Kerala
കാഞ്ഞിരപ്പള്ളി: അമൽ ജ്യോതി എൻജിനിയറിംഗ് കോളജ് രജതജൂബിലി ആഘോഷങ്ങളുടെ ഭാഗമായി ഇലക്ട്രോണിക്സ് ആൻഡ് കമ്യൂണിക്കേഷൻ എൻജിനിയറിംഗ് വിഭാഗം സംഘടിപ്പിച്ച അഖില കേരള ഇന്റർ സ്കൂൾ, കോളജ്, ഓപ്പൺ ചെസ് ടൂർണമെന്റ് ‘ചെക്ക്മേറ്റ് 2026’ സമാപിച്ചു.
പ്രിൻസിപ്പൽ ഡോ. ലില്ലിക്കുട്ടി ജേക്കബ് ടൂർണമെന്റ് ഉദ്ഘാടനം ചെയ്തു. കേരളത്തിലെ വിവിധ ജില്ലകളിൽ നിന്നായി മൂന്നൂറിലധികം ചെസ് താരങ്ങൾ ഏഴ് വിഭാഗങ്ങളിലായി നടന്ന മത്സരത്തിൽ മാറ്റുരച്ചു.
സ്കൂൾ, കോളജ്, ഓപ്പൺ വിഭാഗങ്ങളിലായി നടന്ന മത്സരങ്ങളിൽ വിവിധ പ്രായവിഭാഗങ്ങളിലെ താരങ്ങളുടെ മികച്ച പങ്കാളിത്തം ശ്രദ്ധേയമായി. ചീഫ് ആർബിറ്റർ ഹരീഷ് ബി. മേനോന്റെ നേതൃത്വത്തിലാണ് മത്സരങ്ങൾ നിയന്ത്രിച്ചത്.
സമാപന സമ്മേളനം കോളജ് മാനേജർ ഫാ. ബോബി അലക്സ് മണ്ണാംപ്ലാക്കൽ ഉദ്ഘാടനം ചെയ്ത് സമ്മാനദാനം നിർവഹിച്ചു. ഏഴു വിഭാഗങ്ങളിലായി ആദ്യ 15 സ്ഥാനങ്ങളിലെത്തിയ താരങ്ങൾക്ക് കാഷ് പ്രൈസും ട്രോഫിയും സമ്മാനിച്ചു.
സ്കൂൾ വിഭാഗത്തിൽ പത്തനംതിട്ട ഭവൻസ് വിദ്യാമന്ദിർ ഓവറോൾ ചാമ്പ്യൻഷിപ്പ് കരസ്ഥമാക്കി. പാലാ ചാവറ സിഎംഐ പബ്ലിക് സ്കൂൾ രണ്ടാം സ്ഥാനം നേടി. കോളജ് വിഭാഗത്തിൽ അമൽ ജ്യോതി എൻജിനിയറിംഗ് കോളജ് ഓവറോൾ ചാമ്പ്യൻഷിപ്പ് സ്വന്തമാക്കി.
Kerala
കൊടകര: നവീകരണം, നിർമിതബുദ്ധി, ഉയര്ന്നുവരുന്ന സാങ്കേതികവിദ്യകൾ, സ്റ്റാര്ട്ടപ്പുകള്, സംരംഭകത്വം എന്നിവയെ ഒരേവേദിയില് അണിനിരത്തി സഹൃദയ കോളേജ് ഓഫ് എന്ജിനിയറിംഗ് ആന്ഡ് ടെക്നോളജിയില് സംഘടിപ്പിച്ച ഐഇഡിസി സമ്മിറ്റ് 2026 ശ്രദ്ധേയമായി.
വിദ്യാർഥികള്, യുവസംരംഭകര്, സ്റ്റാര്ട്ടപ്പ് സ്ഥാപകർ, വ്യവസായ പ്രമുഖര്, സാങ്കേതികവിദഗ്ധർ, ഗവേഷകര്, നിക്ഷേപകര്, മെന്റര്മാര് എന്നിവരെ ഒരുമിച്ചെത്തിച്ച ഉച്ചകോടിയില് വിവിധ വേദികളിലായി 61 പരിപാടികളാണ് നടന്നത്. 14 ജില്ലകളില്നിന്നുള്ള ഐഇഡിസി ശൃംഖലയുടെ പങ്കാളിത്തത്തോടെ സംഘടിപ്പിച്ച ഉച്ചകോടിയില് 10,000ത്തിലധികം പേര് പങ്കെടുക്കുകയും 250ലധികം സ്റ്റാര്ട്ടപ്പുകളും 5,000ലധികം ആശയങ്ങളും വിവിധ വേദികളില് ഇടംപിടിക്കുകയും ചെയ്തു.
ഉച്ചകോടിയുടെ ഉദ്ഘാടനച്ചടങ്ങില് മന്ത്രി പി.കെ. കുഞ്ഞാലിക്കുട്ടി, കേരള ഇലക്ട്രോണിക്സ് ആന്ഡ് ഐടി വകുപ്പ് സ്പെഷല് സെക്രട്ടറി സീരാം സാംബശിവ റാവു, കേരള സ്റ്റാര്ട്ടപ്പ് മിഷന് ചീഫ് എക്സിക്യൂട്ടീവ് ഓഫീസര് അനൂപ് അംബിക, ഇരിങ്ങാലക്കുട ബിഷപ്പും ഐഡിഇടി ചെയര്മാനുമായ മാര് പോളി കണ്ണൂക്കാടൻ, സനീഷ് കുമാര് ജോസഫ് എംഎൽഎ, ഐബിഎം ഇന്ത്യ സോഫ്റ്റ്വേര് ലാബ്സിലെ പ്രോഗ്രാം ഡയറക്ടറും എന്ജിനിയറിംഗ് ലീഡറുമായ മാധുരി ഡി. മാധവന്പിള്ള, സീമെന്സ് ഹെല്ത്തിനിയേഴ്സിന്റെ ബംഗളൂരു എസ്ഐഎച്ച്എഫ്ടി ഇന്നൊവേഷന് സെന്റര് മേധാവി ശ്യാംനാഥ് ഹരിനാഥ്, കേന്ദ്ര ഡ്രഗ്സ് സ്റ്റാന്ഡേര്ഡ് കണ്ട്രോള് ഓര്ഗനൈസേഷനിലെ ഡെപ്യൂട്ടി ഡ്രഗ്സ് കണ്ട്രോളര് അസീം സാഹു, സഹൃദയ എക്സിക്യൂട്ടീവ് ഡയറക്ടര് ഫാ.ഡോ. ആന്റോ ചുങ്കത്ത്, ഡയറക്ടര് ഡോ. ലിയോണ് ഇട്ടിച്ചൻ, പ്രിന്സിപ്പല് ഡോ. രാംകുമാര് ശ്രീധരന് നായർ, ഐഇഡിസി സംഘാടക സെക്രട്ടറി ജിബിന് ജോസ്, ഐഇഡിസി സഹൃദയ ചീഫ് എക്സിക്യൂട്ടീവ് ഓഫീസര് മാളവിക ചന്ദ്രന് തുടങ്ങിയവര് പങ്കെടുത്തു.
വിദ്യാര്ഥികളുടെ അറിവും നൈപുണ്യവും പ്രോത്സാഹിപ്പിക്കുന്നതിനായി ബിസിനസ് ക്വിസ്, ഡാറ്റാ സയന്സ് മത്സരം, ക്വാണ്ടം ഹാക്കത്തണ് തുടങ്ങിയ മത്സരങ്ങളും സംഘടിപ്പിച്ചു. ബിസിനസ് ക്വിസിന് ഒരു ലക്ഷം രൂപയുടെ സമ്മാനത്തുകയും വിവിധ മത്സരങ്ങള്ക്കായി പ്രത്യേക പുരസ്കാരങ്ങളും ഒരുക്കിയിരുന്നു.
Kerala
കണ്ണൂര്: സംസ്ഥാനത്തെ ഇഎന്ടി വിദഗ്ധരുടെ 24-ാം സംസ്ഥാന സമ്മേളനം ‘കെന്റകോണ് 26’ സമാപിച്ചു. കണ്ണൂർ നായനാര് അക്കാഡമിയില് സമാപന പൊതുസമ്മേളനം അസോസിയേഷന് ഓഫ് ഓട്ടോലാറിങ്കോളജിസ്റ്റ്സ് ഓഫ് ഇന്ത്യ (എഒഐ) സംസ്ഥാന പ്രസിഡന്റ് ഡോ. പി.കെ. പ്രിയദര്ശന് ഉദ്ഘാടനം ചെയ്തു.
