദം തു​ട​രും.

അ​തേ​സ​മ​യം ഒ​രു പ്ര​ത്യേ​ക മ​ത​വി​ഭാ​ഗ​ത്തി​ൽ​പ്പെ​ടാ​ത്ത​വ​ർ​ക്ക് ആ ​മ​ത​ത്തി​ലെ ആ​ചാ​ര​ങ്ങ​ളെ ചോ​ദ്യം ചെ​യ്യാ​ൻ അ​വ​കാ​ശ​മി​ല്ല. മ​ത​പ​ര​മാ​യ കാ​ര്യ​ങ്ങ​ളി​ൽ ഇ​ട​പെ​ടാ​ൻ കോ​ട​തി​ക​ൾ വ​ള​രെ ഉ​യ​ർ​ന്ന മാ​ന​ദ​ണ്ഡ​ങ്ങ​ൾ നി​ശ്ച​യി​ക്ക​ണ​മെ​ന്നും തി​രു​വി​താം​കൂ​ർ ദേ​വ​സ്വം ബോ​ർ​ഡി​ന് വേ​ണ്ടി ഹാ​ജ​രാ​യ മു​തി​ർ​ന്ന അ​ഭി​ഭാ​ഷ​ക​ൻ മ​നു അ​ഭി​ഷേ​ക് സിം​ഗ്‌​വി വാ​ദി​ച്ചു. യ​ഥാ​ർ​ത്ഥ ഭ​ക്ത​രു​ടെ നി​ല​പാ​ട് കേ​ൾ​ക്കാ​തെ ഒ​രു ആ​ചാ​ര​ത്തി​ന്റെ സാ​ധു​ത തീ​രു​മാ​നി​ക്ക​രു​ത്. ശ​ബ​രി​മ​ല, ഗു​രു​വാ​യൂ​ർ തു​ട​ങ്ങി​യ ക്ഷേ​ത്ര​ങ്ങ​ളി​ലെ നൂ​റ്റാ​ണ്ടു​ക​ൾ പ​ഴ​ക്ക​മു​ള്ള ആ​ചാ​ര​ങ്ങ​ൾ മൂ​ന്നാം ക​ക്ഷി​ക​ൾ ന​ൽ​കു​ന്ന ഹ​ർ​ജി​ക​ളി​ലൂ​ടെ തി​രു​ത്ത​പ്പെ​ട​രു​തെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.

ശ​ബ​രി​മ​ല​യി​ലെ നി​യ​ന്ത്ര​ണം ലിം​ഗ​വി​വേ​ച​ന​മ​ല്ലെ​ന്നും മ​റി​ച്ച് അ​യ്യ​പ്പ​ന്‍റെ 'നൈ​ഷ്ഠി​ക ബ്ര​ഹ്മ​ചാ​രി' എ​ന്ന സ​വി​ശേ​ഷ സ്വ​ഭാ​വ​വു​മാ​യി ബ​ന്ധ​പ്പെ​ട്ട​താ​ണ്. ഇ​ത് പ്രാ​യ​ത്തി​ന്‍റെ അ​ടി​സ്ഥാ​ന​ത്തി​ലു​ള്ള വ​ർ​ഗീ​ക​ര​ണം മാ​ത്ര​മാ​ണ്. 10 വ​യ​സ്സി​ന് താ​ഴെ​യു​ള്ള​വ​ർ​ക്കും 50 വ​യ​സ്സി​ന് മു​ക​ളി​ലു​ള്ള​വ​ർ​ക്കും പ്ര​വേ​ശ​നം അ​നു​വ​ദ​നീ​യ​മാ​ണെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.

Tags : Supreme Court Sabarimala case Latest News