ഏ​​ഷ്യ​​ൻ മേ​​ഖ​​ല​​യി​​ലെ പ്ര​​മു​​ഖ റ​​ബ​​ർ ഉ​​ത്പാ​​ദ​​ക രാ​​ജ്യ​​ങ്ങ​​ൾ ടാ​​പ്പിം​ഗ് സീ​​സ​​ണി​​നു​​ള്ള ത​​യാ​​റെ​​ടു​​പ്പി​​ൽ, ഉ​ത്പാ​​ദ​​ക​​രി​​ൽ ആ​​വേ​​ശം ജ​​നി​​പ്പി​​ക്കാ​​ൻ ഊ​​ഹ​​ക്ക​​ച്ച​​വ​​ട​​ക്കാ​​ർ മു​​ൻ​നി​​ര അ​​വ​​ധി വ്യാ​​പാ​​ര കേ​​ന്ദ്ര​​ങ്ങ​​ളി​​ൽ വാ​​ങ്ങ​​ലു​​കാ​​രു​​ടെ മേ​​ല​​ങ്കി അ​​ണി​​ഞ്ഞു. ഇ​​ന്ത്യ​​ൻ റ​​ബ​​റി​​ന് 199ലെ ​​പ്ര​​തി​​രോ​​ധം ബാ​​ലി​​കേ​​റാമ​​ല​​യാ​​യി. കു​​രു​​മു​​ള​​ക് റി​ക്കാ​​ർ​​ഡ് കു​​തി​​പ്പി​​ന് ശേ​​ഷ​​മു​​ള്ള സാ​​ങ്കേ​​തി​​ക തി​​രു​​ത്ത​​ലി​​ൽ. ത​​മി​​ഴ്നാ​​ട്ടി​​ൽ നാ​​ളി​​കേ​​ര വി​​ള​​വെ​​ടു​​പ്പ് ഊ​​ർ​​ജി​​തം, കൊ​​പ്ര വി​​ല ഇ​​ടി​​ഞ്ഞു. ആ​​ഭ​​ര​​ണ വി​​പ​​ണി​​ക​​ളി​​ൽ സ്വ​​ർ​​ണ വി​​ല കു​​റ​​ഞ്ഞു.

താ​യ്‌​ല​​ൻ​​ഡ്, ഇ​​ന്തോ​​നേ​​ഷ്യ, മ​​ലേ​​ഷ്യ​​ൻ സ​ഖ്യം അ​​നു​​കൂ​​ല കാ​​ലാ​​വ​​സ്ഥ മു​​ന്നി​​ൽ ക​​ണ്ട് റ​​ബ​​ർ ടാ​​പ്പിം​ഗി​​നു​​ള്ള ഒ​​രു​​ക്ക​​ത്തി​​ലാ​​ണ്. കാ​​ര്യ​​ങ്ങ​​ൾ അ​​വ​​രു​​ടെ വ​​ഴി​​ക്ക് വ​​രി​​ക​​യാ​​ണെ​​ങ്കി​​ൽ മാ​​സ​​ത്തി​​ന്‍റെ ര​​ണ്ടാം പ​​കു​​തി​​യി​​ൽ പു​​തി​​യ ച​​ര​​ക്ക് വാ​​ഗ്ദാ​​നം ചെ​​യ്യും. നി​​ല​​വി​​ൽ ഉ​​ത്​​പാ​​ദ​​ക​​ർ​​ക്ക് ആ​​വേ​​ശം പ​​ക​​രാ​​നു​​ള്ള നീ​​ക്ക​​ങ്ങ​​ൾ മു​​ൻ​നി​​ര അ​​വ​​ധി വ്യാ​​പാ​​ര കേ​​ന്ദ്ര​​ങ്ങ​​ളി​​ൽ അ​​ര​​ങ്ങേ​​റു​​ന്നു. പി​​ന്നി​​ട്ട​​വാ​​ര​​ത്തി​​ന്‍റെ അ​​വ​​സാ​​ന ദി​​ന​​ങ്ങ​​ളി​​ൽ ഊ​​ഹ​​ക്ക​​ച്ച​​വ​​ട​​ക്കാ​​ർ ഷോ​​ർട്ട് ക​​വ​​റിം​ഗി​​നും ഒ​​പ്പം പു​​തി​​യ വാ​​ങ്ങ​​ലു​​ക​​ൾ​​ക്കും അ​​ണി​​യ​​റ നീ​​ക്കം ന​​ട​​ത്തി.