സംഘാടക സമിതി സെക്രട്ടറി ഡോ. അരുണ് ദിവാകര് അധ്യക്ഷത വഹിച്ചു. സംസ്ഥാന സെക്രട്ടറി ഡോ. വി. രാമകൃഷ്ണന്, സംസ്ഥാന ട്രഷറര് ഡോ. വിമല് നമ്പ്യാര്, എഒഐ കണ്ണൂര് ചാപ്റ്റര് പ്രസിഡന്റ് ഡോ. ലതാ മേരി ജോസ്, സെക്രട്ടറി ഡോ. അനൂപ് അബ്ദുൾ റഷീദ് എന്നിവര് പ്രസംഗിച്ചു.
എഒഐ കണ്ണൂര് ചാപ്റ്ററിന്റെ നേതൃത്വത്തിൽ നടത്തിയ സമ്മേളനത്തിൽ വിദേശത്തുനിന്നടക്കമുള്ള 600 ഡോക്ടര്മാരും രാജ്യത്തെ വിവിധ മെഡിക്കല് കോളജുകളിലെ മുന്നൂറോളം പിജി വിദ്യാര്ഥികളും പങ്കെടുത്തു.
മൂന്നു ദിവസങ്ങളിലായി നടന്ന സമ്മേളനത്തില് വിദഗ്ധര് 50 പ്രബന്ധങ്ങള് അവതരിപ്പിച്ചു. ഇന്നലെ പിജി വിദ്യാര്ഥികള് പോസ്റ്ററുകളും പ്രബന്ധങ്ങളും അവതരിപ്പിച്ചു. മികച്ച പോസ്റ്ററിനും പ്രബന്ധത്തിനും അവാര്ഡുകള് നല്കി. ആരോഗ്യരംഗത്തെ വിവിധ മേഖലകളെ സമന്വയിപ്പിച്ച് 30 സ്റ്റാളുകളും ഒരുക്കിയിരുന്നു. വിവിധ കലാപരിപാടികളും നടന്നു.
Kerala
കാഞ്ഞിരപ്പള്ളി: അമല് ജ്യോതി എന്ജിനിയറിംഗ് കോളജ് സില്വര് ജൂബിലി ആഘോഷങ്ങളുടെ ഭാഗമായി സംഘടിപ്പിച്ച എഐ കോണ്ക്ലേവ് 2026 സമാപിച്ചു. കോണ്ക്ലേവിന്റെ ഭാഗമായി സാങ്കേതിക - സാങ്കേതികേതര ഹാക്കത്തണ് നടത്തി.
വിവിധ വിദ്യാഭ്യാസ സ്ഥാപനങ്ങളില് നിന്നായി 1,500ൽപരം വിദ്യാര്ഥികള് ഹാക്കത്തോണില് പങ്കെടുത്തു. വിദ്യാഭ്യാസം, ആരോഗ്യം, കൃഷി തുടങ്ങിയ മേഖലകളിലെ പ്രശ്നങ്ങള്ക്ക് കൃത്രിമബുദ്ധിയുടെ സഹായത്തോടെ നൂതനവും പ്രായോഗികവുമായ പരിഹാരങ്ങള് കണ്ടെത്തുന്നതിനാണ് ഹാക്കത്തണ് അവസരമൊരുക്കിയത്.
വിദ്യാര്ഥികള് ടീമുകളായി പ്രവര്ത്തിച്ച് തയാറാക്കിയ ആശയങ്ങളും സാങ്കേതിക മാതൃകകളും വിദഗ്ധ സമിതിക്കു മുന്നില് അവതരിപ്പിച്ചു. ആശയങ്ങളുടെ പുതുമ, സാമൂഹിക പ്രസക്തി, പ്രായോഗികത, സാങ്കേതിക മികവ്, അവതരണശേഷി എന്നിവയുടെ അടിസ്ഥാനത്തിലാണ് പദ്ധതികള് വിലയിരുത്തിയത്.
ഹാക്കത്തണിന്റെ സമാപനച്ചടങ്ങില് ജില്ലാ പൊലിസ് ചീഫ് കെ.എം. സാബു മാത്യു മുഖ്യാതിഥിയായിരുന്നു. കോളജ് ഗവേണിംഗ് ബോഡി ചെയര്മാന് ഫാ. ബോബി അലക്സ് മണ്ണംപ്ലാക്കല്, ഡയറക് ടര് ഓഫ് അഡ്മിനിസ്ട്രേഷന് ഫാ.ഡോ. റോയി ഏബ്രഹാം പഴയപറമ്പില്, ഫാ.ഡോ. റൂബിന് തോട്ടുപുറത്ത്, ഡോ.ടി.കെ. ബിജിമോള്, ബിനുമോന് ജോസഫ്, എഐ കോണ്ക്ലേവ് കോഓര്ഡിനേറ്റര് മിഥുന് പി. മാത്യു തുടങ്ങിയവര് പ്രസംഗിച്ചു.
എഐ കോണ്ക്ലേവില് ഹാക്കത്തണിൽ കോളജ് തലത്തിൽ കാഞ്ഞിരപ്പള്ളി അമൽ ജ്യോതിയും പാന്പാടി ആർഐടിയും സ്കൂൾ തലത്തിൽ കൊട്ടാരക്കര ജിബിഎച്ച്എസ്എസും വർക്കല എംജിഎം മോഡൽ സ്കൂളും യഥാക്രമം ഒന്നും രണ്ടും സ്ഥാനങ്ങൾ കരസ്ഥമാക്കി. വിജയികൾക്ക് കാഷ് അവാർഡും മെമെന്റോയും നൽകി.
വ്യവസായ വിദഗ്ധര്, വിധികര്ത്താക്കള്, അധ്യാപകര്, വിവിധ സ്ഥാപനങ്ങളിലെ പ്രതിനിധികള് എന്നിവര് വിദ്യാര്ഥികളുടെ ആശയങ്ങള് വിലയിരുത്തുകയും ആവശ്യമായ മാര്ഗനിര്ദേശങ്ങള് നല്കുകയും ചെയ്തു.
രണ്ട് ദിവസങ്ങളിലായി നടന്ന എഐ കോണ്ക്ലേവില് ഹാക്കത്തണ്, എക്സ്പേര്ട്ട് വര്ക്ക്ഷോപ്പുകള്, പാനല് ഡിസ്കഷന്, എഐ ഇന്നൊവേഷന് ഷോകേസ് തുടങ്ങിയ പരിപാടികളാണ് ഒരുക്കിയിരുന്നത്.
ടിസിഎസ്, യുഎസ്ടി, ക്ലൗഡ് ഇന്നൊവേഷന് തുടങ്ങിയ സ്ഥാപനങ്ങളുടെ പങ്കാളിത്തത്തോടെ നടക്കുന്ന വര്ക്ക്ഷോപ്പുകളില് എഐ, മെഷീന് ലേണിംഗ്, ക്ലൗഡ്, എമര്ജിംഗ് ടെക്നോളജീസ് തുടങ്ങിയ മേഖലകളില് ഇന്ഡസ്ട്രി എക്സ്പേര്ട്ടുകള് അറിവുകള് പങ്കുവച്ചു. കേരള വിഷന് കാരിത്താസ് ആശുപത്രി, ഓക്സിജന് എന്നിവരുടെ സഹകരണത്തോടെയാണ് കോണ്ക്ലേവ് സംഘടിപ്പിച്ചത്. കേണ്ക്ലേവിന്റെ ഔദ്യോഗിക മീഡിയ പാര്ട്ണര് ദീപികയായിരുന്നു.
National
ന്യൂഡല്ഹി: രാജസ്ഥാനിലെ ഒരു കേന്ദ്രത്തില് ഒഴികെ നീറ്റ് പിജി പരീക്ഷ പൂര്ത്തിയായി. നാഷണല് ബോര്ഡ് ഓഫ് എക്സാമിനേഷന്സ് ഇന് മെഡിക്കല് സയന്സസിന്റെ (എന്ബിഇഎംഎസ്) കീഴിലുള്ള പരീക്ഷ തത്സമയ നിരീക്ഷണസംവിധാനങ്ങളും ശക്തമായ സുരക്ഷകളും ഒരുക്കിയായിരുന്നു നടത്തിയത്.
രാജ്യത്തെ എല്ലാ സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും 339 നഗരങ്ങളിലായി 1,111 പരീക്ഷാകേന്ദ്രങ്ങളില് പരീക്ഷയെഴുതിയത് 2,65,980 വിദ്യാര്ഥികളാണ്. പരീക്ഷയ്ക്ക് ആകെ അപേക്ഷിച്ചിരുന്നത് 2,73,096 വിദ്യാര്ഥികളായിരുന്നു.
