പ്രതീകാത്മക ചിത്രം
മൈസൂരു: കർണാടകയിലെ മൈസൂരുവിൽ സ്കൂൾ ബസ് കയറി ഒന്നര വയസുകാരി മരിച്ചു. ഒരു വയസും ഏഴു മാസവും പ്രായമുള്ള ലതിക്ഷയാണ് മരിച്ചത്.
സഹോദരനെ സ്കൂളിൽ നിന്ന് കൂട്ടിക്കൊണ്ടുവരാൻ അമ്മയ്ക്കൊപ്പം എത്തിയതായിരുന്നു കുഞ്ഞ്. സ്കൂൾ ബസിൽ നിന്ന് നാലു വയസുള്ള മകനെ അമ്മ താഴെയിറക്കുന്നതിനിടെ ഡ്രൈവർ ബസ് മുന്നോട്ടെടുക്കുകയായിരുന്നു. ഈ സമയം ബസിന് അടുത്തായി നിന്നിരുന്ന ലതിക്ഷയെ വാഹനം ഇടിച്ചു വീഴ്ത്തുകയായിരുന്നു. തുടർന്ന് കുട്ടിയുടെ ശരീരത്തിലൂടെ ബസിന്റെ ടയർ കയറി ഇറങ്ങി.
സംഭവത്തിൽ സ്കൂൾ ബസ് ഡ്രൈവർ സിദ്ധരാജുവിനെതിരെ (42) കുടുംബം പൊലീസിൽ പരാതി നൽകി. ഡ്രൈവറുടെ അശ്രദ്ധയാണ് കുഞ്ഞിന്റെ ജീവനെടുത്തതെന്നും ഇയാൾക്കെതിരെ കർശന നിയമനടപടി സ്വീകരിക്കണമെന്നും കുടുംബം ആവശ്യപ്പെട്ടു.
Tags : Deepika BreakingNews Girl Death SchoolBus