അമ്പാറനിരപ്പേൽ: കണിയാംപടിക്കൽ കുടുംബയോഗം 25-ാമത് വാർഷിക സമ്മേളനം ഇന്ന് പരേതനായ പ്രഫ. കെ.സി. ജോർജ് കണിയാംപടി ആലപ്പുഴ കുടുംബാഗങ്ങളുടെ ആതിഥേയത്വത്തിൽ നടക്കും. രാവിലെ ഒന്പതിന് ആലപ്പുഴ ചക്കരക്കടവ് സെന്റ് ജോർജ് പള്ളിയിൽ നടക്കുന്ന സമുഹബലിയോടെ കുടുംബയോഗത്തിന് തുടക്കം കുറിക്കും. തുടർന്ന് രാവിലെ 10.30 ന് കാൻലോട്ട് കൺവൻഷൻ സെന്ററിൽ കുടുംബയോഗം പ്രസിഡന്റ് ഫാ. ഏബ്രഹാം കണിയാംപടിയുടെ അധ്യക്ഷതയിൽ നടക്കുന്ന സിൽവർ ജൂബിലി സമ്മേളനം ചങ്ങനാശേരി രൂപത വികാരി ജനറാൾ ഫാ. ജോസഫ് വാണിയപ്പുരയ്ക്കൽ ഉദ്ഘാടനം ചെയ്യും. ചക്കരക്കടവ് പള്ളി വികാരി ഫാ. ജോബിൻ തൈപ്പറമ്പിൽ മുഖ്യപ്രഭാഷണം നടത്തും. ജൂബിലി ആഘോഷത്തിന്റെ ഭാഗമായി പ്രതിഭകളെ ആദരിക്കൽ, ഉന്നത വിജയം നേടിയവർക്ക് അവാർഡ്ദാനം, ചികിത്സാ സഹായഫണ്ട് വിതരണം എന്നിവയും നടക്കും.
പ്രവിത്താനം: തുടിയന്പ്ലാക്കല് കുടുംബയോഗം 28-ാമത് വാര്ഷിക പൊതുയോഗം ഇന്ന് രാവിലെ എട്ടിന് പ്രവിത്താനം ഫൊറോന പള്ളിയിൽ വിശുദ്ധ കുര്ബാനയോടെ ആരംഭിക്കും. തുടര്ന്ന് പ്രസിഡന്റ് ജോസ് ഏബ്രഹാമിന്റെ വസതിയില് നടക്കുന്ന സമ്മേളനം മാര് ജോസഫ് കൊല്ലംപറമ്പില് ഉദ്ഘാടനം ചെയ്യും. പ്രവിത്താനം ഫൊറോന വികാരി ഫാ. ജോര്ജ് വേളൂപ്പറമ്പില്, ഫാ. കുരുവിള തുടിയന്പ്ലാക്കല്, ഫാ. ജോസഫ് ചെറുകരക്കുന്നേല്, ജിസ്മോന് ജോസ്, നിര്മല ജോയി തുടങ്ങിയവര് പ്രസംഗിക്കും.
മണിയംകുന്ന്: ഓലിക്കൽ കുടുംബസംഗമം ഇന്ന് മണിയംകുന്ന് തിരുഹൃദയ പാരിഷ്ഹാളിൽ നടക്കും. രാവിലെ 9.30ന് വിശുദ്ധ കുർബാന. തുടർന്ന് കുടുംബയോഗം രക്ഷാധികാരി ഫാ. തോമസ് ഓലിക്കൽ എംഎസ്എഫ്എസിന്റെ അധ്യക്ഷതയിൽ ചേരുന്ന സമ്മേളനം ഒ.ജെ. സെബാസ്റ്റ്യൻ ഓലിക്കൽ ഉദ്ഘാടനം ചെയ്യും. കുടുംബയോഗം പ്രസിഡന്റ് ഫാ. മാത്യു ഓലിക്കൽ, മണിയംകുന്ന് തിരുഹൃദയ പള്ളി വികാരി ഫാ. ജോർജ് തെരുവിൽ, കുഞ്ഞുമോൻ ഓലിക്കൽ, തങ്കച്ചൻ ഓലിക്കൽ, സിസ്റ്റർ വന്ദന ഓലിക്കൽ എസ്എംഎസ്, ഔസേപ്പച്ചൻ ഓലിക്കൽ, മാത്തുക്കുട്ടി ഓലിക്കൽ, ജോർജുകുട്ടി താഴത്തുവീട്ടിൽ, സണ്ണി ഓലിക്കൽ തുടങ്ങിയവർ പ്രസംഗിക്കും.
തൊടുപുഴ: അരഞ്ഞാണി കുടുംബയോഗ വാര്ഷികം ഇന്നു രാവിലെ എട്ടിന് പൈങ്ങോട്ടൂര് സെന്റ് ആന്റണീസ് ഫൊറോന പള്ളിയില് വിശുദ്ധ കുര്ബാനയോടെ ആരംഭിക്കും. തുടര്ന്നു പൂവത്തുങ്കല് കുര്യാക്കോസ് മെമ്മോറിയല് ഓഡിറ്റോറിയത്തില് നടക്കുന്ന പൊതുസമ്മേളനം വികാരി ഫാ. ജയിംസ് വരാരപ്പിള്ളി ഉദ്ഘാടനം ചെയ്യും. കുടുംബയോഗം പ്രസിഡന്റ് സണ്ണി അഗസ്റ്റിന് അധ്യക്ഷത വഹിക്കും. രക്ഷാധികാരി ഫാ. അഗസ്റ്റിന് അരഞ്ഞാണിപുത്തന്പുര അനുഗ്രഹപ്രഭാഷണം നടത്തും. ഫാ. തോമസ് പറയിടം ബൈബിള് പ്രതിഷ്ഠ നടത്തും. ഫാ. ജോണ് പുതുമന, അഡ്വ. ചാള്സ് വി. പോള്, ജീസണ് ജോസഫ്, സിറിയക് മാത്യു, കെ.ജെ. അഗസ്റ്റിന്, സിസ്റ്റര് ലീമ സിഎംസി, ഏബ്രഹാം മാത്യു, എ.ഒ. പൈലി, അഡ്വ.ജോണി വരിക്കാനി, ജോര്ഡിന് കുര്യാക്കോസ്, ജോസഫ് ജയിംസ്, ജോയി കളത്തില്, പൗളി പുത്തന്വാട്ടപ്പിള്ളില് എന്നിവര് പ്രസംഗിക്കും.