ടിഡിപി മുന്നണി വിട്ടു
Saturday, March 17, 2018 2:08 AM IST
ന്യൂ​ഡ​ൽ​ഹി: ന​രേ​ന്ദ്രമോ​ദി സ​ർ​ക്കാ​രി​നെ വെ​ട്ടി​ലാ​ക്കി തെ​ലു​ങ്കുദേ​ശം പാ​ർ​ട്ടി എ​ൻ​ഡി​എ വി​ട്ടു. മു​ന്ന​ണി വി​ട്ട​താ​യി പ്ര​ഖ്യാ​പി​ച്ച​തി​നു പി​ന്നാ​ലെ ടി​ഡി​പി ഇ​ന്ന​ലെ ലോ​ക്സ​ഭ​യി​ൽ കേ​ന്ദ്ര സ​ർ​ക്കാ​രി​നെ​തി​രേ അ​വി​ശ്വാ​സ പ്ര​മേ​യം കൊ​ണ്ടു വ​ന്നെ​ങ്കി​ലും സ്പീ​ക്ക​ർ അ​നു​മ​തി ന​ൽ​കി​യി​ല്ല.

ലോ​ക്സ​ഭാ ന​ടു​ത്ത​ള​ത്തി​ലെ പ്ര​തി​ഷേ​ധ​ങ്ങ​ൾ ചൂ​ണ്ടി​ക്കാ​ട്ടി സ​ഭ​യി​ലെ അ​ന്ത​രീ​ക്ഷം ശ​രി​യ​ല്ലെ​ന്നു പ​റ​ഞ്ഞാ​ണ് സ്പീ​ക്ക​ർ ഇ​ന്ന​ലെ അ​വി​ശ്വാ​സ പ്ര​മേ​യ​ത്തി​ന് അ​നു​മ​തി ന​ൽ​കാ​തെ മാ​റ്റി​വ​ച്ച​ത്. ടി​ഡി​പി​ക്കു പു​റ​മേ വൈ​എ​സ്ആ​ർ കോ​ണ്‍ഗ്ര​സും അ​വി​ശ്വാ​സ​പ്ര​മേ​യ​ത്തി​ന് നോ​ട്ടീ​സ് ന​ൽ​കി​യി​രു​ന്നെ​ങ്കി​ലും അ​തി​നും അ​നു​മ​തി ല​ഭി​ച്ചി​ല്ല. നോ​ട്ടീ​സി​ന് തി​ങ്ക​ളാ​ഴ്ച അ​നു​മ​തി ന​ൽ​ക​ണ​മെ​ന്ന് ടി​ഡി​പി സ്പീ​ക്ക​റോ​ട് അ​ഭ്യ​ർ​ഥി​ച്ചി​ട്ടു​ണ്ട്.

ആ​ന്ധ്ര വി​ഷ​യ​ത്തി​ൽ വൈ​എ​സ്ആ​ർ കോ​ണ്‍ഗ്ര​സ് വ്യാ​ഴാ​ഴ്ച ന​ൽ​കി​യ അ​വി​ശ്വാ​സ പ്ര​മേ​യ​ത്തെ പി​ന്തു​ണ​യ്ക്കാ​ൻ ആ​ദ്യം തീ​രു​മാ​നി​ച്ചെ​ങ്കി​ലും പി​ന്നീ​ട് സ്വ​ന്തം നി​ല​യ്ക്ക് അ​വി​ശ്വാ​സ പ്ര​മേ​യം കൊ​ണ്ടുവ​രാ​ൻ ടി​ഡി​പി പോ​ളി​റ്റ് ബ്യൂ​റോ തീ​രു​മാ​നി​ക്കു​ക​യാ​യി​രു​ന്നു. വൈ​എ​സ്ആ​ർ കോ​ണ്‍ഗ്ര​സും ജ​ന സേ​ന പാ​ർ​ട്ടി​യു​മാ​യും ബി​ജെ​പി​യും പ്ര​ധാ​ന​മ​ന്ത്രി​യു​ടെ ഓ​ഫീ​സും ഗൂ​ഢാ ലോ​ച​ന ന​ട​ത്തി​യി​ട്ടു​ണ്ടെ​ന്ന സം​ശ​യ​ത്തി​ന്‍റെ ബ​ല​ത്തി​ലാ​ണ് സ്വ​ന്തം നി​ല​യ്ക്ക് അ​വി​ശ്വാ​സ പ്ര​മേ​യം കൊ​ണ്ടു വ​രാ​ൻ ടി​ഡി​പി തീ​രു​മാ​നി​ച്ച​ത്.