പരീക്ഷാനടത്തിപ്പിനു മേല്നോട്ടം വഹിക്കുന്നതിനായി 2,527 ഫാക്കല്റ്റി അംഗങ്ങളെയായിരുന്നു നിയമിച്ചിരുന്നത്. കൂടാതെ, ഡീന്മാര്, ഡയറക്ടര്മാര്, മെഡിക്കല് സൂപ്രണ്ടുമാര്, സീനിയര് പ്രഫസര്മാര് എന്നിവരുള്പ്പെടെ 700ലധികം മുതിര്ന്ന ഫാക്കല്റ്റി അംഗങ്ങളെ ഫ്ലൈയിംഗ് സ്ക്വാഡ് അംഗങ്ങളായും നിയോഗിച്ചിരുന്നു.
പരീക്ഷാകേന്ദ്രങ്ങളില് ലൈവ് സിസിടിവി നിരീക്ഷണവും ഏര്പ്പെടുത്തിയിരുന്നു. സിസിടിവിയിലൂടെ ന്യൂഡല്ഹിയിലെ എന്ബിഇഎംഎസ് ആസ്ഥാനത്തെ കമാന്ഡ് സെന്ററില്നിന്നു തത്സമയ നിരീക്ഷണവുമുണ്ടായിരുന്നു. തത്സമയ നിരീക്ഷണത്തിനും മേല്നോട്ടത്തിനുമായി നിയോഗിച്ചിരുന്നത് എന്ബിഇഎംഎസില്നിന്നും പരീക്ഷാ നടത്തിപ്പ് ഏജന്സിയായ ടിസിഎസില്നിന്നുമുള്ള 190 ഉദ്യോഗസ്ഥരുടെ പ്രത്യേക സംഘത്തെയായിരുന്നു.
ജയ്പുരിൽ നീറ്റ് പരീക്ഷയ്ക്കിടെ വൈദ്യുതിതടസം
ജയ്പുർ: നീറ്റ്-പിജി പരീക്ഷയ്ക്കിടെ ജയ്പുരിലെ രണ്ടു പരീക്ഷാകേന്ദ്രങ്ങളിലുണ്ടായ വൈദ്യുതിതടസം വൻ സംഘർഷത്തിനു വഴിതെളിച്ചു. സംഭവത്തിനു പിന്നാലെ തടസം നേരിട്ട വിദ്യാർഥികൾക്ക് സെപ്റ്റംബർ അഞ്ചിന് പുനഃപരീക്ഷ നടത്തുമെന്ന് പരീക്ഷാനടത്തിപ്പിന്റെ ചുമതലയുള്ള നാഷണൽ ബോർഡ് ഓഫ് എക്സാമിനേഷൻസ് ഇൻ മെഡിക്കൽ സയൻസ് അറിയിച്ചു.
ജയ്പുർ സീതാപുരിലുള്ള രണ്ടു പരീക്ഷാകേന്ദ്രങ്ങളിലാണ് സാങ്കേതിക പ്രശ്നമുണ്ടായത്. ഞായറാഴ്ച പരീക്ഷ തുടങ്ങിയതു മുതൽ കംപ്യൂട്ടറുകൾ അടിക്കടി ഓഫായതു പ്രശ്നങ്ങൾക്കു കാരണമായി. ഏഴു തവണ വരെയാണ് കംപ്യൂട്ടറുകൾ ഓഫായത്. പരീക്ഷകേന്ദ്രത്തിനുള്ളിൽ ഉണ്ടായ വൈദ്യുതി തടസമാണു സാങ്കേതിക പ്രശ്നത്തിനു കാരണമായതെന്ന് അധികൃതർ വ്യക്തമാക്കി.
Kerala
തിരുവനന്തപുരം: മലങ്കര സുറിയാനി കത്തോലിക്കാ സഭയുടെ മേജര് ആര്ച്ച്ബിഷപ് കര്ദിനാള് മാര് ബസേലിയോസ് ക്ലീമിസ് കാതോലിക്കാബാവയുടെ മെത്രാഭിഷേക രജതജൂബിലി സമാപനം ഇന്ന്.
തിരുവനന്തപുരം പട്ടം സെന്റ് മേരീസ് ഹയര് സെക്കൻഡറി സ്കൂള് ഗ്രൗണ്ടില് തയാറാക്കിയിരിക്കുന്ന പ്രത്യേക പന്തലില് രാവിലെ 8.30 നു ചടങ്ങുകള് ആരംഭിക്കും.
കാതോലിക്കാബാവയുടെ മുഖ്യകാര്മികത്വത്തില് ആഘോഷമായ സമൂഹബലി നടക്കും. കര്ദിനാള് ഓസ്വാള്ഡ് ഗ്രേഷ്യസ് വചന സന്ദേശം നല്കും. അന്ത്യോക്യായിലെ സുറിയാനി കത്തോലിക്ക പാത്രിയാര്ക്കീസ് ഇഗ്നാത്തിയോസ് യൂസഫ് യൗനാന് ബാവ മുഖ്യാതിഥിയായിരിക്കും.
11 ന് ആരംഭിക്കുന്ന പൊതുസമ്മേളനം മുഖ്യമന്ത്രി വി.ഡി. സതീശന് ഉദ്ഘാടനം ചെയ്യും. കെസിബിസി പ്രസിഡന്റ് ആര്ച്ച്ബിഷപ് ഡോ.വര്ഗീസ് ചക്കാലയ്ക്കല് അധ്യക്ഷത വഹിക്കും. മേഘാലയ മുഖ്യമന്ത്രി കോണ്റാഡ് സാംഗ്മ മുഖ്യാതിഥി ആയിരിക്കും.
ഗോവ ആര്ച്ച്ബിഷപ് കര്ദിനാള് ഫിലിപ്പ് നേരി ഫെറാവോ, കേന്ദ്രമന്ത്രി സുരേഷ് ഗോപി, യാക്കോബായ സഭാ ശ്രേഷ്ഠ കാതോലിക്ക ബസേലിയോസ് ജോസഫ് ബാവ, മാര്ത്തോമ്മാ സഭ മെത്രാപ്പോലീത്ത തെയഡോഷ്യസ് മാര്ത്തോമ്മ, ചങ്ങനാശേരി ആര്ച്ച്ബിഷപ് മാർ തോമസ് തറയില്, മന്ത്രിമാരായ പി.കെ. കുഞ്ഞാലിക്കുട്ടി, കെ. മുരളീധരന്, എം.എ. യൂസഫലി, ഇന്റര്ചര്ച്ച് കൗണ്സില് സെക്രട്ടറി ബിഷപ് ജോസഫ് മാര് ദിവന്നാസിയോസ്, ശശി തരൂര് എംപി, കെ.എന്. ബാലഗോപാല് എംഎല്എ, തിരുവനന്തപുരം മേയര് വി.വി. രാജേഷ്, രജതജൂബിലി ജനറല് കണ്വീനര് മുന് ഡിജിപി ജേക്കബ് പുന്നൂസ് തുടങ്ങിയവർ പ്രസംഗിക്കും. കര്ദിനാള് മാര് ബസേലിയോസ് ക്ലീമിസ് കാതോലിക്കാ ബാവ മറുപടി പ്രസംഗം നടത്തും.
Kerala
ചേര്ത്തല: കേരള ഹിസ്റ്ററി കോണ്ഗ്രസ് സുവര്ണജൂബിലി സമാപനം ഇന്ന് ചേര്ത്തലയില് നടക്കും. ആഘോഷങ്ങളുടെ ഭാഗമായി ചരിത്രപുസ്തക പ്രദര്ശനം, നവോത്ഥാനസദസ്, സെമിനാര്, അവാര്ഡ് ദാനം തുടങ്ങിയവ നടക്കും.
ചേര്ത്തല സെന്റ് മൈക്കിള്സ് കോളജില് രാവിലെ 10ന് പ്രസിഡന്റ് ഡോ. ചാള്സ് ഡയസ് പതാക ഉയര്ത്തും. തുടര്ന്നു നടക്കുന്ന സമ്മേളനം ആലപ്പുഴ രൂപത കോര്പറേറ്റ് മാനേജര് ഫാ. നെല്സണ് തൈപ്പറമ്പില് ഉദ്ഘാടനം ചെയ്യും.
സെബാസ്റ്റ്യന് കുന്നേല് സ്വാഗതം പറയും. വിവിധ വിഷയങ്ങളില് നടക്കുന്ന സെമിനാറിന് ഡോ. വള്ളിക്കാവ് മോഹന്ദാസ്, പ്രഫ. ഡോ. ജഗന്നാഥ്, ഡോ. ധന്യ ബി. നായര്, ഫാ. ഡോ. ജോണ്സണ് തേക്കടയില് എന്നിവര് നേതൃത്വം നല്കും.
