കെ​എ​സ്ആ​ര്‍​ടി​സി ചെ​ങ്ങ​ന്നൂ​ര്‍ ഡി​പ്പോ​പ്ര​വ​ര്‍​ത്ത​നം ജീ​ര്‍​ണി​ച്ച കെ​ട്ടി​ട​ത്തി​ല്‍
Monday, May 6, 2024 11:45 PM IST
ചെ​ങ്ങ​ന്നൂ​ര്‍: കെ​എ​സ്ആ​ര്‍​ടി​സി ഡി​പ്പോ​യു​ടെ ജീ​ര്‍​ണാ​വ​സ്ഥ​യി​ലാ​യ കെ​ട്ടി​ട​ത്തി​ന്‍റെ ഓ​രോ ഭാ​ഗ​ത്തെ​യും കോ​ണ്‍​ക്രീ​റ്റ് ഭാ​ഗ​ങ്ങ​ള്‍ നാ​ള്‍​ക്കു​നാ​ള്‍ അ​ട​ര്‍​ന്നു വീ​ഴു​മ്പോ​ഴും അ​പ​ക​ടം മു​ന്നി​ല്‍ ക​ണ്ട് ജോ​ലി ചെ​യ്യേ​ണ്ട ഗ​തി​കേ​ടി​ലാ​ണ് ജീ​വ​ന​ക്കാ​ര്‍.

ഇ​വി​ടെ വി​ശ്ര​മ​മു​റി ഉ​പ​യോ​ഗി​ക്കു​ന്ന യാ​ത്ര​ക്കാ​രു​ടെ സ്ഥി​തി​യും വ്യ​ത്യ​സ്ത​മ​ല്ല. അ​ട​ര്‍​ന്നു​വീ​ഴു​ന്ന കോ​ണ്‍​ക്രീ​റ്റ് പാ​ളി​ക​ള്‍ ത​ല​യി​ല്‍ വീ​ഴാ​തെ നൂ​റു​ക​ണ​ക്കി​നു യാ​ത്ര​ക്കാ​ര്‍ ഭാ​ഗ്യം കൊ​ണ്ട് മാ​ത്ര​മാ​ണ് ര​ക്ഷ​പ്പെ​ടു​ന്ന​ത്. 2.17 കോ​ടി രൂ​പ ചെ​ല​വ​ഴി​ച്ചു നി​ര്‍​മി​ച്ച ഗാ​രേജ് കം ​ഓ​ഫീസ് കോം​പ്ല​ക്സ് നോ​ക്കു​കു​ത്തി​യാ​യി കി​ട​ക്കു​മ്പോ​ഴാ​ണു ജീ​വ​ന​ക്കാ​ര്‍ ഇ​ങ്ങ​നെ ഭീ​തി​ത​രാ​യി ജോ​ലി ചെ​യ്യു​ന്ന​ത്.

ക​ഴി​ഞ്ഞദി​വ​സം അ​ര്‍​ധ​രാ​ത്രി​യോ​ടെ മേ​ല്‍​ക്കൂ​ര​യി​ല്‍​നി​ന്ന് ഭാ​ര​മു​ള്ള കോ​ണ്‍​ക്രീ​റ്റ് ക​ഷ​ണ​ങ്ങ​ള്‍ അ​ട​ര്‍​ന്നു​വീ​ണെ​ങ്കി​ലും ആ​ര്‍​ക്കും പ​രു​ക്കേ​ല്‍​ക്കാ​തെ ര​ക്ഷ​പ്പെ​ടു​ക​യാ​യി​രു​ന്നു. കെ​ട്ടി​ട​ത്തോ​ടു ചേ​ര്‍​ന്ന് മു​ന്‍​വ​ശം എം​സി റോ​ഡ​രി​കി​ല്‍ പാ​ര്‍​ക്ക് ചെ​യ്യു​ന്ന ഓ​ട്ടോ തൊ​ഴി​ലാ​ളി​ക​ളും അ​പ​ക​ട മു​ന​മ്പി​ലാ​ണ്. ശ​ബ​രി​മ​ല തീ​ര്‍​ഥാ​ട​ന കാ​ല​ത്തും മ​ല​യാ​ള മാ​സ പൂ​ജ​യ്ക്കും എ​ണ്ണ​മ​റ്റ തീ​ര്‍​ഥാ​ട​ക​രാ​ണു ചെ​ങ്ങ​ന്നൂ​ര്‍ ഡി​പ്പോ​യി​ല്‍ എ​ത്തു​ന്ന​ത്.

നാ​ള്‍​ക്കു​നാ​ള്‍ ഇ​ടി​ഞ്ഞുവീ​ണു കൊ​ണ്ടി​രി​ക്കു​ന്ന പ​ഴ​യ കെ​ട്ടി​ട​ത്തി​ല്‍ ജീ​വ​ന്‍ പ​ണ​യം വ​ച്ചാ​ണ് ജീ​വ​ന​ക്കാ​ര്‍ പ​ണി​യെ​ക്കു​ന്ന​ത്. ഓ​ഫി​സ് കം ​ഗാ​രേ​ജ് സ​മു​ച്ച​യ​ത്തി​ന്‍റെ മു​ക​ള്‍ നി​ല ഓ​ഫീ​സി​നാ​യി നി​ര്‍​മി​ച്ച​താ​ണ്. ഇ​ലക്‌ട്രി ക്ക​ല്‍ ജോ​ലി​ക​ള്‍ പൂ​ര്‍​ത്തി​യാ​ക്കി​യ​ത് ഇ​ക്ക​ഴി​ഞ്ഞ സെ​പ്റ്റം​ബ​റി​ലാ​ണ്. എ​ങ്കി​ലും കം​പ്ലീ​ഷ​ന്‍ സ​ര്‍​ട്ടി​ഫി​ക്ക​റ്റ് ന​ല്‍​കാ​ത്ത​തി​നാ​ല്‍ കെ​ട്ടി​ട​ന​മ്പ​റായി​ല്ല. വൈ​ദ്യു​തി ക​ണ​ക്ഷ​നും കെ​ട്ടി​ട​ത്തി​ല്‍ ആ​യി​ട്ടി​ല്ല. ഇ​താ​ണ് ഓ​ഫീ​സ് മാ​റ്റ​ത്തി​നു ത​ട​സ​ങ്ങ​ളാ​യി അ​ധി​കൃ​ത​ര്‍ പ​റ​യു​ന്ന​ത്.

Copyright @ 2022 , Rashtra Deepika Ltd.