ആ​ന്ധ്ര​പ്ര​ദേ​ശ് മു​ഖ്യ​മ​ന്ത്രി​യും ടി​ഡി​പി പ്ര​സി​ഡ​ന്‍റു​മാ​യ ച​ന്ദ്ര​ബാ​ബു നാ​യി​ഡു എ​ൻ​ഡി​എ വി​ടു​ന്ന​താ​യി ഇ​ന്ന​ലെ രാ​വി​ലെ​യാ​ണു പ്ര​ഖ്യാ​പി​ച്ച​ത്. ടി​ഡി​പി പോ​ളി​റ്റ് ബ്യൂ​റോ അം​ഗ​ങ്ങ​ളു​മാ​യും എം​പി​മാ​രു​മാ​യും ടെ​ലി​കോ​ണ്‍ഫ​റ​ൻ​സിം​ഗ് മു​ഖേ​ന കൂ​ടി​ക്കാ​ഴ്ച ന​ട​ത്തി​യാ​ണ് ച​ന്ദ്ര​ബാ​ബു നാ​യി​ഡു ടി​ഡി​പി മു​ന്ന​ണി വി​ടാ​നു​ള്ള തീ​രു​മാ​ന​മെ​ടു​ത്ത​ത്. കേ​ന്ദ്ര മ​ന്ത്രി​സ​ഭ​യി​ൽ നി​ന്ന് ര​ണ്ടു പാ​ർ​ട്ടി മ​ന്ത്രി​മാ​ർ രാ​ജി​വ​ച്ച​തി​നു പി​ന്നാ​ലെ​യാ​ണ് ടി​ഡി​പി സ​ഖ്യം വി​ടു​ന്ന​ത്.

കേ​ന്ദ്ര വ്യോ​മ​യാ​ന മ​ന്ത്രി​യാ​യി​രു​ന്ന അ​ശോ​ക് ഗ​ജ​പ​തി രാ​ജു, ശാ​സ്ത്ര സാ​ങ്കേ​തി​ക സ​ഹ​മ​ന്ത്രി വൈ.​എ​സ്. ചൗ​ധ​രി എ​ന്നി​വ​രാ​ണ് രാ​ജി​വ​ച്ച​ത്. മോ​ദി സ​ർ​ക്കാ​രും ബി​ജെ​പി​യും പ​യ​റ്റി​യ സ​മ്മ​ർ​ദ ത​ന്ത്ര​ങ്ങ​ളും അ​നു​ര​ഞ്ജ​ന ശ്ര​മ​ങ്ങ​ളും ക​ണ​ക്കി​ലെ​ടു​ക്കാ​തെ​യാ​ണ് ച​ന്ദ്ര​ബാ​ബു നാ​യി​ഡു സ​ഖ്യം വി​ടാ​നു​ള്ള ഉ​റ​ച്ച തീ​രു​മാ​നം എ​ടു​ത്ത​ത്. ഹൈ​ദ​രാ​ബാ​ദി​ൽ ചേ​ർ​ന്ന ടി​ഡി​പി പോ​ളി​റ്റ്ബ്യൂ​റോ യോ​ഗ​ത്തി​ൽ ഏ​ക​ക​ണ്ഠമായാ ണ് തീ​രു​മാ​ന​മെ​ടു​ത്ത​ത്.

