ജ​ന​ങ്ങ​ൾ​ക്ക് വ​ല​ച്ചി​ൽ: സ്മാ​ർ​ട്ടാ​കാ​തെ ജ​ന​റ​ൽ ആ​ശു​പ​ത്രി- വ​ഞ്ചി​യൂ​ർ റോ​ഡ്
Friday, April 26, 2024 6:46 AM IST
തി​രു​വ​ന​ന്ത​പു​രം: ന​ഗ​ര​ത്തി​ലെ സ് മാ​ർ​ട്ട് സി​റ്റി പ​ദ്ധ​തി​യു​ടെ ഭാ​ഗ​മാ​യി ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ പൂ​ർ​ത്തീ​ക​രി​ച്ച് ഈ ​ആ​ഴ്ച തു​റ​ന്നു ന​ൽ​കു​മെ​ന്നു പ​റ​ഞ്ഞ ജ​ന​റ​ൽ ആ​ശു​പ​ത്രി-​വ​ഞ്ചി​യൂ​ർ റോ​ഡ് ഇ​തു​വ​രെ സ്മാ​ർ​ട്ടാ​യി​ല്ല.

മാ​സ​ങ്ങ​ളാ​യി ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന ഇ​വി​ടെ ആ​ദ്യ​ഘ​ട്ട ട്ടാ​റിം​ഗ് പൂ​ർ​ത്തി​യാ​യി​ട്ടി​ല്ല. നി​ല​വി​ൽ ടാ​റിം​ഗി​നു​ള്ള മെ​റ്റ​ൽ വി​രി​ച്ച് ക​ഴി​ഞ്ഞി​ട്ടു​ണ്ടെ​ങ്കി​ലും കേ​ബി​ളു​ക​ൾ ഡെ​ക്കി​ലൂ​ടെ ഇ​റ​ക്കു​ന്ന പ്ര​വ​ർ​ത്ത​ന​ങ്ങ​ൾ പൂ​ർ​ണ​മാ​യി​ട്ടി​ല്ല.

ആ​ശു​പ​ത്രി​ക​ളും, സ്കൂ​ളു​ക​ളും, വ​ഞ്ചി​യൂ​ർ കോ​ട​തി​യും പ്ര​വ​ർ​ത്തി​ക്കു​ന്ന ഈ ​ഭാ​ഗ​ത്തേ​ക്ക് സു​ഖ​മാ​യി യാ​ത്ര ചെ​യ്യാ​ൻ ക​ഴി​യാ​തെ ജ​ന​ങ്ങ​ൾ വ​ല​യു​ക​യാ​ണ്. പ്ര​വ​ർ​ത്ത​ന​ങ്ങ​ൾ​ക്കി​ട​യി​ൽ പ​ല​പ്പോ​ഴും പൈപ്പ് ലൈനു​ക​ൾ പൊ​ട്ടി ജ​ലം ഒ​ഴു​കു​ന്ന​ത് കാ​ൽ​ന​ട യാ​ത്ര​ക്കാ​ർ​ക്കും ബു​ദ്ധി​മു​ട്ട് ഉ​ണ്ടാ​ക്കു​ന്നു.

ദി​നംപ്ര​തി നി​ര​വ​ധി ഓ​ട്ടം കി​ട്ടി​യി​രു​ന്ന റോ​ഡി​ലൂ​ടെ ഓ​ട്ടോ​റി​ക്ഷ​ക​ൾ​ക്ക് യാ​ത്ര​ചെ​യ്യാ​ൻ ക​ഴി​യാ​താ​യ​തോ​ടെ ബു​ദ്ധി​മു​ട്ടി​ലാ​യ​ത് നി​ര​വ​ധി ഓ​ട്ടോ തൊ​ഴി​ലാ​ളി​ക​ളാ​ണ്. പ്ര​ദേ​ശ​ത്തെ വ്യാ​പാ​ര സ്ഥാ​പ​ന​ങ്ങ​ളു​ടെ പ​ടി​ക്കെ​ട്ടു​ക​ൾ അ​ട​ക്കം പൊ​ള്ളി​ച്ചി​ട്ട അ​വ​സ്ഥ​യി​ൽ വ്യാ​പാ​രി​ക​ളു​ടെ ക​ച്ച​വ​ട​വും പ്ര​തി​സ​ന്ധി​യി​ലാ​യി.

ഏ​പ്രി​ൽ മാ​സ​ത്തോ​ടെ ന​ഗ​ര​ത്തി​ലെ റോ​ഡു​ക​ളു​ടെ ന​വീ​ക​ര​ണം പൂ​ർ​ത്തി​യാ​ക്കു​മെ​ന്നാ​യി​രു​ന്നു അ​ധി​കൃ​ത​രു​ടെ അ​റി​യി​പ്പ്. ഇ​തി​നി​ട​യി​ൽ സ്റ്റാ​ച്യൂ-​ജ​ന​റ​ൽ ആ​ശു​പ​ത്രി റോ​ഡ്, നോ​ർ​ക്കെ റോ​ഡ് തു​ട​ങ്ങി​യ പ്ര​ധാ​ന റോ​ഡു​ക​ൾ തു​റ​ന്നു ന​ൽ​കി​യി​രു​ന്നു. എ​ന്നാ​ൽ മ​റ്റു പ​ല റോ​ഡു​ക​ളു​ടെ​യും പ്ര​വ​ർ​ത്ത​ന​ങ്ങ​ൾ ഇ​തു​വ​രെ പൂ​ർ​ത്തി​യാ​യി​ട്ടി​ല്ല.

ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ​ക്കി​ടെ പൈ​പ്പ് ലൈ​നു​ക​ൾ​ക്കു ത​ക​രാ​ർ സം​ഭ​വി​ക്കു​ന്ന​തി​നാ​ൽ കു​ടി​വെ​ള്ളം മു​ട​ങ്ങു​ന്ന​തും നി​ത്യ​സം​ഭ​വ​മാ​യി. ജ​ന​റ​ൽ ആ​ശു​പ​ത്രി-​വ​ഞ്ചി​യൂ​ർ റോ​ഡി​ൽ കേ​ബി​ൾ സ്ഥാ​പി​ക്കു​ന്ന പ്ര​വ​ർ​ത്ത​ന​ങ്ങ​ൾ ഉ​ട​ൻ പൂ​ർ​ത്തി​യാ​കു​മെ​ന്നും ഇ​തോ​ടൊ​പ്പം ആ​ദ്യ​ഘ​ട്ട ട്ടാ​റിം​ഗ് ആ​രം​ഭി​ക്കു​മെ​ന്നാ​ണ് അ​ധി​കൃ​ത​രു​ടെ അ​റി​യി​പ്പ്.

Copyright @ 2022 , Rashtra Deepika Ltd.