പോ​രാ​ട്ടം മു​റു​കി; മു​ന്ന​ണി​ക​ൾ ര​ണ്ടാംഘ​ട്ട പ്ര​ചാ​ര​ണ​ത്തി​ൽ
Wednesday, March 27, 2024 11:56 PM IST
കാ​യം​കു​ളം: ആ​ല​പ്പു​ഴ ലോ​ക്സ​ഭാ മ​ണ്ഡ​ല​ത്തി​ൽ പോ​രാ​ട്ടം മു​റു​കി.​ മ​ണ്ഡ​ല​ത്തി​ലെ പ്ര​മു​ഖ വ്യ​ക്തി​ക​ളെ നേ​രി​ൽ ക​ണ്ടും ആ​രാ​ധ​ന​ലാ​ല​യ​ങ്ങ​ൾ സ​ന്ദ​ർ​ശി​ച്ച് അ​നു​ഗ്ര​ഹം വാ​ങ്ങി​യും റോ​ഡ് ഷോ ​ന​ട​ത്തി​യും സ്ഥാ​നാ​ർ​ഥിക​ൾ ത​ങ്ങ​ളു​ടെ ഒ​ന്നാം ഘ​ട്ട പ്ര​ചാ​ര​ണ​ത്തി​നു തു​ട​ക്കം കു​റി​ച്ചെ​ങ്കി​ൽ ഇ​പ്പോ​ൾ മ​ണ്ഡ​ല അ​ടി​സ്ഥാ​ന​ത്തി​ൽ സ്വീ​ക​ര​ണ പ​രി​പാ​ടി​ക​ളോ​ടെ ര​ണ്ടാം ഘ​ട്ട പ്ര​ചാ​ര​ണ​ത്തി​ലേ​ക്കു ക​ട​ന്നി​രി​ക്കു​ക​യാ​ണ്. കൊ​ടും​ചൂ​ടി​ലും ആ​വേ​ശ​മാ​യി മ​ണ്ഡ​ലം ത​ല ക​ൺ​വ​ൻ​ഷ​നു​ക​ളും പൂ​ർ​ത്തി​യാ​യിവ​രി​ക​യാ​ണ്.

യു​ഡി​എ​ഫ് സ്ഥാ​നാ​ർ​ഥി കെ. ​സി. വേ​ണു​ഗോ​പാ​ലി​ന്‍റെ വ​ര​വോ​ടെ ആ​ല​പ്പു​ഴ ദേ​ശീ​യ ശ്ര​ദ്ധ ആ​ക​ർ​ഷി​ച്ചി​രി​ക്കു​ക​യാ​ണ്.​ ഇ​ന്ന​ലെ നേ​രി​ട്ടു​ള്ള പ്ര​ചാ​ര​ണ​ത്തി​ന് ഇ​ട​വേ​ള ന​ൽ​കി കെ.സി. വേ​ണു​ഗോ​പാ​ൽ ഡ​ൽ​ഹി​യി​ലേ​ക്കു പോ​യി. ഇ​ന്ത്യ മ​ഹാ​സ​ഖ്യം ഡ​ൽ​ഹി​യി​ൽ 31ന് ​ന​ട​ത്തു​ന്ന റാ​ലി​യു​ടെ വി​ല​യി​രു​ത്ത​ലി​നാ​ണ് അ​ദ്ദേ​ഹം പോ​യ​ത്.​ ആ​ല​പ്പു​ഴ​യു​ടെ കാ​മ്പ​സു​ക​ളി​ൽ ആ​വേ​ശം പ​ക​ർ​ന്ന് ക​ഴി​ഞ്ഞദി​വ​സം അ​ദ്ദേ​ഹം പ​ര്യ​ട​നം ന​ട​ത്തി. സ്ഥാ​നാ​ർ​ഥിയു​ടെ പ​ര്യ​ട​ന​വും യോ​ഗ​ങ്ങ​ളു​മൊ​ക്കെ​യാ​യി ഒ​ന്നാം ഘ​ട്ട പ്ര​ചാ​ര​ണ​ത്തി​ന്‍റെ അ​വ​സാ​ന ഘ​ട്ട​ത്തി​ലാ​ണ് യു​ഡി​എ​ഫ്. കൈ​വി​ട്ട ആ​ല​പ്പു​ഴ ഇ​ത്ത​വ​ണ കൈ​പ്പി​ടി​യി​ലൊതു​ക്കും എ​ന്ന ദൃ​ഢ നി​ശ്ച​യ​ത്തി​ലാ​ണ് യു​ഡി​എ​ഫ് പ്ര​ചാ​ര​ണം ന​ട​ത്തു​ന്ന​ത്.