വൈകുന്നേരം 3.30നു നടക്കുന്ന സമാപനസമ്മേളനം ഹൈക്കോടതി ജഡ്ജി ജസ്റ്റീസ് വി.എം. ശ്യാംകുമാര് ഉദ്ഘാടനം ചെയ്യും. പൗരസ്ത്യ കല്ദായ സുറിയാനി സഭ മെത്രാപ്പോലീത്ത മാര് ഔഗീന് കുര്യാക്കോസ് അനുഗ്രഹപ്രഭാഷണം നടത്തും.
ഡോ. ടെസി തോമസ്, ഡോ. എം.ജി. ശശിഭൂഷന്, ഡോ. സിന്ധു എസ്. നായര്, ഡോ. മൈക്കിള് തരകന്, ജോണ് പുളിക്കപ്പറമ്പില്, മാത്തച്ചന് പ്ലാത്തോട്ടം, ഫാ. ഡോ. സെലസ്റ്റിന് പുത്തന്പുരയ്ക്കല് എന്നിവര് പ്രസംഗിക്കും.
NRI
എഡിൻബർഗ് /മക്കാലാ∙ വടക്കൻ അമേരിക്കൻ മലയാളി സമൂഹത്തിന്റെ കായികക്ഷമതയും വിശ്വാസവും ഐക്യവും വിളിച്ചോതി നാലു ദിവസം നീണ്ടുനിന്ന സിറോ മലബാർ ഇന്റർ പാരിഷ് സ്പോർട്സ് ഫെസ്റ്റിവലിന് (ഐപിഎസ്എഫ് 2026) എഡിൻബർഗിൽ വർണാഭമായ സമാപനം. വാശിയേറിയ വടംവലിയുടെ അവസാന വിസിലടിയോടെയും സ്റ്റേഡിയങ്ങളെ ഇളക്കിമറിച്ച ആർപ്പുവിളികളോടെയും സമാപിച്ച ഈ കായികമാമാങ്കത്തിൽ ആയിരത്തിഅഞ്ഞൂറിലധികം കായികതാരങ്ങളും നാലായിരത്തിൽ പരം കാണികളും പങ്കെടുത്തു.
ഓഗസ്റ്റ് 6 മുതൽ 9 വരെ എഡിൻബർഗ് ഡിവൈൻ മെഴ്സി സീറോ മലബാർ ചർച്ചിന്റെ ആതിഥേയത്വത്തിലും എഡിൻബർഗ് സിറ്റിയുടെ സഹകരണത്തിലും നടന്ന മേളയിലുടനീളം ഷിക്കാഗോ രൂപതാ മെത്രാൻ മാർ ജോയ് ആലപ്പാട്ടിന്റെ സാന്നിധ്യവും ആത്മീയ അനുഗ്രഹങ്ങളും വൻ ആവേശമാണ് പകർന്നുനൽകിയത്. രൂപതാ പ്രൊക്യൂറേറ്റർ ഫാ. കുര്യൻ നെടുവേലിച്ചാലുങ്കൽ, ഡിവൈൻ മേഴ്സി വികാരി ഫാ. റോയ് മൂലേച്ചാലിൽ എന്നിവരുടെ നേതൃത്വത്തിലാണ് ചടങ്ങുകൾക്ക് തിരിതെളിഞ്ഞത്.
കൊപ്പേൽ സെന്റ് അൽഫോൻസാ വീണ്ടും ചാമ്പ്യൻ; ഹൂസ്റ്റൺ ഫൊറോനാ റണ്ണേഴ്സ് അപ്പ്
മൈതാനങ്ങളെ ആവേശത്തിലാഴ്ത്തിയ വാശിയേറിയ പോരാട്ടങ്ങൾക്കൊടുവിൽ ഡിവിഷൻ എ വിഭാഗത്തിൽ കൊപ്പേൽ സെന്റ് അൽഫോൻസ ചർച്ച് ചരിത്രവിജയത്തോടെ ചാമ്പ്യന്മാരായപ്പോൾ ഹൂസ്റ്റൺ സെന്റ് ജോസഫ്സ് ഫൊറോന ചർച്ച് റണ്ണേഴ്സ് അപ്പായി.
ഡിവിഷൻ ബി വിഭാഗത്തിൽ ആതിഥേയരായ എഡിൻബർഗ് ഡിവൈൻ മെർസി ചർച്ച് മിന്നുന്ന പ്രകടനത്തോടെ ചാമ്പ്യൻപട്ടം സ്വന്തമാക്കിയപ്പോൾ ഫ്രിസ്കോ സെന്റ് മറിയം ത്രേസ്യ മിഷൻ റണ്ണേഴ്സ് അപ്പ് സ്ഥാനം കരസ്ഥമാക്കി. ജയപരാജയങ്ങൾക്കപ്പുറം വിട്ടുവീഴ്ചയില്ലാത്ത കായികമര്യാദയും പരസ്പര ബഹുമാനവും അച്ചടക്കവും കാത്തുസൂക്ഷിച്ചുകൊണ്ട് പോരാടിയ എല്ലാ ടീമുകളെയും സംഘാടക സമിതി പ്രത്യേകം അഭിനന്ദിച്ചു.
മികച്ച ആസൂത്രണത്തോടെ മേള വിജയകരമാക്കാൻ വലിയൊരു നേതൃനിര തന്നെ അണിയറയിൽ പ്രവർത്തിച്ചു. ഷിക്കാഗോ രൂപതാ മെത്രാൻ മാർ ജോയ് ആലപ്പാട്ട് രക്ഷാധികാരിയായ സമിതിയിൽ ഫെസ്റ്റ് ചെയർമാൻ റെവ. ഫാ. റോയ് മൂലേച്ചാലിൽ, ട്രസ്റ്റികളായ ജോജോ തോമസ്, മനോജ് മൈക്കിൾ, ജനറൽ കോർഡിനേറ്റർ ജോസഫ് ബിജു, സെക്രട്ടറി ഡോ. ഡാഫോഡിൽസ് അബ്രഹാം, അക്കൗണ്ട്സ് ഭാരവാഹി അൽവിൻ ജോസഫ്, ഗെയിം കോർഡിനേറ്റർ ബെൻ കളരിക്കൽ എന്നിവർ കേന്ദ്ര കമ്മിറ്റിക്ക് നേതൃത്വം നൽകി.
വിവിധ ഇടവകകളിൽ നിന്ന് വികാരിമാരും കോർഡിനേറ്റർമാരും മേളയുടെ വിജയത്തിനായി ഒന്നിച്ചുചേർന്നു. എഡിൻബർഗ് ഡിവൈൻ മെർസി ചർച്ചിൽ നിന്ന് ഫാ. റോയ് മൂലേച്ചാലിൽ, ജോസ് ആന്റണി, മിനു ജോസഫ് എന്നിവരും, ഹൂസ്റ്റൺ സെന്റ് ജോസഫ്സ് ഫൊറോന ചർച്ചിൽ നിന്ന് ഫാ. ഡോ. സെബാസ്റ്റ്യൻ വലിയപറമ്പിൽ, ഫാ. ജോർജ് പാറയിൽ, മനു ഇമ്മാനുവൽ മൂന്നുമാക്കൽ, റോബിൻ ജോയ് എന്നിവരും നേതൃത്വം നൽകി. പിയർലാന്റ് സെന്റ് മേരീസ് ചർച്ചിൽ നിന്ന് ഫാ. വർഗീസ് ജോർജ് കുന്നത്ത്, സെർണി തോമസ്, അനിള കരിക്കുന്നേൽ സെബാസ്റ്റ്യൻ എന്നിവരും, ഗാർലാന്റ് സെന്റ് തോമസ് ചർച്ചിൽ നിന്ന് ഫാ. സിബി സെബാസ്റ്റ്യൻ, ഫാ. ക്രിസ്റ്റിൻ പുതിയകുന്നേൽ, മാത്യു ഒഴുകയിൽ, സുജ കൈനിക്കര എന്നിവരും കോർഡിനേറ്റർമാരായിരുന്നു.
ഓസ്റ്റിൻ സെന്റ് അൽഫോൻസയിൽ നിന്ന് ഫാ. ആന്റോ ജി. ആലപ്പാട്ട്, ജിയോ ജോസഫ്, ഗിജോ അരീക്കൻ എന്നിവരും, കോപ്പൽ സെന്റ് അൽഫോൻസയിൽ നിന്ന് ഫാ. മാത്യൂസ് മുൻജനനാട്ട്, ഫ്രാൻസിൽ ജോസഫ്, സോണി പോൾ എന്നിവരും സേവനമനുഷ്ഠിച്ചു.
