ഒ​റ്റ​പ്പാ​ലം ന​ഗ​ര​സ​ഭാ ബ​സ് സ്റ്റാ​ൻ​ഡി​ൽ ഹ​മ്പു​ക​ൾ സ്ഥാ​പി​ക്കാ​ൻ തു​ട​ങ്ങി
Sunday, April 28, 2024 6:44 AM IST
ഒ​റ്റ​പ്പാ​ലം: ന​ഗ​ര​സ​ഭ സ്റ്റാ​ൻ​ഡി​ൽ ബ​സു​ക​ളു​ടെ അ​മി​തവേ​ഗ​ത നി​യ​ന്ത്രി​ക്കു​ന്ന​തി​നാ​യി ഹ​മ്പു​ക​ൾ സ്ഥാ​പി​ക്കു​ന്ന പ്ര​വൃ​ത്തി​ക​ൾ തു​ട​ങ്ങി.

ഒ​റ്റ​പ്പാ​ലം ബ​സ് സ്റ്റാ​ൻ​ഡി​ൽ അ​പ​ക​ട​ങ്ങ​ൾ നി​ത്യ​സം​ഭ​വ​മാ​യ സാ​ഹ​ച​ര്യ​ത്തി​ലാ​ണ് ന​ട​പ​ടി. സ്റ്റാ​ൻ​ഡി​ൽ സു​ര​ക്ഷാ ക്ര​മീ​ക​ര​ണ​ങ്ങ​ൾ ക​ട​ലാ​സി​ൽ ഒ​തു​ങ്ങു​ന്ന​താ​യി വ്യാ​പ​ക വി​മ​ർ​ശ​ന​ങ്ങ​ളു​യ​ർ​ന്ന സാ​ഹ​ച​ര്യ​ത്തി​ലാ​ണ് ഹ​മ്പു​ക​ൾ സ്ഥാ​പി​ക്കു​ന്ന​ത്. ജി​ല്ല​യി​ലെ ഏ​റ്റ​വും വ​ലി​യ ബ​സ് സ്റ്റാ​ൻ​ഡു​ക​ളി​ലൊ​ന്നാ​യി​ട്ടും ഒ​റ്റ​പ്പാ​ലം ബ​സ് സ്റ്റാ​ൻ​ഡി​ൽ യാ​ത്ര​ക്കാ​ർ​ക്കു​ള്ള സു​ര​ക്ഷ പ​രി​മി​ത​മാ​ണ്.
ബ​സു​ക​ൾ നി​ർ​ത്തി​യി​ടു​ന്ന യാ​ർ​ഡു​ക​ളി​ലെ​ത്തി ബ​സ് ക​യ​റാ​ൻ ബ​സു​ക​ൾ​ക്കാ​യി ഒ​രു​ക്കി​യ വ​ഴി​ക​ൾ മു​റി​ച്ചു​ക​ട​ന്നെ​ത്ത​ണ​മെ​ന്ന​താ​ണ് പ്ര​ശ്‌​നം. ക​ഴി​ഞ്ഞ ര​ണ്ടു​മാ​സ​മാ​യി താ​ലൂ​ക്ക് വി​ക​സ​ന​സ​മി​തി യോ​ഗ​ത്തി​ലും ട്രാ​ഫി​ക് റെ​ഗു​ലേ​റ്റ​റി ക​മ്മി​റ്റി യോ​ഗ​ത്തി​ലും ബ​സു​ക​ളു​ടെ പാ​ർ​ക്കിം​ഗ് യാ​ത്ര​ക്കാ​രു​ടെ സു​ര​ക്ഷ​കൂ​ടി നോ​ക്കി പു​നഃ​ക്ര​മീ​ക​രി​ക്കാ​നു​ള്ള ച​ർ​ച്ച​ക​ൾ ന​ട​ന്നി​രു​ന്നെ​ങ്കി​ലും ഒ​രു തീ​രു​മാ​ന​ത്തി​ലെ​ത്തി​യി​ട്ടി​ല്ല.

ഒ​പ്പം ബ​സ് സ്റ്റാ​ൻ​ഡി​ൽ ബ​സു​ക​ളു​ടെ വേ​ഗം നി​യ​ന്ത്രി​ക്കാ​ൻ തീ​രു​മാ​നി​ച്ചി​രു​ന്നെ​ങ്കി​ലും അ​ത് ക​ട​ലാ​സി​ൽ ഒ​തു​ങ്ങു​ക​യും ചെ​യ്തി​രു​ന്നു. പ​ട്ട​ണ​ത്തി​ൽ പ​തു​ക്കെ​യെ​ത്തു​ന്ന ബ​സു​ക​ൾ സ്റ്റാ​ൻ​ഡി​ൽ ക​യ​റു​ന്ന​തോ​ടെ വേ​ഗം കൂ​ട്ടി​യാ​ണ് യാ​ർ​ഡു​ക​ളി​ലെ​ത്തു​ന്ന​ത്.

സ്റ്റാ​ൻ​ഡി​ൽ ബ​സു​ക​ൾ വ്യാ​പാ​ര​സ്ഥാ​പ​ന​ങ്ങ​ൾ​ക്ക് അ​ഭി​മു​ഖ​മാ​യി നി​ർ​ത്തി​യി​ടു​ന്ന രീ​തി​യി​ലു​ള്ള പു​നഃ​ക്ര​മീ​ക​ര​ണ​ത്തി​ന് ആ​ലോ​ച​ന​യു​ണ്ട്. അ​ങ്ങ​നെ വ​ന്നാ​ൽ യാ​ത്ര​ക്കാ​ർ​ക്ക് യാ​ർ​ഡു​ക​ളി​ലെ​ത്തി​യാ​ൽ ബ​സ് എ​വി​ടേ​ക്കെ​ന്ന് നോ​ക്കി ക​യ​റാ​നാ​കു​മെ​ന്ന സ്ഥി​തി​യു​ണ്ടാ​വും.

എ​ന്നാ​ൽ ഇ​ത് ച​ർ​ച്ച​യി​ൽ മാ​ത്രം ഒ​തു​ങ്ങി നി​ൽ​ക്കു​ക​യാ​ണ്. മു​മ്പ് സ്റ്റാ​ൻ​ഡി​ൽ അ​പ​ക​ട​ങ്ങ​ൾ വ​ർ​ധി​ച്ച​പ്പോ​ൾ നാ​ഷ​ണ​ൽ ട്രാ​ൻ​സ്‌​പോ​ർ​ട്ട് പ്ലാ​നിം​ഗ് ആ​ൻ​ഡ് റി​സ​ർ​ച്ച് സെ​ന്‍റ​ർ (നാ​റ്റ്പാ​ക്) സു​ര​ക്ഷാ ക്ര​മീ​ക​ര​ണ പ​ദ്ധ​തി​ക​ൾ നി​ർ​ദ്ദേ​ശി​ച്ചി​രു​ന്നു. ഇ​തൊ​ന്നും ഇ​തു​വ​രെ പ്രാ​വ​ർ​ത്തി​ക​മാ​യി​ട്ടു​മി​ല്ല. ഇ​തി​നി​ട​യി​ലാ​ണ് ബ​സ് സ്റ്റാ​ൻ​ഡി​ൽ ഹ​മ്പു​ക​ൾ സ്ഥാ​പി​ക്കു​ന്ന​തി​ന് ന​ട​പ​ടി​ക​ൾ തു​ട​ങ്ങി​യ​ത്.
Copyright @ 2018 , Rashtra Deepika Ltd.