പുരാന്‍ വിരമിച്ചു
Tuesday, June 10, 2025 11:43 PM IST
പോര്‍ട്ട് ഓഫ് സ്‌പെയിന്‍: രാജ്യാന്തര ക്രിക്കറ്റില്‍നിന്നു വിരമിക്കല്‍ പ്രഖ്യാപിച്ച് വെസ്റ്റ് ഇന്‍ഡീസ് താരം നിക്കോളാസ് പുരാന്‍.
സോഷ്യല്‍ മീഡിയയിലൂടെയാണ് ഇരുപത്തൊമ്പതുകാരനായ പുരാന്‍ രാജ്യാന്തര ക്രിക്കറ്റിനോടു വിടപറയുന്ന വിവരം അറിയിച്ചത്.
2016ല്‍ ട്വന്‍റി-20യിലും 2019ല്‍ ഏകദിനത്തിലും വെസ്റ്റ് ഇന്‍ഡീസിനായി അരങ്ങേറി. ട്വന്‍റി-20യില്‍ 106 മത്സരങ്ങളില്‍നിന്ന് 13 അര്‍ധസെഞ്ചുറി ഉള്‍പ്പെടെ 2275 റണ്‍സ് നേടി. 61 ഏകദിനങ്ങളില്‍നിന്ന് മൂന്നു സെഞ്ചുറിയും 11 അര്‍ധസെഞ്ചുറിയും ഉള്‍പ്പെടെ 1988 റണ്‍സുണ്ട്.