കൂടാതെ സാൻ അന്റോണിയോയിൽ നിന്ന് ഫാ. ജോർജ് സി. ജോർജ്, സിറിയക് സ്കറിയ, മനു സെബാസ്റ്റ്യൻ എന്നിവരും, ഒക്ലഹോമയിൽ നിന്ന് ഫാ. ആന്റോ മാമ്പള്ളി, ജോബി ജോസഫ്, ഡൊമിനിക് ആന്റണി എന്നിവരും, ഫ്രിസ്കോയിൽ നിന്ന് ഫാ. ജിമ്മി ഇടക്കുളത്തൂർ കുര്യൻ, അജിത്ത് ജോസഫ്, ജാനറ്റ് റോയ് എന്നിവരും, കൻസാസ് സിറ്റിയിൽ നിന്ന് ഫാ. സുനോജ് തോമസും നേതൃനിരയിൽ തിളങ്ങി.
സ്പോൺസർമാരായി ജിബി പാറയ്ക്കലും ജോർജ് ചെറായിലും:എഡിൻബർഗ് സിറ്റി മേയർ ഒമർ ഒച്ചോവ, മുൻ മേയർ റാമിറോ ഗാർസ ജൂനിയർ, സിറ്റി കൗൺസിൽ അംഗങ്ങൾ എന്നിവരുടെ നിർണായക പിന്തുണ മേളയ്ക്ക് വലിയ ശക്തിയായി. മേളയുടെ വിജയശില്പികളായ പ്രമുഖ സ്പോൺസർമാരുടെ സഹകരണത്തെ ഭാരവാഹികൾ നന്ദിയോടെ സ്മരിച്ചു.
ഓസ്റ്റിനിലെ പിഎസ്.ജി ഗ്രൂപ്പ് ഓഫ് കമ്പനീസിന്റെ ജിബി പാറയ്ക്കൽ പ്രൈം സ്പോൺസറായും, ലെഗസി ബിസിനസ് ബ്രോക്കേഴ്സിന്റെ ജോർജ് ചെറായിൽ പവർ സ്പോൺസറായും വലിയ പിന്തുണ നൽകി. ഡോൾഫിൻ ഡിജിറ്റലിന്റെ ജോസി ആഞ്ഞിലിവേലിൽ, ഇംപാക്ട് ടാക്സിന്റെ സുബിൻ അലക്സ്, സിഗ്മ ട്രാവൽസിന്റെ സണ്ണി ജോസഫ്, ഗ്രേസ് ഇൻഷുറൻസ് ആൻഡ് എക്സ്പീരിയർ ഫിനാൻസിന്റെ ജിൻസ് മടമന, ഹൂസ്റ്റൺ അപ്നാ ബസാറിന്റെ സുരേഷ് നായർ, തജാംസ് മാർബിൾ ആൻഡ് ഗ്രാ നൈറ്റ്, മക്അലനിലെ പ്ലാങ്ക് ഗ്രിൽ എന്നീ പ്രമുഖ സ്പോൺസർമാരുടെ ഉദാരമായ പിന്തുണയാണ് ഈ വലിയ സ്പോർട്സ് മേളയെ വൻ വിജയമാക്കിയത്.
അഹോരാത്രം പ്രയത്നിച്ച വോളണ്ടിയർമാർക്കും, റെഫറിമാർക്കും, പങ്കെടുത്ത വൈദികർക്കും കന്യാസ്ത്രീകൾക്കും, കായികതാരങ്ങൾക്കും, കാണികൾക്കും ഡിവൈൻ മെർസി സീറോ മലബാർ ചർച്ച് വികാരിയും സംഘാടകരും നന്ദി രേഖപ്പെടുത്തി.
NRI
ലാങ്കസ്റ്റർ: മലങ്കര ഓർത്തഡോക്സ് സുറിയാനി സഭയുടെ നോർത്ത് ഈസ്റ്റ് അമേരിക്കൻ ഭദ്രാസനത്തിന്റെ ഫാമിലി ആൻഡ് യൂത്ത് കോൺഫറൻസ് നാല് ദിവസത്തെ ആത്മീയ അനുഭവങ്ങൾക്കും സഹോദര്യസംഗമത്തിനും വിശ്വാസപഠനത്തിനും നവീകരണത്തിനും ശേഷം സമാപിച്ചു.
ജൂലൈ 15 മുതൽ 18 വരെ നടന്ന കോൺഫറൻസ് നോർത്ത് ഈസ്റ്റ് അമേരിക്കൻ ഭദ്രാസനത്തിലെ വിശ്വാസികളുടെ ഏറ്റവും വലിയ വാർഷിക ആത്മീയ സംഗമമായി ശ്രദ്ധേയമായി. അവസാന ദിവസത്തെ പരിപാടികൾ ലിങ്കൺ തിയേറ്ററിൽ നടന്ന പ്രഭാത പ്രാർഥനയോടെയായിരുന്നു തുടക്കം.
തുടർന്ന് നടന്ന വിശുദ്ധ കുർബാനയ്ക്ക് കണ്ടനാട് ഭദ്രാസനാധിപൻ ഡോ. തോമസ് മാർ അത്താനാസിയോസ് മെത്രാപ്പോലീത്ത മുഖ്യകാർമികത്വം വഹിച്ചു. നോർത്ത് ഈസ്റ്റ് അമേരിക്കൻ ഭദ്രാസനാധിപൻ സഖറിയാ മാർ നിക്കളാവോസ് മെത്രാപ്പോലീത്തയും 30-ഓളം വൈദികരും സഹകാർമികരായി.
കുർബാനയ്ക്കുശേഷം നടന്ന പൊതുസമ്മേളനത്തിൽ ഡോ. തോമസ് മാർ അത്താനാസിയോസ് മെത്രാപ്പോലീത്ത, റഷ്യൻ ഓർത്തഡോക്സ് സഭയിലെ ഫാ. ഹിയറോമോങ്ക് വസിലിയോസ് വില്ലാർഡ്, ഫാ. ഡോ. എബി ജോർജ്, ലിജിൻ ഹന്നാ തോമസ് എന്നിവർ മുഖ്യപ്രഭാഷകരായിരുന്നു.
കോൺഫറൻസിൽ പങ്കെടുത്ത അനുഭവങ്ങളും ആത്മീയ നവീകരണത്തിന്റെ പ്രസക്തിയും അവർ പങ്കുവച്ചു.
Kerala
തൃശൂർ: ഗൈനക്കോളജി വിദഗ്ധരുടെ രാജ്യാന്തര സമ്മേളനം ടോഗ്സിക്കോണ്-26 സമാപിച്ചു. സൊസൈറ്റി ഓഫ് വജൈനൽ സർജൻസ് ഓഫ് ഇന്ത്യ (സോവ്സി) ദേശീയ പ്രസിഡന്റ് ഡോ.വി.പി. പൈലി ഉദ്ഘാടനം ചെയ്തു.
ടോഗ്സ് പ്രസിഡന്റ് ഡോ. നീതാ ജോർജ്, സെക്രട്ടറി ഡോ. സി.ആർ. രശ്മി, ജനറൽ കണ്വീനർ ഡോ. എം. വേണുഗോപാൽ എന്നിവർ പ്രസംഗിച്ചു.
ആരോഗ്യ പദ്ധതി വിദ്യാശക്തിയുടെയും ഗൈനക്കോളജിസ്റ്റുകൾക്കായി ആരംഭിക്കുന്ന ടോഗ്സ് ലീഗൽ എയ്ഡ് സെൽ നീതിയുടെയും ഉദ്ഘാടനം നടന്നു. ഡോ. സരോജിനി ബാലിഗ മെമ്മോറിയൽ പുരസ്കാരം തൃശൂർ ഗവ. മെഡിക്കൽ കോളജിലെ ഡോ. രംഗനായകിക്ക് സമ്മാനിച്ചു.
Kerala
തിരുവനന്തപുരം: കേരളത്തിൽ നിക്ഷേപപദ്ധതികളുമായി ആരുവന്നാലും നിയമ പരമായ പരിശോധന നടത്തി മാത്രമേ അനുമതി നൽകുകയുള്ളൂവെന്ന് മുഖ്യമന്ത്രി വി.ഡി. സതീശൻ. കേരള സമുദ്രമിഷൻ 2026 സംഘടിപ്പിച്ച മാരിടൈം മഹോത്സവത്തിന്റെ സമാപനസമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
കേരള സമുദ്രമിഷൻ സ്ഥാപക ചെയർമാൻ നാണു വിശ്വനാഥൻ അധ്യക്ഷത വഹിച്ചു. മന്ത്രിമാരായ മോൻസ് ജോസഫ്, പി.സി. വിഷ്ണുനാഥ് , ഷിപ്പിംഗ് മന്ത്രാലയം മുൻ സെക്രട്ടറി കെ. മോഹൻദാസ്, ശ്രീനാരായണ ഓപ്പണ് യൂണി. വൈസ് ചാൻസലർ പ്രഫ. ഡോ. വി.പി. ജഗതിരാജ്, വേൾഡ് മലയാളി ഓർഗനൈസേഷൻ ഗ്ലോബൽ ചെയർമാൻ ഐസക് ജോണ് പട്ടാണിപ്പറമ്പിൽ, അഡ്വ. ഗൗതം വിശ്വം തുടങ്ങിയവർ പ്രസംഗിച്ചു.
