19

നേ​വി​ഗ​സ്: മ​ധ്യ​ജ​ർ​മ​നി​യി​ലെ പ്ര​ശ​സ്ത മ​രി​യ​ൻ തീ​ർ​ഥാ​ട​ന കേ​ന്ദ്ര​മാ​യ നേ​വി​ഗ​സി​ൽ കൊ​ളോ​ണി​ലെ സീ​റോമ​ല​ബാ​ർ സ​മൂ​ഹം ന​ട​ത്തി​യ കു​രി​ശി​ന്‍റെ വ​ഴി ഭ​ക്തി​സാ​ന്ദ്ര​മാ​യി. ഈ മാസം 27ന് ​വൈ​കു​ന്നേ​രം അ​ഞ്ചിന് നേ​വി​ഗ​സി​ലെ മ​രി​യ​ൻ ക​ത്തീ​ഡ്ര​ലി​ന്‍റെ താ​ഴ്വ​ര​യി​ലാ​ണ് കു​രി​ശി​ന്‍റെ വ​ഴി ന​ട​ന്ന​ത്.

ജ​ർ​മ​നി​യി​ൽ ജോ​ലി​ക്കും പ​ഠ​ന​ത്തി​നു​മാ​യി എ​ത്തി​യ നി​ര​വ​ധി യു​വ​ജ​ന​ങ്ങ​ൾ ച​ട​ങ്ങു​ക​ളി​ൽ സ​ജീ​വ​മാ​യി പ​ങ്കെ​ടു​ത്തു. തു​ട​ർ​ന്ന് മ​രി​യ​ൻ ക​ത്തീ​ഡ്ര​ലി​ൽ ന​ട​ന്ന ആ​ഘോ​ഷ​മാ​യ ദി​വ്യ​ബ​ലി​യി​ൽ ഫാ. ​ടോം കൂ​ട്ട​ങ്ക​ൽ എംസിബിഎസ് മു​ഖ്യ​കാ​ർ​മ്മി​ക​ത്വം വ​ഹി​ച്ചു.

സീ​റോമ​ല​ബാ​ർ ക​മ്മ്യൂ​ണി​റ്റി വി​കാ​രി ഫാ. ​ഇ​ഗ്നേ​ഷ്യ​സ് ചാ​ലി​ശേരി സിഎംഐ, ഫാ. ​തോ​മ​സ് ചാ​ലി​ൽ സിഎംഐ, ഫാ. ​ഡി​റ്റോ സു​പ്ര​ത്ത് സിഎംഐ (മി​ലാ​ൻ) എ​ന്നി​വ​ർ സ​ഹ​കാ​ർ​മി​ക​രാ​യി​രു​ന്നു. ഭ​ക്തി​സാ​ന്ദ്ര​മാ​യ ഗാ​നാ​ലാ​പ​നം ശു​ശ്രൂ​ഷ​ക​ൾ​ക്ക് കൂ​ടു​ത​ൽ ആ​ത്മീ​യ​ത പ​ക​ർ​ന്നു.

കൊ​ളോ​ൺ അ​തി​രൂ​പ​ത​യി​ലെ​യും, ആ​ഹ​ൻ, എ​സൻ രൂ​പ​ത​ക​ളി​ലെ​യും സീ​റോ മ​ല​ബാ​ർ വി​ശ്വാ​സി​ക​ളാ​ണ് കു​രി​ശി​ന്‍റെ വ​ഴി​യി​ൽ പ​ങ്കെ​ടു​ത്ത​ത്.

കൊ​ളോ​ൺ ആ​സ്ഥാ​ന​മാ​യു​ള്ള ഇ​ന്ത്യ​ൻ ക​മ്മ്യൂ​ണി​റ്റി​യി​ലെ സെ​ന്‍റ് മാ​ർ​ട്ടി​ൻ ബെ​ർ​ഗി​ഷ് ലാ​ൻ​ഡ് ഷ്വെ​ൽ​മ് കു​ടും​ബ​ക്കൂ​ട്ടാ​യ്മ​യാ​ണ് പ​രി​പാ​ടി​ക​ൾ​ക്ക് ആ​തി​ഥേ​യ​ത്വം വ​ഹി​ച്ച​ത്.

ച​ട​ങ്ങു​ക​ൾ​ക്ക് ശേ​ഷം ഇ​ന്ത്യ​ൻ രീ​തി​യി​ലു​ള്ള ല​ഘു​ഭ​ക്ഷ​ണ​വും ഒ​രു​ക്കി​യി​രു​ന്നു. തി​രു​ക്ക​ർമ​ങ്ങ​ളി​ൽ പ​ങ്കെ​ടു​ത്ത ഏ​വ​ർ​ക്കും കു​ടും​ബ​ക്കൂ​ട്ടാ​യ്മ പ്ര​സി​ഡ​ന്‍റ് മേ​ഴ്സി ത​ട​ത്തി​ൽ ന​ന്ദി രേ​ഖ​പ്പെ​ടു​ത്തി.

സ​ന്യാ​സി​നി​മാ​ർ ഉ​ൾ​പ്പെ​ടെ ഇ​രു​ന്നൂ​റ്റി അ​ൻ​പ​തി​ല​ധി​കം പേ​ർ കു​രി​ശി​ന്‍റെ വ​ഴി​യി​ൽ പ​ങ്കെ​ടു​ത്തു. മ​രി​യ​ൻ ഡോം എ​ന്ന​റി​യ​പ്പെ​ടു​ന്ന നേ​വി​ഗ​സ് തീ​ർ​ഥാ​ട​ന കേ​ന്ദ്രം കൊ​ളോ​ൺ അ​തി​രൂ​പ​ത​യു​ടെ കീ​ഴി​ലാ​ണ്.

Tags : kurishinte vazhi germany nri news