എ​ൽ​ഡി​എ​ഫ് സ്ഥാ​നാ​ർ​ഥി സി​റ്റിം​ഗ് എംപിയായ എ.​എം. ആ​രി​ഫ് പ്ര​ചാ​ര​ണരം​ഗ​ത്ത് ഒ​രുപ​ടി മു​ന്നി​ലാ​ണ്. എ​ൽ​ഡി​എ​ഫ് ര​ണ്ടാം ഘ​ട്ട പ്ര​ചാ​ര​ണ​ത്തി​നു തു​ട​ക്കം കു​റി​ച്ചി​രി​ക്കു​ക​യാ​ണ്.​ ക​ഴി​ഞ്ഞ അ​ഞ്ചു​വ​ർ​ഷം മ​ണ്ഡ​ല​ത്തി​ൽ ന​ട​പ്പി​ലാ​ക്കി​യ വി​ക​സ​ന തു​ട​ർ​ച്ച​യ്ക്ക് വോ​ട്ട് അ​ഭ്യ​ർ​ഥിച്ചാ​ണ് ആ​രി​ഫ് പ്ര​ചാ​ര​ണരം​ഗ​ത്ത് ആ​വേ​ശം പ​ക​രു​ന്ന​ത്.​ മ​ണ്ഡ​ലം ത​ല സ്വീ​ക​ര​ണ പ​രി​പാ​ടി​ക്കും എ​ൽ​ഡി​എ​ഫ് തു​ട​ക്കം കു​റി​ച്ചി​ട്ടു​ണ്ട്.​ ഇ​ന്ന​ലെ ഹ​രി​പ്പാ​ട് മ​ണ്ഡ​ല​ത്തി​ലാ​യി​രു​ന്നു ആ​രി​ഫി​ന്‍റെ സ്വീ​ക​ര​ണ പ​രി​പാ​ടി.​ ആ​ല​പ്പു​ഴ​യു​ടെ ആ​രി​ഫ് എ​ന്നും കൂ​ടെ​യു​ണ്ടാ​കും അ​രി​കി​ലു​ണ്ട് ആ​രി​ഫ് എ​ന്ന ഉ​റ​പ്പാ​ണ് എ​ൽ​ഡി​എ​ഫ് പ്ര​ചാ​ര​ണ​ത്തി​നു ന​ൽ​കു​ന്ന​ത്.​ ഹ​രി​പ്പാ​ട് മ​ണ്ഡ​ല​ത്തി​ലെ സ്വീ​ക​ര​ണ പ​രി​പാ​ടി സി​പി​എം നേ​താ​വും മു​ൻ മ​ന്ത്രി​യു​മാ​യ ജി. ​സു​ധാ​ക​ര​ൻ ഉ​ദ്‌​ഘാ​ട​നം ചെ​യ്തു.

എ​ൻ​ഡി​എ സ്ഥാ​നാ​ർഥി ശോ​ഭ സു​രേ​ന്ദ്ര​നും മ​ണ്ഡ​ല​ത്തി​ൽ പ്ര​ചാ​ര​ണരം​ഗ​ത്ത് ശ​ക്ത​മാ​യി മു​ന്നോ​ട്ട് പോ​കു​ക​യാ​ണ്.​

വ​നി​താ വോ​ട്ട​ർ​മാ​രി​ൽ പ്ര​തീ​ക്ഷ അ​ർ​പ്പി​ച്ചു​ള്ള പ്ര​ചാ​ര​ണ​വും എ​ൻ​ഡി​എ ന​ട​ത്തു​ന്നു​ണ്ട്.​ക​ഴി​ഞ്ഞ ദി​വ​സം ശോ​ഭ സു​രേ​ന്ദ്ര​ൻ കാ​യം​കു​ള​ത്ത് റോ​ഡ് ഷോ ​ന​ട​ത്തി​യി​രു​ന്നു. ​മോ​ദി സ​ർ​ക്കാ​രി​ന്‍റെ വി​ക​സ​ന പ​ദ്ധ​തി​ക​ൾ എ​ണ്ണിപ്പറ​ഞ്ഞാ​ണ് ശോ​ഭ സു​രേ​ന്ദ്ര​ൻ പ്ര​ചാ​ര​ണരം​ഗ​ത്ത് മു​ന്നേ​റു​ന്ന​ത്.​ മു​ന്ന​ണി സ്ഥാ​നാ​ർ​ഥിക​ൾ​ക്കൊ​പ്പം എ​ൻഡി​എയും ​പ്ര​ചാ​ര​ണരം​ത്ത് സ​ജീ​വമാ​യ​തോ​ടെ ആ​ല​പ്പു​ഴ ലോ​ക്സ​ഭാ മ​ണ്ഡ​ല​ത്തി​ൽ വാ​ശി​യേ​റി​യ പോ​രാ​ട്ട​ത്തി​നുക​ളം ഒ​രു​ങ്ങു​മെ​ന്ന് ഉ​റ​പ്പാ​യി.

Copyright @ 2022 , Rashtra Deepika Ltd.