വേൾഡ് മലയാളി കൗണ്സിൽ പ്രസിഡന്റ് ബേബി മാത്യു സോമതീരം സ്വാഗതവും വേൾഡ് മലയാളി കൗണ്സിൽ ഗ്ലോബൽ അംബാസഡർ ജോണി കുരുവിള നന്ദിയും പറഞ്ഞു.
District News
കോഴിക്കോട്: ഉത്തരമേഖല സാമൂഹിക വനവത്കരണ വിജ്ഞാന വ്യാപന വിഭാഗം കോഴിക്കോട് ഡിവിഷന്റെ ആഭിമുഖ്യത്തില് സംഘടിപ്പിച്ച വനമഹോത്സവം 2026ന്റെ ജില്ലാതല സമാപനം കാരപ്പറമ്പ് ഗവ. ഹയര് സെക്കന്ഡറി സ്കൂളില് നടന്നു.
വിദ്യാര്ഥികള്ക്ക് തൈകള് കൈമാറി കെ. ജയന്ത് എംഎല്എ ഉദ്ഘാടനം നിര്വഹിച്ചു. സ്കൂള് പിടിഎ പ്രസിഡന്റ് കെ. ജറീഷ് അധ്യക്ഷത വഹിച്ചു. സാമൂഹിക വനവത്കരണ വിഭാഗം ഉത്തരമേഖലാ ഫോറസ്റ്റ് കണ്സര്വേറ്റര് ആര്. കീര്ത്തി മുഖ്യപ്രഭാഷണം നടത്തി. ഹരിത മാന്ത്രികത എന്ന പേരില് ശ്രീജിത്ത് വിയ്യൂര് മാജിക് ഷോ അവതരിപ്പിച്ചു.
Kerala
ചാലക്കുടി: കേരളത്തിൽ കരിസ്മാറ്റിക് നവീകരണം 50 വർഷങ്ങൾ പൂർത്തീകരിക്കുന്നതിന്റെ ഭാഗമായി മുരിങ്ങൂർ ഡിവൈൻ ധ്യാനകേന്ദ്രത്തിൽ നടത്തിയ ആഗോള കരിസ്മാറ്റിക് സംഗമം സീറോമലബാർ സഭ മേജർ ആർച്ച്ബിഷപ് മാർ റാഫേൽ തട്ടിൽ ഉദ്ഘാടനം ചെയ്തു.
സിബിസി കരിസ്മാറ്റിക് കമ്മീഷൻ അധ്യക്ഷൻ മാർ അലക്സ് താരാമംഗലം, തൃശൂർ അതിരൂപത മെത്രാപ്പോലീത്ത മാർ ആൻഡ്രൂസ് താഴത്ത് എന്നിവർ വചനസന്ദേശം നല്കി.
പ്രമുഖ വചനപ്രഘോഷകരായ ഫാ. മാത്യു നായ്ക്കംപറന്പിൽ, ഫാ. ജോർജ് പനയ്ക്കൽ, ഫാ. ഡാനിയൽ പൂവണ്ണത്തിൽ, ഫാ. സേവ്യർഖാൻ വട്ടായിൽ, ഫാ. വി.പി. ജോസഫ് കൃപാസനം, ഫാ. മാത്യു തടത്തിൽ, ഫാ. ഡേവിസ് പട്ടത്ത്, ഫാ. ജോർജ് പള്ളിക്കുന്നേൽ, സന്തോഷ് കരുമത്ര, ഡൽഹി വിൻസെൻഷ്യൻ സഭ പ്രൊവിൻഷ്യൽ ഫാ. ബോബി എന്നിവർ സന്ദേശം നല്കി.
മൂന്നാംദിനത്തിൽ ആദ്യ കരിസ്മാറ്റിക് ധ്യാനത്തിൽ പങ്കെടുത്ത പ്രഫ. എഡ്വേർഡ് എടേഴത്ത്, റിട്ട. ജസ്റ്റീസ് കുര്യൻ ജോസഫ് എന്നിവർ വചനപ്രഘോഷണം നടത്തി. സംഗമത്തിൽ നാലായിരത്തോളംപേർ പങ്കെടുത്തു.
Business
കൊച്ചി: 13 വയസ് തികഞ്ഞ കൊച്ചി ലുലുമാളിനു താരപ്പകിട്ടേറിയ ആഘോഷം. വാര്ഷികാഘോഷ പരിപാടികള് നടന് ജോജു ജോര്ജ് ഉദ്ഘാടനം ചെയ്തു.
സിനിമാതാരങ്ങളായ ഭീമന് രഘു, ടിനി ടോം, കൈലാഷ്, സരയു മോഹന് എന്നിവര് മുഖ്യാതിഥികളായി. വാര്ഷികാഘോഷം കേക്ക് മുറിച്ച് ജോജു ജോര്ജ് ഉദ്ഘാടനം നിര്വഹിച്ചു.
ലുലു ഗ്രൂപ്പ് ഇന്ത്യ സിഇഒ എം.എ. നിഷാദ്, മാള്സ് ഡയറക്ടര് ഷിബു ഫിലിപ്പ് , ലുലു കൊച്ചി ഡയറക്ടര് സാദിഖ് കാസിം, റീജണല് ഡയറക്ടര് സുധീഷ് ചെരിയില്, മീഡിയ ഹെഡ് എന്.ബി. സ്വരാജ്, എച്ച്ആര് ഹെഡ് അനൂപ് മജീദ്, കൊച്ചി ലുലുമാള് ജനറല് മാനേജര് വിഷ്ണു ആര്. നാഥ്, ലുലു ഹൈപ്പര് മാര്ക്കറ്റ് ജനറല് മാനേജര് ജോ പൈനേടത്ത് തുടങ്ങിയവര് പങ്കെടുത്തു. തുടര്ന്ന് വിധു പ്രതാപ് നയിച്ച സംഗീതരാവും അരങ്ങേറി.
Kerala
തിരുവനന്തപുരം: പ്രതിപക്ഷ നേതാവ് വി.ഡി. സതീശൻ നയിച്ച യുഡിഎഫിന്റെ ഒരു മാസത്തോളം നീണ്ട പുതുയുഗ യാത്ര ഇന്നലെ സമാപിച്ചു. സമാപന സമ്മേളനം നാളെ വൈകുന്നേരം നാലിന് തിരുവനന്തപുരം പുത്തരിക്കണ്ടം മൈതാനിയിൽ ലോക്സഭാ പ്രതിപക്ഷ നേതാവ് രാഹുൽ ഗാന്ധി ഉദ്ഘാടനം ചെയ്യും.
ഫെബ്രുവരി ആറിന് കാസർഗോഡ് കുന്പളയിൽ നിന്ന് ആരംഭിച്ച പുതുയുഗയാത്രയ്ക്കിടെ എല്ലാ ജില്ലകളിലും സമൂഹത്തിന്റെ വിവിധ മേഖലകളിലുള്ളവരുമായി പ്രതിപക്ഷ നേതാവ് സംവദിച്ചു.
വൻകിട ബിസിനസുകാർ മുതൽ താഴേക്കിടയിലുള്ള തൊഴിലാളികൾ വരെയുള്ള 40 മുതൽ 50 വരെ മേഖലയിലുള്ളവരുടെ പ്രശ്നങ്ങൾ കേട്ടു. പരിഹാരം നിർദേശിച്ചു. ഇതിൽ ആവശ്യമായവ യുഡിഎഫിന്റെ പ്രകടന പത്രികയിലും ഇടം നേടും. യുഡിഎഫ് അധികാരത്തിൽ എത്തിയാൽ നടപ്പാക്കേണ്ട പദ്ധതികളും ഇതിലുണ്ടാകും.
14 ജില്ലകളിലേയും മുൻഗണനാടിസ്ഥാനത്തിൽ നടപ്പാക്കേണ്ട പ്രധാന പ്രശ്നങ്ങൾ തയാറാക്കി സമർപ്പിക്കും. ഇന്നു കേരളത്തിലെത്തുന്ന രാഹുൽ ഗാന്ധി കൊല്ലത്തും കുട്ടിക്കാനത്തും വിവിധ പരിപാടികളിൽ പങ്കെടുക്കും. ഇന്നും നാളെയുമായി യുഡിഎഫ് നേതാക്കളുമായി ചർച്ചകളും നടത്തും.
