ഞാ​ങ്ക​ക്ക് മേ​ണ്ട​ത് പൂ​മീം പെ​രേം.... : അ​മ്പ​ര​ന്ന് ന്യാ​യാ​ധി​പ​നും സം​ഘ​വും
Friday, May 10, 2024 5:31 AM IST
മ​ഞ്ചേ​രി: ""പൂ​മീം പൊ​രേം കി​ട്ട്യാ​ല് ഞാ​ങ്ക​ള് ഈ ​ഗു​ഹേ​ന്ന് എ​റ​ങ്ങും സാ​റേ ....'' അ​മ​ര​മ്പ​ലം പ​ഞ്ചാ​യ​ത്തി​ലെ അ​ച്ഛ​ന​ളം കോ​ള​നി​യി​ലെ മാ​ത​ന്‍റെ വാ​ക്കു​ക​ളി​ല്‍ കോ​ള​നി സ​ന്ദ​ര്‍​ശി​ച്ച ന്യാ​യാ​ധി​പ​നും സം​ഘ​വും അ​മ്പ​ര​ന്നു.

ഗോ​ത്ര​നീ​തി പ​ദ്ധ​തി​യു​ടെ ഭാ​ഗ​മാ​യി ഇ​ന്ന​ലെ കോ​ള​നി​യി​ലെ​ത്തി​യ ജി​ല്ലാ ലീ​ഗ​ല്‍ സ​ര്‍​വീ​സ​സ് അ​ഥോ​റി​റ്റി സെ​ക്ര​ട്ട​റി​യും സ​ബ് ജ​ഡ്ജു​മാ​യ എം.​ഷാ​ബി​ര്‍ ഇ​ബ്രാ​ഹി​മും സം​ഘ​വു​മാ​ണ് ഗു​ഹാ​വാ​സി​ക​ളു​ടെ ദു​രി​ത​ജീ​വി​തം നേ​രി​ല്‍​ക​ണ്ട് അ​മ്പ​ര​ന്നു പോ​യ​ത്.

എ​ട്ടു കു​ടും​ബ​ങ്ങ​ളി​ലാ​യി 23 പേ​രാ​ണ് ഇ​വി​ടെ ഇ​ന്നും ഗു​ഹാ​വാ​സി​ക​ളാ​യി ക​ഴി​യു​ന്ന​ത്. ഒ​രു ഗു​ഹ​യി​ല്‍ മാ​ത​നും മ​ക​ന്‍ കാ​ട​നും ഭാ​ര്യ​യും ര​ണ്ടു കു​ട്ടി​ക​ളു​മാ​ണ് താ​മ​സി​ക്കു​ന്ന​ത്. വ​നാ​വ​കാ​ശ നി​യ​മ​പ്ര​കാ​രം ടി.​കെ.​കോ​ള​നി​യി​ല്‍ ഭൂ​മി​യും വീ​ടും ല​ഭി​ച്ചാ​ല്‍ ഗു​ഹാ​വാ​സം അ​വ​സാ​നി​പ്പി​ക്കാ​ന്‍ അ​വ​ര്‍ ആ​ഗ്ര​ഹം പ്ര​ക​ടി​പ്പി​ച്ച​താ​യി സ​ബ് ജ​ഡ്ജ് പ​റ​ഞ്ഞു.

ചോ​ല​നാ​യ്ക്ക​ര്‍ വി​ഭാ​ഗ​ത്തി​ല്‍​പെ​ട്ട ഈ ​കു​ടും​ബ​ങ്ങ​ള്‍​ക്ക് ആ​വ​ശ്യ​മാ​യ സ​ഹാ​യം ല​ഭ്യ​മാ​ക്കു​മെ​ന്ന് ജ​ഡ്ജ് അ​വ​ര്‍​ക്ക് ഉ​റ​പ്പു ന​ല്‍​കി. ടി.​കെ.​കോ​ള​നി​യി​ല്‍ നി​ന്നും ഉ​ള്‍​വ​ന​ത്തി​ലൂ​ടെ എ​ട്ടു കി​ലോ​മീ​റ്റ​ര്‍ ന​ട​ന്ന് ചെ​ങ്കു​ത്താ​യ മ​ല ക​യ​റി​യാ​ണ് സം​ഘാം​ഗ​ങ്ങ​ള്‍ ഗു​ഹാ​വാ​സി​ക​ളു​ടെ ജീ​വി​തം അ​ടു​ത്ത​റി​ഞ്ഞ​ത്.

പൂ​ക്കോ​ട്ടും​പാ​ടം ഐ​സി​സി ക്ല​ബു​ക​ളു​ടെ സ​ഹാ​യ​ത്തോ​ടെ ടാ​ര്‍​പോ​ളി​ന്‍ ഷീ​റ്റ്, പാ​യ, പു​ത​പ്പ് എ​ന്നി​വ കു​ടും​ബ​ങ്ങ​ള്‍​ക്ക് ന​ല്‍​കി. നി​ല​മ്പൂ​ര്‍ താ​ലൂ​ക്ക് ലീ​ഗ​ല്‍ സ​ര്‍​വീ​സ​സ് ക​മ്മി​റ്റി സെ​ക്ര​ട്ട​റി സു​മി​ത, പാ​രാ​ലീ​ഗ​ല്‍ വോ​ള​ണ്ടി​യ​റാ​യ ടി.​കെ.​ഷീ​ബ, ഐ​സി​സി ക്ല​ബ് ഭാ​ര​വാ​ഹി​ക​ള്‍, പോ​ലീ​സ്, വ​നം​വ​കു​പ്പ് ഉ​ദ്യോ​ഗ​സ്ഥ​ര്‍ എ​ന്നി​വ​രും സം​ഘ​ത്തി​ലു​ണ്ടാ​യി​രു​ന്നു.

ജി​ല്ല​യി​ല്‍ ഒ​രു വ​ര്‍​ഷം കൊ​ണ്ട് ന​ട​പ്പാ​ക്കു​ന്ന ഗോ​ത്ര​നീ​തി പ​ദ്ധ​തി​യു​ടെ ഭാ​ഗ​മാ​യു​ള്ള സേ​വ​ന പ്ര​വ​ര്‍​ത്ത​ന​ങ്ങ​ള്‍ വ​രും ദി​വ​സ​ങ്ങ​ളി​ല്‍ തു​ട​രും.

Copyright @ 2022 , Rashtra Deepika Ltd.