27

കീ​വ്: യു​ക്രെ​യ്നി​ലെ വി​വി​ധ ന​ഗ​ര​ങ്ങ​ൾ​ക്ക് നേ​രെ റ​ഷ്യ ന​ട​ത്തി​യ വ്യോ​മാ​ക്ര​മ​ണ​ത്തി​ന് ശ​ക്ത​മാ​യ തി​രി​ച്ച​ടി ന​ൽ​കു​മെ​ന്ന് വോ​ളോ​ഡി​മി​ർ സെ​ലെ​ൻ​സ്‌​കി. സ​പ്പോ​റീ​ഷ്യ, ഖാ​ർ​കീ​വ് മേ​ഖ​ല​ക​ളി​ൽ ന​ട​ത്തി​യ ആ​ക്ര​മ​ണ​ങ്ങ​ളി​ൽ ര​ണ്ടു​പേ​ർ കൊ​ല്ല​പ്പെ​ട്ട​തി​നു പി​ന്നാ​ലെ​യാ​ണ് മു​ന്ന​റി​യി​പ്പു​മാ​യി യു​ക്രെ​യ്ൻ പ്ര​സി​ഡ​ന്‍റ് രം​ഗ​ത്തെ​ത്തി​യ​ത്.

ആ​ക്ര​മ​ണ​ത്തി​ൽ 14ഓ​ളം പേ​ർ​ക്ക് പ​രി​ക്കേ​റ്റ​താ​യും യു​ക്രെ​യ്ൻ അ​ധി​കൃ​ത​ർ അ​റി​യി​ച്ചു. ബു​ധ​നാ​ഴ്ച രാ​ത്രി ആ​രം​ഭി​ച്ച ആ​ക്ര​മ​ണം വ്യാ​ഴാ​ഴ്ച രാ​വി​ലെ​യും തു​ട​ർ​ന്നു. ഒ​മ്പ​ത് യു​ക്രെ​യ്ൻ ന​ഗ​ര​ങ്ങ​ളി​ലെ വ്യാ​വ​സാ​യി​ക മേ​ഖ​ല​ക​ൾ, എ​ണ്ണ ശു​ദ്ധീ​ക​ര​ണ​ശാ​ല​ക​ൾ, ലോ​ജി​സ്റ്റി​ക്സ് കേ​ന്ദ്ര​ങ്ങ​ൾ, തു​റ​മു​ഖ​ങ്ങ​ൾ എ​ന്നി​വ ത​ങ്ങ​ൾ ല​ക്ഷ്യ​മി​ട്ടെ​ന്ന് റ​ഷ്യ​ൻ പ്ര​തി​രോ​ധ മ​ന്ത്രാ​ല​യം വ്യ​ക്ത​മാ​ക്കി.

എ​ന്നാ​ൽ ആ​ക്ര​മ​ണ​ത്തി​ൽ പാ​ർ​പ്പി​ട സ​മു​ച്ച​യ​ങ്ങ​ൾ ഉ​ൾ​പ്പെ​ടെ​യു​ള്ള സി​വി​ലി​യ​ൻ മേ​ഖ​ല​ക​ൾ​ക്കും കാ​ര്യ​മാ​യ നാ​ശ​ന​ഷ്ട​മു​ണ്ടാ​യ​താ​യി യു​ക്രെ​യ്ൻ വ്യ​ക്ത​മാ​ക്കി. അ​തി​നി​ടെ സ​മാ​ധാ​ന ച​ർ​ച്ച​ക​ൾ വ​ഴി​മു​ട്ടി​യ സാ​ഹ​ച​ര്യ​ത്തി​ൽ ആ​ക്ര​മ​ണ​ങ്ങ​ൾ കൂ​ടു​ത​ൽ ശ​ക്ത​മാ​കാ​നു​ള്ള സാ​ധ്യ​ത​യു​ണ്ടെ​ന്നാ​ണ് റി​പ്പോ​ർ​ട്ടു​ക​ൾ.

Tags : Ukraine Russia Airstrike UkraineWar Kyiv