സ​ഖ്യ​ക​ക്ഷി​ക​ളി​ൽ പ്ര​ബ​ല​രാ​യി​രു​ന്ന ശി​വ​സേ​ന ഇ​തി​നോ​ട​കം ത​ന്നെ എ​ൻ​ഡി​എ​യു​മാ​യും ബി​ജെ​പി​യു​മാ​യും പ്ര​ത്യ​ക്ഷ​ത്തി​ൽ ത​ന്നെ അ​ക​ൽ​ച്ച​യി​ലാ​ണ്. കേ​ന്ദ്ര സ​ർ​ക്കാ​രി​നു ഭീ​ഷ​ണിയില്ലെങ്കി​ലും ടി​ഡി​പി കൂ​ടി വി​ട്ടു​പോ​യ​തോ​ടെ എ​ൻ​ഡി​എ ദു​ർ​ബ​ല​മാ​കു​ക​യാ​ണ്. മു​ന്ന​ണി വി​ടാ​നു​ള്ള ടി​ഡി​പി തീ​രു​മാ​ന​ത്തെ ശി​വ​സേ​ന​യും തൃ​ണ​മൂ​ൽ കോ​ണ്‍ഗ്ര​സും സ്വാ​ഗ​തം ചെ​യ്തു. ടി​ഡി​പി ആ​ന്ധ്ര​യു​ടെ ആ​വ​ശ്യ​ങ്ങ​ളി​ലേ​ക്ക് ഉ​യി​ർ​ത്തെ​ഴു​ന്നേ​റ്റു എ​ന്നാ​ണ് മു​ന്ന​ണി വി​ട്ട​തി​നോ​ട് വൈ​എ​സ്ആ​ർ കോ​ണ്‍ഗ്ര​സ് നേ​താ​വ് ജ​ഗ​ൻ​മോ​ഹ​ൻ റെ​ഡ്ഡി പ്ര​തി​ക​രി​ച്ച​ത്.


സെ​ബി മാ​ത്യു


കേന്ദ്രസർക്കാരിനും ബിജെപിക്കും ടിഡിപിയുടെ രൂക്ഷവിമർശനം

കേ​ന്ദ്ര സ​ർ​ക്കാ​രി​നും ബി​ജെ​പി​ക്കു​മെ​തി​രേ രൂ​ക്ഷ വി​മ​ർ​ശ​ന​ങ്ങ​ൾ ഉ​ന്ന​യി​ച്ചാ​ണ് ചന്ദ്രബാബു നാ​യി​ഡു​വും ടി​ഡി​പി​യും മു​ന്ന​ണി വി​ട്ട​ത്. ച​ന്ദ്ര​ബാ​ബു നാ​യി​ഡു​ ത​ന്‍റെ വി​മ​ർ​ശ​ന​ങ്ങ​ളി​ല​ധി​ക​വും കേ​ന്ദ്രധ​ന​മ​ന്ത്രി അ​രു​ണ്‍ ജയ്‌റ്റ്‌ലി ക്കു നേരേ തൊ​ടു​ത്തു. സം​സ്ഥാ​ന​ത്തി​ന് പ്ര​ത്യേ​ക പ​ദ​വി ല​ഭി​ക്കാ​ത്ത​തു കൊ​ണ്ടു മാ​ത്ര​മാ​ണു മു​ന്ന​ണി വി​ടു​ന്ന​തെ​ന്ന് ആ​ന്ധ്ര നി​യ​മ​സ​ഭ​യി​ൽ നാ​യി​ഡു ആ​വ​ർ​ത്തി​ച്ചു പ​റ​ഞ്ഞു.

