മാസപ്പടി: നിയമസഭാ ചോദ്യങ്ങൾക്ക് 80-ാം ദിവസവും മൗനം തുടർന്നു മുഖ്യമന്ത്രി : Deepika.com Kerala News |

Click here for detailed news of all items

മാസപ്പടി: നിയമസഭാ ചോദ്യങ്ങൾക്ക് 80-ാം ദിവസവും മൗനം തുടർന്നു മുഖ്യമന്ത്രി

Wednesday, April 17, 2024 5:30 AM IST
സ്വന്തം ലേഖകൻ

തിരുവനന്തപുരം: മകൾ വീണാ വിജയന്‍റെ എക്സാലോജിക് കന്പനിയുമായി ബന്ധപ്പെട്ടുയർന്ന മാസപ്പടിയുമായി ബന്ധപ്പെട്ടുള്ള നിയമസഭാ ചോദ്യങ്ങൾക്ക് 80-ാം ദിവസവും മറുപടി നൽകാതെ മുഖ്യമന്ത്രി പിണറായി വിജയൻ.

ചെയ്യാത്ത സേവനങ്ങൾക്ക് മുഖ്യമന്ത്രിയും മകളും കന്പനിയും സിഎംആർഎൽ കന്പനിയിൽനിന്ന് പണം വാങ്ങിയതിൽ വിജിലൻസ് പരാതി ലഭിച്ചിട്ടുണ്ടോ, പരാതിയിൽ കേസ് രജിസ്റ്റർ ചെയ്തിട്ടുണ്ടോ‍? മുഖ്യമന്ത്രിമായുള്ള ബന്ധത്തിന്‍റെ അടിസ്ഥാനത്തിലാണ് സിഎംആർഎൽ കന്പനി മകൾക്കും മകളുടെ കന്പനിക്കും ചെയ്യാത്ത സേവനങ്ങൾക്ക് പണം നൽകിയത് എന്ന് കന്പനി ഉദ്യോഗസ്ഥൻ മൊഴി നൽകിയത് ശ്രദ്ധയിൽപ്പെട്ടോ?, അഴിമതി നിരോധന നിയമത്തിന്‍റെ പരിധിയിൽ വരുന്ന പ്രസ്തുത പരാതിയിൽ കേസ് എടുക്കാത്തതിന്‍റെ കാരണം തുടങ്ങിയ ചോദ്യങ്ങളാണ് എംഎൽഎമാർ ചോദിച്ചിരിക്കുന്നത്.

അൻവർ സാദത്ത്, ഷാഫി പറന്പിൽ, റോജി എം. ജോണ്‍, മാത്യു കുഴൽനാടൻ, ഉമ തോമസ്, സണ്ണി ജോസഫ്, എം.വിൻസെന്‍റ്, കെ. ബാബു, കെ.കെ. രമ, ടി.സിദ്ദിഖ്, തിരുവഞ്ചൂർ രാധാകൃഷ്ണൻ എന്നീ യുഡിഎഫ് എംഎൽഎമാരാണ് ചോദ്യങ്ങൾ ഉന്നയിച്ചത്.

കഴിഞ്ഞ നിയമസഭാ സമ്മേളനം നടക്കവേ ജനുവരി 29നായിരുന്നു നിയമസഭ ചോദ്യം. ചട്ടപ്രകാരം നിയമസഭാ ചോദ്യങ്ങൾക്കുള്ള മറുപടി ചോദ്യത്തിന്‍റെ തലേദിവസം നൽകണം എന്നാണ്. എന്നാൽ, ഇന്നേവരെ മറുപടി നൽകിയിട്ടില്ലെന്നാണ് പ്രതിപക്ഷ എംഎൽഎമാർ ആരോപിക്കുന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.