NRI
അബുദാബി: അബുദാബി കേരള സോഷ്യൽ സെന്ററിന്റെ ആഭിമുഖ്യത്തിൽ മൂന്ന് ദിവസങ്ങളിലായി സംഘടിപ്പിച്ച യുഎഇ തല കലോത്സവത്തിന് സമാപനമായി.
കിഡ്സ്, ജൂണിയർ, സബ് ജൂണിയർ, സീനിയർ, സൂപ്പർ സീനിയർ എന്നീ വിഭാഗങ്ങളിൽ യഥാക്രമം ദക്ഷിത് മാധവ്, ഷാൻവിശ്രീ വിജേഷ്, ആരാധ്യ നായർ എ കെ, പ്രാർഥന വിമൽ നായർ, പാർവതി ശ്രീജിത്ത് എന്നിവരാണ് വ്യക്തിഗത വിജയികളായത് .
നിള, കല്ലായി, പമ്പ, പെരിയാർ, കബനി എന്നീ പേരുകളിലായി കേരള സോഷ്യൽ സെന്ററിന്റെ വിവിധ വേദികളിൽ നടന്ന കലോത്സവം സെന്റർ പ്രസിഡന്റ് ടി. കെ. മനോജ് ഉദ്ഘാടനം ചെയ്തു.
അബുദാബി മലയാളി സമാജം പ്രസിഡന്റ് സലിം ചിറക്കൽ, ശക്തി തിയറ്റേഴ്സ് പ്രസിഡന്റ് ബഷീർ കെ.വി, യുവകലാസാഹിതി അബുദാബി പ്രസിഡന്റ് രാകേഷ് മൈലപ്രത്ത്, ജനറൽ സെക്രട്ടറി സജീഷ് നായർ, കലാവിഭാഗം സെക്രട്ടറി ഹാരിസ് ഹുസൈൻ, അസി. കലാവിഭാഗം സെകട്ടറി സ്മിത ധനേഷ് എന്നിവർ പങ്കെടുത്തു.
Kerala
മലപ്പുറം: തിരുനാവായയിൽ നടക്കുന്ന മഹാമാഘ മഹോത്സവത്തിന് ഇന്ന് സമാപനം. അമൃതസ്നാനത്തോടെയാണ് മഹാമാഘ മഹോത്സവത്തിന് സമാപനമാവുക. അമൃതസ്നാനത്തിനുശേഷം യതി പൂജയും ഭണ്ഡാര എന്ന വിശിഷ്ട ആചാരവും നടക്കും.
കേരളത്തിലെ കുംഭമേളയെന്ന നിലയിൽ തിരുനാവായയിൽ നടക്കുന്ന മഹാമാഘ മഹോത്സവത്തിൽ രാജ്യത്തിന്റെ വിവിധ ഭാഗങ്ങളിൽ നിന്നായി ആയിരക്കണക്കിന് വിശ്വാസികളാണ് പങ്കെടുത്തത്. 15 ദിവസമായി നടന്നുവന്ന മഹാമാഘ മഹോത്സവം ജനുവരി19ന് ഗവർണർ ആണ് ഉദ്ഘാടനം ചെയ്തത്.
മഹാമാഘ മഹോത്സവത്തിലെ ഏറ്റവും വിശുദ്ധമായ ആചാരങ്ങളിലൊന്നാണ് അമൃതസ്നാനം. നാഗസന്ന്യാസിവര്യന്മാർ ഉൾപ്പെടെയുള്ളവരും ഭക്തജനങ്ങളും ഇതിൽ പങ്കുചേരും. അമൃതസ്നാനത്തിനുശേഷം യതി പൂജയും ഭണ്ഡാര എന്ന വിശിഷ്ട ആചാരവും നടക്കും. സന്ന്യാസിവര്യന്മാർക്ക് നടത്തുന്ന അന്നദാനമാണ് ഭണ്ഡാര.
Business
കൊച്ചി: ബെറ്റർ കിച്ചൻ മാസികയുടെ മുൻനിര സംരംഭമായ എവറസ്റ്റ് ബെറ്റർ കിച്ചൻ പാചക ചലഞ്ച് (എവറസ്റ്റ് ബികെസിസി) സീസൺ 7ന്റെ കേരള റീജണൽ റൗണ്ട് കൊച്ചിയിലെ ചാവറ ഇൻസ്റ്റിറ്റ്യൂട്ടിൽ സമാപിച്ചു. ഹോട്ടൽ മാനേജ്മെന്റ് വിദ്യാർഥികൾക്കായുള്ള ഇന്ത്യയിലെ ഏറ്റവും വലിയ പാചക മത്സരം രാജ്യവ്യാപകമായി 19 നഗരങ്ങളിലായാണ് നടക്കുന്നത്.
മുംബൈയിലാണ് ഗ്രാൻഡ് നാഷണൽ ഫിനാലെ. ഇന്ത്യയുടെ പ്രാദേശിക പാചകരീതികൾ ആഗോള തലത്തിലേക്കെത്തുന്പോൾ ഭാവിയിലെ വെല്ലുവിളികൾ അഭിമുഖീകരിക്കാൻ വിദ്യാർഥികളെ സജ്ജമാക്കുന്ന തരത്തിലാണ് എവറസ്റ്റ് ബികെസിസി രൂപകൽപന ചെയ്തിരിക്കുന്നതെന്നു ബെറ്റർ കിച്ചൻ മാസികയുടെ എഡിറ്റർ വീരേന്ദ്ര ഭാർഗവ പറഞ്ഞു. ഉദ്ഘാടന സമ്മേളനത്തിൽ ചാവറ ഡയറക്ടർ ഫാ. അനിൽ ഫിലിപ്പ് അധ്യക്ഷത വഹിച്ചു.
കൊച്ചി എയർപോർട്ട് കസ്റ്റംസ് ഇന്റലിജൻസ് കമ്മീഷണർ റോയ് വർഗീസ് മുഖ്യാതിഥിയായി. താജ് ഹോട്ടൽ മുൻ എക്സിക്യൂട്ടിവ് ഷെഫ് സാജു സക്കറിയ, ഗ്രാൻഡ് ഹയാത്ത് ബോൾഗാട്ടി എക്സിക്യൂട്ടീവ് ഷെഫ് ഗൗതം ദുബലെ, മാരിയറ്റ് ഹോട്ടൽ ഹൗസ് കീപ്പിംഗ് മാനേജർ രൺജിത്, സൗരവ് അധികാരി, ചാവറ ഇൻസ്റ്റിറ്റ്യൂട്ട് ഡയറക്ടർ ഫാ. ബിജു വടക്കേൽ, ഫിനാൻസ് ഓഫീസർ ഫാ. മാത്യു കിരിയാന്തൻ, ചാവറ മാട്രിമണി എക്സിക്യൂട്ടീവ് ഡയറക്ടർ ജോൺസൻ സി. ഏബ്രഹാം, ജെയ്മോൾ മേരി ടോം, റിയ തോമസ് എന്നിവർ പ്രസംഗിച്ചു.
എവറസ്റ്റ് ബെറ്റർ കിച്ചൻ പാചക ചലഞ്ച് സീസൺ 7 ൽ ഇമ്മാനുവൽ ദേവ്, അക്ഷയ് കൃഷ്ണൻ (ചാവറ ഇൻസ്റ്റിറ്റ്യൂട്ട്), തേജസ്വിനി, എം.എൻ. അരുൺ (ഷെഫീൽഡ് ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെന്റ്) എന്നീ ടീമുകൾ ആദ്യ രണ്ടു സ്ഥാനങ്ങളിലെത്തി.
മറ്റു മത്സരങ്ങളിലെ ആദ്യ മൂന്നു സ്ഥാനക്കാർ:
എവറസ്റ്റ് ബെറ്റർ കിച്ചൻ ബേക്കറി ചലഞ്ച്-
കെ.എഫ്. സ്നേഹ റോസ്, മരിയ ഫീന അരൂജ (ഫുഡ് ക്രാഫ്റ്റ് ഇൻസ്റ്റിറ്റ്യൂട്ട്), അക്ഷയ ജോസഫ്, അലീന മരിയ ടി.ജെ (ചാവറ ഇൻസ്റ്റിറ്റ്യൂട്ട്), കെ.ജെ. മേരി സാനിയ, എം.ആർ.അജിൻ (എസ്എൻജിഎം കാറ്ററിംഗ് കോളജ്).
എഫ്ആൻഡ്ബി യംഗ് മാസ്റ്റേഴ്സ് ചലഞ്ച്-
ജോഫിൻ ജോർജ് (ഫുഡ് ക്രാഫ്റ്റ് ഇൻസ്റ്റിറ്റ്യൂട്ട്), ഷെറി ഷാജു (ഫുഡ് ക്രാഫ്റ്റ് ഇൻസ്റ്റിറ്റ്യൂട്ട്), സാഗർ സുനിൽ കുമാർ (ബ്രൂക്സ് സ്കൂൾ ഓഫ് ഹോട്ടൽ മാനേജ്മെന്റ്).
