രാഹുല്‍, അഭിമന്യു, തനുഷ് തിളങ്ങി
Tuesday, June 10, 2025 1:50 AM IST
നോര്‍ത്താംപ്ടണ്‍: ഇംഗ്ലണ്ട് ലയണ്‍സിന് എതിരായ ചതുര്‍ദിന ക്രിക്കറ്റിന്‍റെ രണ്ടാം ഇന്നിംഗ്‌സില്‍ ഇന്ത്യ എയുടെ കെ.എല്‍. രാഹുല്‍, അഭിമന്യു ഈശ്വരന്‍, തനുഷ് കൊടിയന്‍ എന്നിവര്‍ക്ക് അര്‍ധസെഞ്ചുറി.
ഒന്നാം ഇന്നിംഗ്‌സില്‍ സെഞ്ചുറി നേടിയ രാഹുല്‍ രണ്ടാം ഇന്നിംഗ്‌സില്‍ 51 റണ്‍സ് സ്വന്തമാക്കി. അഭിമന്യു ഈശ്വരന്‍ 80 റണ്‍സ് സ്‌കോര്‍ ചെയ്തു.
രണ്ടാം ഇന്നിംഗ്‌സില്‍ 84 ഓവര്‍ പൂര്‍ത്തിയായപ്പോള്‍ എട്ടാം നമ്പറായി ക്രീസിലെത്തിയ തനുഷ് കൊടിയന്‍ 66 റണ്‍സുമായി ക്രീസിലുണ്ട്. ഇന്ത്യ എ 370/7 എന്ന നിലയിലാണ്. ഇന്ത്യയുടെ ലീഡ് 391 ആയി. സ്‌കോര്‍: ഇന്ത്യ എ 348, 374/7. ഇംഗ്ലണ്ട് ലയണ്‍സ് 327.