“പൊ​ക്ക​മി​ല്ലാ​യ്മ​യാ​ണെ​ന്‍റെ പൊ​ക്കം” എ​ന്നു പാ​ടി​യ കു​ഞ്ഞു​ണ്ണി മാ​ഷി​നെ മ​ല​യാ​ളി​ക​ള്‍ക്കു സു​പ​രി​ചി​തം. എ​ന്നാ​ല്‍, ഇ​ങ്ങ​നെ​യൊ​രു ഈ​ര​ടി​യു​ണ്ടെ​ന്ന​റി​യാ​ത്ത അ​ഞ്ച​ടി നാ​ലി​ഞ്ചു​കാ​ര​നാ​യ തെം​ബ ബൗ​മ ഇ​പ്പോ​ള്‍ ക്രി​ക്ക​റ്റ് ലോ​ക​ത്തി​ന്‍റെ നെ​റു​ക​യി​ലാ​ണ്. ദ​ക്ഷി​ണാ​ഫ്രി​ക്ക​യെ ക​ന്നി ഐ​സി​സി ലോ​ക​ക​പ്പ് ട്രോ​ഫി​യി​ലെ​ത്തി​ച്ച ക്യാ​പ്റ്റ​നെ​ന്നാ​ണ് തെം​ബ ബൗ​മ എ​ന്ന 35കാ​ര​ന്‍റെ വി​ശേ​ഷ​ണം.

അ​ഞ്ച​ടി നാ​ലി​ഞ്ച്, 1.62 മീ​റ്റ​ര്‍. അ​താ​ണ് തെം​ബ ബൗ​മ​യു​ടെ ഉ​യ​രം. സ​ഹ​താ​രം മാ​ര്‍ക്കോ യാ​ന്‍സ​ന്‍റെ (2.06 മീ​റ്റ​ര്‍ ഉ​യ​രം) മു​ഖം ക​ണ്ട് ത​ന്‍റെ ത​ല​യി​ലു​ദി​ക്കു​ന്ന ആ​ശ​യം പ​ങ്കു​വ​യ്ക്ക​ണ​മെ​ങ്കി​ല്‍ ബൗ​മ​യ്ക്ക് നേ​രേ ആ​കാ​ശ​ത്തേ​ക്കു നോ​ക്ക​ണം.

ഇ​ന്ത്യ​ക്കൊ​രു അ​ഞ്ച​ടി അ​ഞ്ചി​ഞ്ചു​കാ​ര​നു​ണ്ടാ​യി​രു​ന്നു, സ​ച്ചി​ന്‍ തെ​ണ്ടു​ല്‍ക്ക​ര്‍. അ​തി​ലും ഉ​യ​രം കു​റ​ഞ്ഞൊ​രു ക്യാ​പ്റ്റ​നാ​ണ് ബൗ​മ. 1.92 മീ​റ്റ​ര്‍ ഉ​യ​ര​മു​ള്ള പാ​റ്റ് ക​മ്മി​ന്‍സി​ന്‍റെ​യും 1.96 മീ​റ്റ​ര്‍ ഉ​യ​ര​മു​ള്ള ജോ​ഷ് ഹെ​യ്‌​സ​ല്‍വു​ഡി​ന്‍റെ​യും 1.97 മീ​റ്റ​ര്‍ ഉ​യ​ര​മു​ള്ള മി​ച്ച​ല്‍ സ്റ്റാ​ര്‍ക്കി​ന്‍റെ​യും തീ​തു​പ്പി​യ പ​ന്തു​ക​ളെ നേ​രി​ട്ടാ​ണ് ബൗ​മ ദ​ക്ഷി​ണാ​ഫ്രി​ക്ക​യെ ഐ​സി​സി ലോ​ക ടെ​സ്റ്റ് ചാ​മ്പ്യ​ന്‍ഷി​പ്പ് ട്രോ​ഫി​യി​ലേ​ക്കു കൈ​പി​ടി​ച്ച​ത്.


തോ​ല്‍ക്കാ​ത്ത നായക​ന്‍

ബൗ​മ​യു​ടെ ക്യാ​പ്റ്റ​ന്‍സി​യി​ല്‍ ദ​ക്ഷി​ണാ​ഫ്രി​ക്ക ഇ​തു​വ​രെ ഒ​രു ടെ​സ്റ്റ് തോ​റ്റി​ട്ടി​ല്ല. ഐ​സി​സി ലോ​ക ചാ​മ്പ്യ​ന്‍ഷി​പ്പ് ഫൈ​ന​ല്‍ അ​ട​ക്കം ബൗ​മ​യു​ടെ ക്യാ​പ്റ്റ​ന്‍സി​യി​ല്‍ ദ​ക്ഷി​ണാ​ഫ്രി​ക്ക 10 ടെ​സ്റ്റ് ക​ളി​ച്ചു. അ​തി​ല്‍ ഒ​മ്പ​തി​ലും വി​ജ​യി​ച്ചു. ഒ​രെ​ണ്ണം സ​മ​നി​ല​യാ​യി. വെ​സ്റ്റ് ഇ​ന്‍ഡീ​സി​നോ​ടാ​യി​രു​ന്നു സ​മ​നി​ല വഴങ്ങിയത്.

ദ​ക്ഷി​ണാ​ഫ്രി​ക്ക​യ്ക്കു​വേ​ണ്ടി സെ​ഞ്ചു​റി നേ​ടി​യ ആ​ദ്യ ക​റു​ത്ത വ​ര്‍ഗ​ക്കാ​ര​ന്‍, ദ​ക്ഷി​ണാ​ഫ്രി​ക്ക​യു​ടെ ക്യാ​പ്റ്റ​നാ​കു​ന്ന ആ​ദ്യ ക​റു​ത്ത വ​ര്‍ഗ​ക്കാ​ര​ന്‍, ഇ​താ ഇ​പ്പോ​ള്‍ ദ​ക്ഷി​ണാ​ഫ്രി​ക്ക​യെ ക​ന്നി ലോ​ക​ക​പ്പ് ട്രോ​ഫി​യി​ല്‍ എ​ത്തി​ച്ച ക്യാ​പ്റ്റ​ന്‍ എ​ന്ന റി​ക്കാ​ര്‍ഡും ബൗ​മ സ്വ​ന്ത​മാ​ക്കി​യി​രി​ക്കു​ന്നു.