ഒ​​സാ​​ക്ക എ​​ക്സ്ചേ​​ഞ്ചി​​ന് 289 യെ​​ന്നി​​ൽ​നി​​ന്നും റ​​ബ​​ർ 299 വ​​രെ ഉ​​യ​​ർ​​ന്നെ​​ങ്കി​​ലും ഏ​​റെ നി​​ർ​​ണാ​​യ​​ക​​മാ​​യ 300ലെ ​​വ​​ൻ​മ​​ല ക​​ട​​ക്കാ​​നാ​​വാ​​തെ വാ​​രാ​​ന്ത്യം 293 യെ​​ന്നി​​ലാ​​ണ്. ഈ​​വാ​​രം വീ​​ണ്ടും 300ലെ ​​ത​​ട​​സം ഭേ​​ദി​​ക്കാ​​ൻ നീ​​ക്കം ന​​ട​​ത്താം, അ​​ത് വി​​ജ​​യി​​ച്ചാ​​ൽ 316 യെ​​ന്നി​​ലേ​ക്ക് ഉ​​റ്റുനോ​​ക്കാം. ഉ​​യ​​ർ​​ന്ന റേ​​ഞ്ചി​​ൽ വി​​ൽ​​പ്പ​​ന സ​​മ്മ​​ർ​ദം ഉ​​ട​​ലെ​​ടു​​ത്താ​​ൽ 281ലെ ​​താ​​ങ്ങി​​ൽ പി​​ടി​​ച്ചു​നി​​ൽ​​ക്കാ​​ൻ റ​​ബ​​ർ ശ്ര​​മം ന​​ട​​ത്താം.

വേ​​ന​​ൽമ​​ഴ സം​​സ്ഥാ​​ന​​ത്ത് സ​​ജീ​​വ​​മെ​​ങ്കി​​ലും നി​​ർ​​ത്തി​​വ​​ച്ച റ​​ബ​​ർ ടാ​​പ്പിം​ഗ് എ​​പ്പോ​​ൾ പു​​ന​​രാ​​രം​​ഭി​​ക്കാ​​നാ​​വു​​മെ​​ന്ന കാ​​ര്യ​​ത്തി​​ൽ വ്യ​​ക്ത​​മാ​​യ ചി​​ത്രം ഇ​​നി​​യും തെ​​ളി​​ഞ്ഞി​​ട്ടി​​ല്ല. അ​​തേസ​​മ​​യം ഉ​​ൾ​​നാ​​ട​​ൻ ഗ്രാ​​മ​​ങ്ങ​​ളി​​ൽ ചെ​​റു​​കി​​ട ക​​ർ​​ഷ​​ക​​ർ റ​​ബ​​ർ വെ​​ട്ടി​​ന് നീ​​ക്കം തു​​ട​​ങ്ങി. ഇ​​തി​​നി​​ട​​യി​​ൽ നാ​​ലാം ഗ്രേ​​ഡ് റ​​ബ​​ർ 200 മ​​റി​​ക​​ട​​ക്കാ​​ൻ ട​​യ​​ർ ലോ​​ബി അ​​വ​​സ​​രം ന​​ൽ​​കി​​യി​​ല്ല. കി​​ലോ 199 രൂ​​പ വ​​രെ ക​​യ​​റി​​യശേ​​ഷം 197ലാ​​ണ് വാ​​രാ​​ന്ത്യം. വി​​ദേ​​ശ വാ​​ങ്ങ​​ലു​​കാ​​രു​​ടെ ക​​ട​​ന്നുവ​​ര​​വി​​ൽ മു​​ഖ്യ ക​​യ​​റ്റു​​മ​​തി വി​​പ​​ണി​​യാ​​യ ബാ​​ങ്കോ​​ക്കി​​ൽ നി​​ര​​ക്ക് 189 രൂ​​പ​​യി​​ൽ നി​​ന്നും 200 രൂ​​പ​​യാ​​യി ഉ​​യ​​ർ​​ന്നു.

