19

ആലുവ: എറണാകുളം ആലുവയില്‍ കനത്ത ചൂടില്‍ ഓടിക്കൊണ്ടിരുന്ന മിനി ലോറിയുടെ സീറ്റിന് തീപിടിച്ചു. ആലുവ സ്വദേശിയായ ജയ്‌സന്‍റെ വാഹനത്തിനാണ് തീപിടിച്ചത്. ആലുവ റെയില്‍വെ സ്റ്റേഷന്‍ റോഡിലൂടെ ഓടികൊണ്ടിരുന്ന മിനി ലോറിയുടെ സീറ്റിനടിയിലെ ഫോമില്‍ നിന്നാണ് തീ പടര്‍ന്നത്.

അന്തരീക്ഷത്തിലെ ചൂടും എൻജിനില്‍ നിന്നുള്ള ചൂടുമാണ് എൻജിന് മുകള്‍ ഭാഗം വരുന്ന സീറ്റിന്‍റെ ഫോം കത്താന്‍ കാരണം. വാഹനം നിര്‍ത്തിയ ഉടനെ തൊട്ടടുത്ത കടയില്‍ നിന്ന് വെള്ളവും ഫയര്‍ എക്സ്റ്റിംഗ്വിഷറും എത്തിച്ച് തീയണച്ചതോടെ വലിയ അപകടം ഒഴിവായി.

മിനി ലോറി രണ്ടു മണിക്കൂറോളം വെയിലത്ത് നിര്‍ത്തിയിട്ടിരുന്നു. ഇത് വാഹനത്തില്‍ ചൂട് ഉയരാന്‍ കാരണമാവുകയായിരുന്നു.

Tags : mini lorry fire driving Aluva