ലെവന്‍ ജയിച്ചു; കോച്ച് പുറത്ത്
Friday, June 13, 2025 12:37 AM IST
വാഴ്‌സൊ: സൂപ്പര്‍ താരം റോബര്‍ട്ട് ലെവന്‍ഡോവ്‌സ്‌കിയുമായുള്ള അസ്വാരസ്യങ്ങള്‍ക്കൊടുവില്‍ പോളണ്ട് ഫുട്‌ബോള്‍ ടീമിന്‍റെ മുഖ്യപരിശീലക സ്ഥാനത്തുനിന്ന് മൈക്കല്‍ പ്രോബിയേഴ്സ് രാജിവച്ചു.
പോളണ്ടിന്‍റെ ക്യാപ്റ്റന്‍ സ്ഥാനത്തുനിന്ന് ലെവന്‍ഡോവ്‌സ്‌കിയെ പ്രോബിയേഴ്സ് ഒഴിവാക്കിയിരുന്നു. പോളണ്ടിനായി പ്രോബിയേഴ്സിന്റെ ശിക്ഷണത്തിനു കീഴില്‍ ഇനി കളിക്കില്ലെന്ന തന്‍റെ കടുത്ത തീരുമാനം ഞായറാഴ്ച ലെവന്‍ഡോവ്‌സ്‌കി അറിയിച്ചു. ഇതിനു പിന്നാലെയാണ് ഇന്നലെ മുഖ്യപരിശീലക സ്ഥാനം പ്രോബിയേഴ്സ് സ്വമേധയാ രാജിവച്ചത്.