എൻസോ ഹൗസ് കീപ്പിംഗ് ഒളിംപ്യാഡ്-
സൗമ്യ സുന്ദരൻ ( ക്രൈസ്റ്റ് കോളജ്), പി. മിസ്ലത്ത് ഷംസുദ്ദിൻ (യുവക്ഷേത്ര ഇൻസ്റ്റിറ്റ്യൂട്ട് ഓഫ് മാനേജ്മെന്റ് സ്റ്റഡീസ്), എം.എസ്. ജോസ് തോമസ് (ചാവറ ഇൻസ്റ്റിറ്റ്യൂട്ട്)
Kerala
കാഞ്ഞിരപ്പള്ളി: ആനക്കല്ല് സെന്റ് ആന്റണീസ് പബ്ലിക് സ്കൂളിന്റെ റൂബി ജൂബിലി ആഘോഷങ്ങളുടെ സമാപനസമ്മേളനം ഇന്ന് രാവിലെ 9.30ന് നടക്കും. ചങ്ങനാശേരി അതിരൂപത ആര്ച്ച് ബിഷപ് മാര് തോമസ് തറയില് സമ്മേളനം ഉദ്ഘാടനം ചെയ്യും.
കാഞ്ഞിരപ്പള്ളി ബിഷപ് മാര് ജോസ് പുളിക്കല് അധ്യക്ഷത വഹിക്കും. പ്രിന്സിപ്പല് ഫാ. ആന്റണി തോക്കനാട്ട് വാർഷിക റിപ്പോർട്ട് അവതരിപ്പിക്കും.
മാനേജര് ഫാ. ജോസഫ് പൊങ്ങന്താനത്ത്, ചീഫ് വിപ്പ് ഡോ.എന്. ജയരാജ്, ആന്റോ ആന്റണി എംപി, കെ. ഫ്രാന്സിസ് ജോര്ജ് എംപി, ജോസ് കെ. മാണി എംപി, സെബാസ്റ്റ്യന് കുളത്തുങ്കല് എംഎല്എ, പിടിഎ പ്രസിഡന്റ് ജോസ് ആന്റണി, സ്റ്റാഫ് സെക്രട്ടറി തനുജ മാത്യു, സ്കൂള് ക്യാപ്റ്റന് ഫെലിക്സ് ജസ്റ്റിന് എന്നിവര് പ്രസംഗിക്കും. ഉച്ചകഴിഞ്ഞ് രണ്ടിന് വിദ്യാർഥികളുടെ വിവിധ കലാപരിപാടികൾ നടക്കും.
International
വത്തിക്കാന് സിറ്റി: സാർവത്രികസഭയിലെ പ്രത്യാശയുടെ ജൂബിലിവർഷാചരണം ഇന്ന് ഔദ്യോഗികമായി സമാപിക്കും.
ഇന്നു രാവിലെ സെന്റ് പീറ്റേഴ്സ് ബസിലിക്കയുടെ വിശുദ്ധ വാതില് ലെയോ പതിനാലാമൻ മാർപാപ്പ അടയ്ക്കുന്നതോടെയാണ് 2025 ജൂബിലിവര്ഷത്തിന് സമാപനമാകുക. ഈശോമിശിഹായുടെ പ്രത്യക്ഷീകരണ തിരുനാള് ദിനമായ ഇന്ന് മാർപാപ്പയുടെ മുഖ്യകാർമികത്വത്തിൽ സെന്റ് പീറ്റേഴ്സ് ചത്വരത്തിൽ ആഘോഷമായ വിശുദ്ധ കുർബാനയും ഉണ്ടായിരിക്കും.
സെന്റ് പീറ്റേഴ്സ് ബസിലിക്കയുടെ വിശുദ്ധ വാതിൽ തുറന്ന് 2024 ഡിസംബര് 24ന് ഫ്രാന്സിസ് മാര്പാപ്പയാണ് ജൂബിലിവർഷാചരണം ഉദ്ഘാടനം ചെയ്തത്.
ജൂബിലിവര്ഷത്തിൽ 12 മാസത്തിനിടെ ഏകദേശം മൂന്നു കോടി തീര്ഥാടകർ സെന്റ് പീറ്റേഴ്സ് ബസിലിക്കയുടെ വിശുദ്ധ വാതിലിലൂടെ കടന്നുപോയതായി കണക്കാക്കുന്നു.
ഈശോമിശിഹായുടെ പീഡാനുഭവത്തിന്റെയും കുരിശുമരണത്തിന്റെയും ഉത്ഥാനത്തിന്റെയും 2000-ാം വാർഷികാചരണത്തിന്റെ ഭാഗമായി പ്രഖ്യാപിച്ച അസാധാരണ ജൂബിലിവർഷമായ 2033ലായിരിക്കും ഇനി വിശുദ്ധ വാതിലുകൾ തുറക്കപ്പെടുക.
സെന്റ് പീറ്റേഴ്സ് ബസിലിക്കയിൽ തുറക്കപ്പെട്ട വിശുദ്ധ വാതിലിനുപുറമെ ജൂബിലിവർഷത്തിൽ റോമിൽ മറ്റു നാല് വിശുദ്ധ വാതിലുകൾകൂടി തുറക്കപ്പെട്ടിരുന്നു.
സെന്റ് ജോൺ ലാറ്ററൻ ബസിലിക്കയിലും മേരി മേജർ ബസിലിക്കയിലും സെന്റ് പോൾ ബസിലിക്കയിലും റോമിലെ റെബിബിയ ജയിലിലുമാണ് വിശുദ്ധ വാതിൽ തുറന്നത്. തടവുകാരെ അവരുടെ ഹൃദയം തുറക്കാൻ ക്ഷണിച്ചുകൊണ്ട്, അവരുടെ മോചനത്തിന്റെയും വീണ്ടെടുപ്പിന്റെയും പ്രത്യാശയുടെയും പ്രതീകമായാണു പരമ്പരാഗത പേപ്പൽ ബസിലിക്കകളുമായി ബന്ധിപ്പിച്ച് ആദ്യമായി റോമിലെ റെബിബിയ ജയിലിൽ വിശുദ്ധ വാതിൽ സ്ഥാപിക്കപ്പെട്ടത്.
ജൂബിലിവര്ഷത്തിന്റെ സമാപനത്തോടനുബന്ധിച്ച് ആദ്യം അടച്ചത് സെന്റ് മേരി മേജര് ബസിലിക്കയിലെ വിശുദ്ധ വാതിലാണ്. ക്രിസ്മസ് ദിനത്തിലായിരുന്നു ചടങ്ങ്.
രണ്ടു ദിവസത്തിനുശേഷം ഡിസംബര് 27ന് സെന്റ് ജോണ് ലാറ്ററന് ബസിലിക്കയിലെ വിശുദ്ധ വാതിലും ഡിസംബര് 28ന് സെന്റ് പോള് ബസിലിക്കയുടെ വിശുദ്ധ വാതിലും അടച്ചു.
തിരുക്കുടുംബത്തിന്റെ തിരുനാൾദിനമായിരുന്ന ഡിസംബർ 28ന് ലോകമെങ്ങും ജൂബിലി വർഷാചരണം സമാപിച്ചിരുന്നു.
District News
കാസര്ഗോഡ്: വനംവകുപ്പ് കാസര്ഗോഡ് ഡിവിഷന് ഓഫീസില് നടത്തിയ മലയാളഭാഷാ വാരാഘോഷത്തിന്റെ സമാപന സമ്മേളനം കവി ദിവാകരൻ വിഷ്ണുമംഗലം ഉദ്ഘാടനം ചെയ്തു. ഡിവിഷണൽ ഫോറസ്റ്റ് ഓഫീസർ ജോസ് മാത്യു അധ്യക്ഷത വഹിച്ചു.
റേഞ്ച് ഫോറസ്റ്റ് ഓഫീസർമാരായ സി.വി. വിനോദ് കുമാർ, കെ. രാഹുൽ, കെ. ഗിരീഷ്, ഡെപ്യൂട്ടി റേഞ്ച് ഫോറസ്റ്റ് ഓഫീസർ എൻ.വി. സത്യൻ, ജൂണിയർ സൂപ്രണ്ട് എൻ. ദിവാകരൻ എന്നിവർ പ്രസംഗിച്ചു. വനം ജീവനക്കാർക്കിടയിൽ നടത്തിയ ജില്ലാതല മത്സരങ്ങളിലെ വിജയികള്ക്ക് സമ്മാനങ്ങള് വിതരണം ചെയ്തു.