കു​രു​മു​ള​കി​ന് ഇ​ടി​വ്

റി​ക്കാ​​ർ​​ഡ് പ്ര​​ക​​ട​​ന​​ങ്ങ​​ളു​​ടെ ആ​​വേ​​ശം കെ​​ട്ട​​ട​​ങ്ങും മു​​ന്നേ കു​​രു​​മു​​ള​​കി​​ന് നേ​​രി​​ട്ട വി​​ലയി​​ടി​​വ് ക​​ണ​​ക്കി​​ലെ​​ടു​​ത്ത് ഒ​​രു വി​​ഭാ​​ഗം ക​​ർ​​ഷ​​ക​​ർ ച​​ര​​ക്ക് വി​​ൽ​​പ്പ​​ന കു​​റ​​ച്ചു. പി​​ന്നി​​ട്ട​​വാ​​രം എ​​ല്ലാ ദി​​വ​​സ​​വും വി​​ല താ​​ഴ്ന്നാ​​ണ് ഇ​​ട​​പാ​​ടു​​ക​​ൾ ന​​ട​​ന്ന​​ത്. വ്യ​​വ​​സാ​​യി​​ക​​ൾ നി​​ല​​വാ​​ര​​വും വി​​ല​​യും കു​​റ​​ഞ്ഞ ച​​ര​​ക്ക് നേ​​ര​​ത്തേ ഇ​​റ​​ക്കു​​മ​​തി ന​​ട​​ത്തി​​യി​​രു​​ന്നു. ആ ​​സ്റ്റോ​​ക്ക് വി​​റ്റു​​മാ​​റാ​​ൻ ന​​ട​​ത്തി​​യ നീ​​ക്ക​​ങ്ങ​​ൾ നാ​​ട​​ൻ മു​​ള​​കി​​ന് തി​​രി​​ച്ച​​ടി​​യാ​​യി.


ശ്രീ​​ല​​ങ്ക​​ൻ തു​​റ​​മു​​ഖ​​മാ​​യ കൊ​​ളം​​ബോ വ​​ഴി എ​​ത്തി​​ച്ച വി​​യ‌​​റ്റ്നാം കു​​രു​​മു​​ള​​കാ​​ണ് വ്യ​​വ​​സാ​​യി​​ക​​ൾ ഹൈ​​റേ​​ഞ്ച് മു​​ള​​കു​​മാ​​യി ക​​ല​​ർ​ത്തി വി​​റ്റ​​ഴി​​ക്കു​​ന്ന​​ത്. കൊ​​ച്ചി​​യി​​ൽ അ​​ൺ ഗാ​​ർ​​ബി​​ൾ​​ഡ് കു​​രു​​മു​​ള​​ക് വി​​ല 69,500 രൂ​​പ. അ​​ന്താ​​രാ​​ഷ്ട്ര വി​​പ​​ണി​​യി​​ൽ ഇ​​ന്ത്യ​​ൻ വി​​ല ട​​ണ്ണി​​ന് 8600 ഡോ​​ള​​ർ.

ഏ​ല​ത്തി​ന് ഡി​മാ​ൻ​ഡ്

സം​​സ്ഥാ​​ന​​ത്ത് വി​​വാ​​ഹ സീ​​സ​​ണാ​​യ​​തി​​നാ​​ൽ ഏ​​ല​​ത്തി​​ന് പ​​തി​​വി​​ലും ഡി​​മാ​​ൻ​​ഡ്. വി​​ദേ​​ശ രാ​​ജ്യ​​ങ്ങ​​ളി​​ൽ നി​​ന്നും ച​​ര​​ക്കി​​ന് അ​​ന്വേ​​ഷ​​ണ​​ങ്ങ​​ളു​​ണ്ട്. ക​​യ​​റ്റു​​മ​​തി​​ക്കാ​​ർ ബ​​ക്രീ​​ദ് ഡി​​മാ​​ൻ​​ഡ് മു​​ന്നി​​ൽ ക​​ണ്ട് ഏ​​ല​​ക്ക സം​​ഭ​​രി​​ക്കു​​ന്നു.