പ്ര​ത്യേ​ക പ​ദ​വി സം​ബ​ന്ധി​ച്ച് വി​കാ​ര​ങ്ങ​ൾ കൊ​ണ്ടു ഫ​ല​മു​ണ്ടാ​കി​ല്ല​ന്ന ജയ്‌റ്റ്‌ലിയുടെ പ​രാ​മ​ർ​ശം മ​ര്യാ​ദ​യി​ല്ലാ​ത്ത​താ​യി​രു​ന്നു. വി​കാ​ര​ങ്ങ​ളി​ൽ നി​ന്നാ​ണു തെ​ലു​ങ്കാ​ന ത​ന്നെ പ​ടു​ത്തു​യർ​ത്തി​യ​ത്. വി​കാ​ര​ങ്ങ​ൾ​ക്കു വ​ള​രെ ശ​ക്തി​യു​മു​ണ്ട്. കേ​ന്ദ്ര സ​ർ​ക്കാ​ർ എ​ന്നും നീ​തി​ര​ഹി​ത​മാ​യാ​ണ് ആ​ന്ധ്ര​യോ​ടു പെ​രു​മാ​റു​ന്ന​ത്. വി​ഭ​ജ​ന സ​മ​യ​ത്തു ത​ന്നെ പ്ര​ത്യേ​ക പ​ദ​വി ന​ൽ​കി​യി​രു​ന്നെ​ങ്കി​ൽ ഇ​പ്പോ​ഴു​ണ്ടാ​യ പ്ര​ശ്ന​ങ്ങ​ൾ ഒ​ഴി​വാ​ക്കാ​മാ​യി​രു​ന്നു. ടി​ഡി​പി ഒ​രി​ക്ക​ലും എ​ൻ​ഡി​എ വി​ട്ട​ത് സ്വാ​ർ​ഥ താ​ത്പ​ര്യ​ങ്ങ​ൾ​ക്കുവേ​ണ്ടി ആ​യി​രു​ന്നി​ല്ലെ​ന്നും നാ​യി​ഡു വ്യ​ക്ത​മാ​ക്കി.

സം​സ്ഥാ​ന​ത്തി​ന് പ്ര​ത്യേ​ക പ​ദ​വി ആ​വ​ശ്യ​പ്പെ​ട്ടു പ്ര​ധാ​ന​മ​ന്ത്രി​ക്കു ക​ത്തെ​ഴു​തി​യി​രു​ന്നു. കേ​ന്ദ്ര​ത്തി​ലേ​ക്കും നി​ര​വ​ധി ക​ത്തു​ക​ളെ​ഴു​തി. എ​ന്നാ​ൽ, ഒ​രു ന​ട​പ​ടി​യു​മു​ണ്ടാ​യി​ല്ലെ​ന്നും നാ​യി​ഡു കു​റ്റ​പ്പെ​ടു​ത്തി. ബി​ജെ​പി എ​ന്നാ​ൽ ബ്രേ​ക്ക് ജ​ന​താ പ്രോ​മി​സ് എ​ന്നാ​ണ് ടി​ഡി​പി നേ​താ​വ് തോ​ട്ടാ ന​ര​സിം​ഹ​ൻ പ​രി​ഹ​സി​ച്ച​ത്. കേ​ന്ദ്ര സ​ർ​ക്കാ​രി​നെ​തി​രേ അ​ന്പ​തു പേ​ർ ഒ​പ്പി​ട്ട അ​വി​ശ്വാ​സപ്ര​മേ​യം കൊ​ണ്ടു​വ​രു​മെ​ന്നും അ​ദ്ദേ​ഹം പ​റ​ഞ്ഞു.

ലോ​ക്സ​ഭ​യി​ൽ ടി​ഡി​പി​ക്ക് 16 എം​പി​മാ​രും വൈ​എ​സ്ആ​ർ കോ​ണ്‍ഗ്ര​സി​ന് ഒ​ന്പ​ത് എം​പി​മാ​രും ഉ​ണ്ട്. സ​ർ​ക്കാ​രി​നെ​തി​രാ​യ അ​വി​ശ്വാ​സ പ്ര​മേ​യ​ത്തി​നു പി​ന്തു​ണ ന​ൽ​കു​മെ​ന്ന് സി​പി​എം ജ​ന​റ​ൽ സെ​ക്ര​ട്ട​റി സീ​താ​റാം യെ​ച്ചൂ​രി​യും എം​പി മു​ഹ​മ്മ​ദ് സ​ലി​മും പ​റ​ഞ്ഞു. അ​വി​ശ്വാ​സ പ്ര​മേ​യ​ത്തി​ന് അ​നു​മ​തി ഒ​രു ത​വ​ണ അ​ഭ്യ​ർ​ഥി​ച്ച​ത​ല്ലാ​തെ ടി​ഡി​പി അം​ഗ​ങ്ങ​ൾ കാ​ര്യ​മാ​യ ശ്ര​മ​ങ്ങ​ൾ ന​ട​ത്തി​യി​ല്ല.