തായ്ലന്ഡ് x ഇന്ത്യ ഇന്ന്
Wednesday, June 4, 2025 1:21 AM IST
പാത്തും തനി (തായ്ലന്ഡ്): ഫിഫ ലോക റാങ്കിംഗില്‍ 127-ാം സ്ഥാനത്തുള്ള ഇന്ത്യക്ക് ഇന്നു ഡ്രസ് റിഹേഴ്‌സല്‍ മത്സരം. രാജ്യാന്തര സൗഹൃദ ഫുട്‌ബോളില്‍ ഇന്ത്യ ഇന്ന് തായ്‌ലന്‍ഡിനെ നേരിടും.
ഇന്ത്യന്‍ സമയം വൈകുന്നേരം ആറിനാണ് കിക്കോഫ്. ഈ മാസം 10നു ഹോങ്കോംഗിന് എതിരേ നടക്കുന്ന എഎഫ്‌സി ഏഷ്യന്‍ കപ്പ് 2027 യോഗ്യതാ പോരാട്ടത്തിനുള്ള അവസാനവട്ട ഒരുക്കത്തിനുള്ള അവസരമാണ് ഇന്ത്യക്കിന്നുള്ളത്.
2019നുശേഷം ഇന്ത്യയും തായ്‌‌ലന്‍ഡും നേര്‍ക്കുനേര്‍ ഇറങ്ങുന്നത് ഇതാദ്യമാണ്. ഇരു ടീമും അവസാനം ഏറ്റുമുട്ടിയ രണ്ടു മത്സരത്തിലും ഇന്ത്യക്കായിരുന്നു ജയം. ആറു വര്‍ഷം മുമ്പുള്ള സാഹചര്യമല്ല ഇരു ടീമിലും ഇപ്പോള്‍ ഉള്ളതെന്ന് ഇന്ത്യന്‍ മുഖ്യ പരിശീലകന്‍ മനോളൊ മാര്‍ക്വെസ് വ്യക്തമാക്കി.