വയനാട്ടിൽ രാഹുൽഗാന്ധി മത്സരിക്കുന്നതു കോണ്‍ഗ്രസിനു രാഷ്‌ട്രീയ വ്യക്തത ഇല്ലാത്തതിനാൽ: ഡി. രാജ : Deepika.com Kerala News |

Click here for detailed news of all items

വയനാട്ടിൽ രാഹുൽഗാന്ധി മത്സരിക്കുന്നതു കോണ്‍ഗ്രസിനു രാഷ്‌ട്രീയ വ്യക്തത ഇല്ലാത്തതിനാൽ: ഡി. രാജ

Wednesday, April 17, 2024 5:16 AM IST

തിരുവനന്തപുരം: വയനാട്ടിൽ രാഹുൽ ഗാന്ധി മത്സരിക്കുന്നതു കോണ്‍ഗ്രസിനു രാഷ്‌ട്രീയ വ്യക്തതയില്ലാത്തതിനാലാണെന്നു സിപിഐ ജനറൽ സെക്രട്ടറി ഡി.രാജ. ജയമോ തോൽവിയോ അല്ല രാഷ്‌ട്രീയ നിലപാടാണു മുഖ്യം. ഇക്കാര്യത്തിൽ കോണ്‍ഗ്രസിന്‍റെ നിലപാടു തെറ്റാണ്.

ഇന്ത്യ മുന്നണിയുടെ ഭാഗമാണു സിപിഐ. രാഹുൽഗാന്ധിയോടു വയനാട്ടിൽ മത്സരിക്കുന്നതിനെ സംബന്ധിച്ചു ഞാൻ ചോദിച്ചതാണ്. എന്നാൽ പിന്നീട് അദ്ദേഹം സ്ഥാനാർഥിയാകുന്നതാണു കണ്ടത്. അതാണു കോണ്‍ഗ്രസെന്നും ഈ നിലപാട് ബിജെപിയെ സഹായിക്കാനേ ഉപകരിക്കൂവെന്നും അദ്ദേഹം പറഞ്ഞു. പത്രപ്രവർത്തക യൂണിയൻ സംഘടിപ്പിച്ച മീറ്റ് ദ പ്രസ് പരിപാടിയിൽ പങ്കെടുത്തു സംസാരിക്കുകയായിരുന്നു ഡി.രാജ.

ബിജെപിയെ തോൽപ്പിക്കുകയെന്നതാണു ഈ തെരഞ്ഞെടുപ്പിലെ പ്രധാന കാര്യം. ബിജെപി വീണ്ടും അധികാരത്തിൽ വന്നാൽ രാജ്യത്തിന്‍റെ ഭരണഘടനതന്നെ ഇല്ലാതാകുമെന്നും രാജ പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.