കോഴിക്കോട് എൻഐടി വിവാദം: ന്യൂനപക്ഷ കമ്മീഷൻ റിപ്പോർട്ട് തേടി : Deepika.com Kerala News |

Click here for detailed news of all items

കോഴിക്കോട് എൻഐടി വിവാദം: ന്യൂനപക്ഷ കമ്മീഷൻ റിപ്പോർട്ട് തേടി

Wednesday, April 17, 2024 4:55 AM IST

തിരുവനന്തപുരം: കോഴിക്കോട് നാഷണൽ ഇൻസ്റ്റിറ്റ്യൂട്ട് ഓഫ് ടെക്നോളജി (എൻഐടി) യുടെ വിവാദ നടപടികൾക്കെതിരേ സമർപ്പിച്ച ഹർജി ഫയലിൽ സ്വീകരിച്ച ന്യൂനപക്ഷ കമ്മീഷൻ എൻഐടി അധികൃതരോടു റിപ്പോർട്ട് തേടി. കേന്ദ്ര സർക്കാർ മാനവശേഷി വികസന മന്ത്രാലയത്തിനു കീഴിൽ കോഴിക്കോട് കുന്ദമംഗലത്ത് പ്രവർത്തിച്ചുവരുന്ന എൻഐടി സമീപകാലത്ത് സ്വീകരിച്ചുവരുന്ന പല നടപടികളും രാജ്യത്തിന്‍റെ പാരന്പര്യത്തിനും പൈതൃകത്തിനും നിരക്കാത്തതാണെന്നു ഹർജിയിൽ ചൂണ്ടിക്കാട്ടി.

എൻഐടിയുടെ ലൈബ്രറിയിൽനിന്നു മുസ്‌ലിം, ക്രിസ്ത്യൻ ഉൾപ്പെടെയുള്ള ന്യൂനപക്ഷ മതവിഭാഗങ്ങളുടെ വേദഗ്രന്ഥങ്ങളായ ഖുർആൻ, ബൈബിൾ എന്നിവയും അവയുടെ പരിഭാഷകളും ഒഴിവാക്കിയതിനെതിരേ ആവശ്യമായ നടപടികൾ കൈക്കൊള്ളണമെന്നു ഹർജിയിൽ ആവശ്യപ്പെട്ടു.

ഹർജി ഫയലിൽ സ്വീകരിച്ച കമ്മീഷൻ ചെയർമാൻ അഡ്വ. എ.എ. റഷീദ് എൻഐടി ഡയറക്ടർ, രജിസ്ട്രാർ, മാനവ വിഭവ ശേഷി മന്ത്രാലയം ഡയറക്ടർ ജനറൽ എന്നിവരോട് റിപ്പോർട്ട് തേടി. ഈ മാസം 29ന് തിരുവനന്തപുരത്ത് നടക്കുന്ന സിറ്റിംഗിൽ നേരിട്ട് ഹാജരായി റിപ്പോർട്ട് സമർപ്പിക്കാനാണ് കമ്മീഷൻ നിർദേശിച്ചിട്ടുള്ളത്.
തിരുവനന്തപുരം കൊഞ്ചിറവിള സ്വദേശി ഡോ. അൻവർ നാസർ സമർപ്പിച്ച ഹർജിയിന്മേലാണു കമ്മീഷൻ തുടർനടപടികൾ സ്വീകരിച്ചത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.