4

മും​ബൈ: സ​മൂ​ഹ​മാ​ധ്യ​മ​ങ്ങ​ളി​ൽ വ​ൻ ത​രം​ഗ​മാ​യി മാ​റി​യ 'കോ​ക്രോ​ച്ച് ജ​ന​താ പാ​ർ​ട്ടി' സ്ഥാ​പ​ക​ൻ അ​ഭി​ജീ​ത്ത് ദി​പ്കെ​യു​ടെ വീ​ടി​ന് പോലീ​സ് കാ​വ​ൽ ഏ​ർ​പ്പെ​ടു​ത്തി. യു​എ​സി​ലെ ബോ​സ്റ്റ​ണി​ൽ വി​ദ്യാ​ർ​ഥി​യാ​യ അ​ഭി​ജീ​ത്തി​ന്‍റെ മാ​താ​പി​താ​ക്ക​ൾ താ​മ​സി​ക്കു​ന്ന മ​ഹാ​രാ​ഷ്ട്ര​യി​ലെ ഛത്ര​പ​തി സം​ഭാ​ജി​ന​ഗ​റി​ലു​ള്ള വ​സ​തി​ക്കാ​ണ് സു​ര​ക്ഷ ഉ​റ​പ്പാ​ക്കി​യി​രി​ക്കു​ന്ന​ത്. എം​ഐ​ഡി​സി വാ​ലു​ജ് മേ​ഖ​ല​യി​ലു​ള്ള വീ​ടി​ന് 24 മ​ണി​ക്കൂ​റും പൊ​ലീ​സ് കാ​വ​ൽ ഏ​ർ​പ്പെ​ടു​ത്തി​യ വി​വ​രം ഡ​പ്യൂ​ട്ടി പോ​ലീ​സ് ക​മ്മി​ഷ​ണ​ർ പ​ങ്ക​ജ് അ​തു​ൽ​ക്ക​ർ സ്ഥി​രീ​ക​രി​ച്ചു.

കോ​ക്രോ​ച്ച് ജ​ന​താ പാ​ർ​ട്ടി എ​ന്ന വി​ഷ​യം സ​മൂ​ഹ​മാ​ധ്യ​മ​ങ്ങ​ളി​ൽ വ​ലി​യ രീ​തി​യി​ൽ ച​ർ​ച്ച​യാ​കു​ന്ന സാ​ഹ​ച​ര്യ​ത്തി​ൽ, വീ​ടി​നു മു​ന്നി​ൽ ആ​ളു​ക​ൾ ത​ടി​ച്ചു​കൂ​ടു​ന്ന​ത് ഒ​ഴി​വാ​ക്കാ​നാ​ണ് മു​ൻ​ക​രു​ത​ൽ എ​ന്ന നി​ല​യി​ൽ ഈ ​ന​ട​പ​ടി​യെ​ന്ന് ഡി​സി​പി പ​റ​ഞ്ഞു. ഇ​തു​വ​രെ വി​ഷ​യ​ത്തി​ൽ ഔ​ദ്യോ​ഗി​ക പ​രാ​തി​ക​ളൊ​ന്നും ല​ഭി​ച്ചി​ട്ടി​ല്ലെ​ന്നും അ​ദ്ദേ​ഹം വ്യ​ക്ത​മാ​ക്കി.

അ​തേ​സ​മ​യം, ത​ങ്ങ​ളു​ടെ ഡി​ജി​റ്റ​ൽ കൂ​ട്ടാ​യ്മ​യെ വ്യാ​പ​ക​മാ​യി അ​ടി​ച്ച​മ​ർ​ത്താ​ൻ ശ്ര​മം ന​ട​ക്കു​ന്ന​താ​യി അ​ഭി​ജീ​ത്ത് ദി​പ്കെ ആ​രോ​പി​ച്ചു. സം​ഘ​ട​ന​യു​ടെ ഔ​ദ്യോ​ഗി​ക വെ​ബ്‌​സൈ​റ്റും എ​ല്ലാ സ​മൂ​ഹ​മാ​ധ്യ​മ അ​ക്കൗ​ണ്ടു​ക​ളും ഒ​ന്നു​കി​ൽ നീ​ക്കം ചെ​യ്യ​പ്പെ​ടു​ക​യോ അ​ല്ലെ​ങ്കി​ൽ ഹാ​ക്ക് ചെ​യ്യ​പ്പെ​ടു​ക​യോ ചെ​യ്തി​രി​ക്കു​ക​യാ​ണ്. നി​ല​വി​ൽ ഈ ​പ്ലാ​റ്റ്‌​ഫോ​മു​ക​ളി​ലേ​ക്ക് പ്ര​വേ​ശി​ക്കാ​ൻ ത​ങ്ങ​ൾ​ക്ക് സാ​ധി​ക്കു​ന്നി​ല്ല.

ഇ​ന്ത്യ​യി​ൽ നി​ന്ന് ത​നി​ക്ക് നേ​രി​ട്ട് ഭീ​ഷ​ണി​ക​ൾ വ​രു​ന്നു​ണ്ടെ​ന്നും ചി​ല​ർ വീ​ടി​നു മു​ന്നി​ൽ എ​ത്തി​യ​താ​യി കാ​ണി​ക്കു​ന്ന വി​ഡി​യോ സ​ന്ദേ​ശം ല​ഭി​ച്ച​താ​യും അ​ഭി​ജീ​ത്ത് വെ​ളി​പ്പെ​ടു​ത്തി. ത​ന്‍റെ തീ​രു​മാ​ന​ങ്ങ​ളു​ടെ പേ​രി​ൽ നാ​ട്ടി​ലു​ള്ള മാ​താ​പി​താ​ക്ക​ൾ ബു​ദ്ധി​മു​ട്ട​രു​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

മ​ക​ൻ പ്ര​ശ​സ്ത​നാ​യ​തി​ൽ സ​ന്തോ​ഷ​മു​ണ്ടെ​ങ്കി​ലും ഇ​ത്ത​രം രാ​ഷ്ട്രീ​യ വി​ഷ​യ​ങ്ങ​ളി​ൽ ആ​ളു​ക​ൾ അ​റ​സ്റ്റ് ചെ​യ്യ​പ്പെ​ടാ​ൻ സാ​ധ്യ​ത​യു​ള്ള​തി​നാ​ൽ വ​ലി​യ ഭ​യ​മു​ണ്ടെ​ന്ന് അ​ഭി​ജീ​ത്തി​ന്‍റെ പി​താ​വ് പ്ര​തി​ക​രി​ച്ചു. മ​ക​ൻ രാ​ഷ്ട്രീ​യ​ത്തി​ൽ ഇ​റ​ങ്ങു​ന്ന​തി​നോ​ട് ത​ങ്ങ​ൾ​ക്ക് ഒ​ട്ടും താ​ൽ​പ​ര്യ​മി​ല്ലെ​ന്നും, അ​വ​ൻ പ​ഠ​നം പൂ​ർ​ത്തി​യാ​ക്കി ഒ​രു ജോ​ലി സ​മ്പാ​ദി​ക്കാ​നാ​ണ് ത​ങ്ങ​ൾ ആ​വ​ശ്യ​പ്പെ​ടു​ന്ന​തെ​ന്നും മാ​താ​പി​താ​ക്ക​ൾ മ​റാ​ഠി വാ​ർ​ത്താ ചാ​ന​ലി​നോ​ട് പ​റ​ഞ്ഞു.

Tags : 'Cockroach Janata Party' Abhijeet Dipke Latest News