റെ​യി​ൽ​വേ സ്റ്റേ​ഷ​നു​ക​ളി​ൽ കു​ടി​വെ​ള്ളം ഉ​റ​പ്പാ​ക്കാ​ൻ പ​ദ്ധ​തി ത​യാ​റാ​ക്കി
Sunday, April 28, 2024 6:55 AM IST
ഷെ‌ാർ​ണൂ​ർ: കൊ​ടും ചൂ​ടി​ൽ യാ​ത്ര​ക്കാ​ർ​ക്കു ശു​ദ്ധ​ജ​ല​മു​റ​പ്പാ​ക്കാ​ൻ റെ​യി​ൽ​വേ ന​ട​പ​ടി​ക​ൾ തു​ട​ങ്ങി. റെ​യി​ൽ​വേ സ്റ്റേ​ഷ​നു​ക​ളി​ൽ വാ​ട്ട​ർ കൂ​ള​റു​ക​ൾ സ്ഥാ​പി​ച്ച് കു​ടി​വെ​ള്ളം ഉ​റ​പ്പാ​ക്കാ​നാ​ണ് തീ​രു​മാ​നം.

സ്റ്റേ​ഷ​നു​ക​ളു​ടെ വ​ലു​പ്പ​വും യാ​ത്ര​ക്കാ​രു​ടെ എ​ണ്ണ​വും അ​നു​സ​രി​ച്ച് ചെ​റി​യ സ്റ്റേ​ഷ​നു​ക​ളി​ലും ശു​ദ്ധ​ജ​ല ല​ഭ്യ​ത ഉ​റ​പ്പാ​ക്കാ​ൻ നി​ർ​ദേ​ശം ന​ൽ​കി​യി​ട്ടു​ണ്ട്. അ​തി​നാ​യി കൂ​ള​റു​ക​ൾ സ്ഥാ​പി​ക്കു​ന്ന​തി​നു വേ​ണ്ടി അ​വി​ട​ങ്ങ​ളി​ൽ ഉ​ട​ൻ പ​രി​ശേ‍ാ​ധ​ന ന​ട​ത്തും.

സാ​ധാ​ര​ണ ശു​ദ്ധ​ജ​ല​വും ത​ണു​ത്ത വെ​ള്ള​വും കൂ​ള​റി​ൽ നി​ന്നു ല​ഭി​ക്കും. ചൂ​ടു​വെ​ള്ളം ല​ഭി​ക്കു​ന്ന​വ​യും ചി​ല​യി​ട​ത്തു​ണ്ടാ​കും. തു​ട​ർ​ച്ച​യാ​യ ശു​ദ്ധ​ജ​ല ല​ഭ്യ​ത ഉ​റ​പ്പാ​ക്കാ​ൻ ആ​വ​ശ്യ​മെ​ങ്കി​ൽ ത​ദ്ദേ​ശ​സ്ഥാ​പ​ന​ങ്ങ​ളു​ടെ സ​ഹാ​യം തേ‍​ടാ​ൻ ഡി​വി​ഷ​ൻ അ​ധി​കൃ​ത​ർ നി​ർ​ദേ​ശം ന​ൽ​കി. സ്റ്റേ​ഷ​നു​ക​ളി​ൽ കൂ​ടാ​തെ ട്രെ​യി​നു​ക​ളി​ലും കൂ​ടു​ത​ൽ ത​വ​ണ വാ​ട്ട​ർ ബേ‍ാ​ട്ടി​ലു​ക​ൾ എ​ത്തി​ക്കാ​നു​ള്ള ന​ട​പ​ടി​യും ആ​രം​ഭി​ച്ചു.

ദീ​ർ​ഘ​ദൂ​ര ട്രെ​യി​നു​ക​ളി​ൽ പ​ല​പ്പേ‍ാ​ഴും ആ​വ​ശ്യ​ത്തി​നു ശു​ദ്ധ​ജ​ലം ല​ഭി​ക്കു​ന്നി​ല്ലെ​ന്ന പ​രാ​തി വ്യാ​പ​ക​മാ​ണ്. പ​ല സ​ന്ദ​ർ​ഭ​ങ്ങ​ളി​ലും ഇ​ക്കാ​ര്യം യാ​ത്ര​ക്കാ​ർ അ​ധി​കൃ​ത​രു​ടെ ശ്ര​ദ്ധ​യി​ൽ​പെ​ടു​ത്താ​റു​ണ്ടെ​ങ്കി​ലും ന​ട​പ​ടി ഉ​ണ്ടാ​കാ​റി​ല്ല.

നേ​ര​ത്തേ ശു​ദ്ധ​ജ​ലം ല​ഭ്യ​മാ​യി​രു​ന്ന സൗ​ക​ര്യ​ങ്ങ​ളും പ​ല​യി​ട​ത്തും ഇ​ല്ലാ​താ​യി. റെ​യി​ൽ​വേ​യു​ടെ കു​പ്പി​വെ​ള്ള​മാ​യ ‘റെ​യി​ൽ നീ​ർ’ കു​റ​ച്ചു വ​ർ​ഷ​മാ​യി ആ​വ​ശ്യ​മ​നു​സ​രി​ച്ചു ല​ഭ്യ​മ​ല്ല. പ​ക​രം ഗു​ണ​നി​ല​വാ​ര പ​രി​ശേ‍ാ​ധ​ന​യു​ടെ അ​ടി​സ്ഥാ​ന​ത്തി​ൽ ഡി​വി​ഷ​ൻ തെര​ഞ്ഞെ​ടു​ത്ത മൂ​ന്നു സ്വ​കാ​ര്യ​ക​മ്പ​നി​യു​ടെ കു​പ്പി​വെ​ള്ളം വി​ത​ര​ണ​ത്തി​നു​ണ്ട്.

ഐ​ആ​ർ​സി​ടി​സി​യു​ടെ നേ​തൃ​ത്വ​ത്തി​ൽ മി​ക്ക സ്റ്റേ​ഷ​നു​ക​ളി​ലും സ്ഥാ​പി​ച്ച വാ​ട്ട​ർ വെ​ൻ​ഡി​ംഗ് മെ​ഷീ​നു​ക​ളു​ടെ പ്ര​വ​ർ​ത്ത​നം കേ‍ാ​വി​ഡ് കാ​ല​ത്തു നി​ല​ച്ചു. ഇ​തു​വ​ഴി അ​ഞ്ചു രൂ​പ​യ്ക്ക് കു​പ്പി​വെ​ള്ളം ല​ഭി​ച്ചി​രു​ന്നു. പ്ലാ​സ്റ്റി​ക് മാ​ലി​ന്യം ഒ​ഴി​വാ​ക്കാ​ൻ പ്ലാ​സ്റ്റി​ക് ബോ​ട്ടി​ലു​ക​ൾ പെ‍ാ​ടി​ക്കാ​നു​ള്ള സം​വി​ധാ​ന​വും സ്ഥാ​പി​ച്ചി​രു​ന്നു.
നി​ല​വി​ൽ പ​ല സ്റ്റേ​ഷ​നു​ക​ളി​ലും വാ​ട്ട​ർ​ടാ​പ്പു​ക​ൾ ഉ​ണ്ട്.
Copyright @ 2018 , Rashtra Deepika Ltd.