കീ​​ട​​നാ​​ശി​​നി സാ​​ന്നി​​ധ്യ​​ത്തി​​ന്‍റെ പേ​​രി​​ൽ സൗ​​ദി അ​​റേ​​ബ്യ ഇ​​ന്ത്യ​​ൻ ച​​ര​​ക്ക് വാ​​ങ്ങു​​ന്നി​​ല്ലെ​​ങ്കി​​ലും അ​​വ​​ർ ദു​​ബാ​യി വ​​ഴി ന​​മ്മു​​ടെ ച​​ര​​ക്ക് യ​​ഥേ​​ഷ്ടം ഇ​​റ​​ക്കു​​മ​​തി ന​​ട​​ത്തു​​ന്നു​​ണ്ട്. മി​​ക​​ച്ച​​യി​​ന​​ങ്ങ​​ൾ ഏ​​ല​​ക്ക കി​​ലോ 2618 രൂ​​പ​​യി​​ലും ശ​​രാ​​ശ​​രി ഇ​​ന​​ങ്ങ​​ൾ 2097 രൂ​​പ​​യി​​ലു​​മാ​​ണ് വാ​​രാ​​ന്ത്യം.

നാ​ളി​കേ​ര​ത്തി​നു തി​രി​ച്ച​ടി

ത​​മി​​ഴ്നാ​​ട്ടി​​ൽ നാ​​ളി​​കേ​​ര വി​​ള​​വെ​​ടു​​പ്പി​​ന് തോ​​ട്ട​​ങ്ങ​​ൾ മ​​ത്സ​​രി​​ച്ച​​തി​​നി​​ട​​യി​​ൽ വ​​ൻ​​കി​​ട മി​​ല്ലു​​കാ​​ർ കൊ​​പ്ര സം​​ഭ​​ര​​ണം നി​​യ​​ന്ത്രി​​ച്ചു. വ്യ​​വ​​സാ​​യി​​ക​​ളു​​ടെ ത​​ന്ത്ര​​പ​​ര​​മാ​​യ നീ​​ക്ക​​ത്തി​​നി​​ട​​യി​​ൽ പ​​ച്ച​​ത്തേങ്ങ വി​​റ്റു​​മാ​​റാ​​ൻ വ​​ൻ​​കി​​ട ക​​ർ​​ഷ​​ക​​ർ കൂ​ട്ട​ത്തോ​ടെ രം​​ഗ​​ത്തെ​​ത്തി​​യ​​ത് റി​ക്കാ​ർ​​ഡ് നി​​ല​​വാ​​ര​​ത്തി​​ൽനി​​ന്നും നാ​​ളി​​കേ​​രോ​ത്പ​ന്ന​​ങ്ങ​​ളെ പി​​ന്നാ​​ക്കം വ​​ലി​​ച്ചു. കൊ​​പ്ര​​യ്ക്ക് നേ​​രി​​ട്ട തി​​രി​​ച്ച​​ടി ക​​ണ​​ക്കി​​ലെ​​ടു​​ത്താ​​ൽ മി​​ല്ലു​​കാ​​ർ സ്റ്റോ​​ക്കു​​ള്ള എ​​ണ്ണ പ​​ര​​മാ​​വ​​ധി വേ​​ഗ​​ത്തി​​ൽ വി​​റ്റു​​മാ​​റാ​​ൻ ഇ​​ട​​യു​​ണ്ട്.

കൊ​​ച്ചി​​യി​​ൽ വെ​​ളി​​ച്ചെ​​ണ്ണ റി​ക്കാ​​ർ​​ഡ് വി​​ല​​യാ​​യ 26,900 രൂ​പ​​യി​​ൽ​നി​​ന്നും 26,300ലേ​ക്ക് ഇ​​ടി​​ഞ്ഞു. കൊ​​പ്ര വി​​ല ക്വി​​ന്‍റ​ലി​​ന് 600 രൂ​​പ കു​​റ​​ഞ്ഞ് 17,500 രൂ​​പ​​യാ​​യി. മാ​​സാ​​രം​​ഭ​​മാ​​യ​​തി​​നാ​​ൽ പ്ര​​ദേ​​ശി​​ക വി​​പ​​ണി​​ക​​ളി​​ൽ എ​​ണ്ണ​​യ്ക്ക് ആ​​വ​​ശ്യ​​ക്കാ​​രു​​ണ്ട്.

ആ​​ഭ​​ര​​ണ വി​​പ​​ണി​​യി​​ലെ ത​​ള​​ർ​​ച്ച തു​​ട​​രു​​ന്നു. സ്വ​​ർ​​ണ വി​​ല പ​​വ​​ന് 72,120 രൂ​​പ​​യി​​ൽ നി​​ന്നും 70,040 രൂ​​പ​​യാ​​യി.