കച്ച്: ഗുജറാത്തിൽ കുഴൽക്കിണറിൽവീണ് ജാർഖണ്ഡ് സ്വദേശിയായ 17 കാരൻ മരിച്ചു. കച്ച് ജില്ലയിലെ ഭുജിലുണ്ടായ അപകടത്തിൽ ഫാംഹൗസ് ജീവനക്കാരനായ റുസ്തം ഷെയ്ക്ക് ആണ് മരിച്ചത്.
140 അടി താഴ്ചയുള്ള കുഴൽക്കിണറിൽവീണ റുസ്തമിനെ എട്ടുമണിക്കൂർ നീണ്ട ദൗത്യത്തിനൊടുവിൽ പുറത്തെത്തിച്ച് ആശുപത്രിയിലേക്കു മാറ്റിയെങ്കിലും ജീവൻ രക്ഷിക്കാനായില്ല. വില കൂടിയ മൊബൈൽഫോൺ വാടകക്കെടുത്തതിന്റെ പേരിൽ അച്ഛനുമായി വഴക്കിട്ട റുസ്തം കുഴൽക്കിണറിൽ ചാടുകയായിരുന്നുവെന്ന് പോലീസ് സംശയിക്കുന്നു.
ശനിയാഴ്ച വൈകുന്നേരം ആറരയോടെയാണ് അപകടവിവരം അറിഞ്ഞതെന്നു പോലീസ് പറഞ്ഞു. ഉടൻ ഓക്സിജൻ ഉൾപ്പെടെ കുഴൽക്കിണറിനുള്ളിൽ എത്തിച്ചിരുന്നുവെന്നും അവർ വ്യക്തമാക്കി.