15

കൊച്ചി: എറണാകുളം മഹാരാജാസ് കോളജ് വിദ്യാര്‍ഥി അഭിമന്യുവിനെ കൊലപ്പടുത്തിയ കേസില്‍ രഹസ്യവിചാരണ ആവശ്യപ്പെട്ട് പ്രതികള്‍ എറണാകുളം പ്രിന്‍സിപ്പല്‍ ജില്ലാ സെഷന്‍സ് കോടതിയില്‍ നല്‍കിയ അപേക്ഷ ഇന്ന് പരിഗണിക്കും.

കേസിലെ വിചാരണ നടക്കുമ്പോള്‍ മാധ്യമപ്രവര്‍ത്തകരുടെയും പൊതുജനങ്ങളുടെയും കോടതിയിലേക്കുള്ള പ്രവേശനം നിയന്ത്രിക്കണമെന്നും മഹാരാജാസ് കോളജ് കോടതിയുടെ തൊട്ടടുത്തായതിനാല്‍ കോളജ് വിദ്യാര്‍ഥികളെ കോടതി പരിസരത്ത് കൂട്ടം കൂടാന്‍ അനുവദിക്കരുതെന്നും ആവശ്യപ്പെട്ടാണ് അപേക്ഷ.

തങ്ങളുടെ ചിത്രങ്ങള്‍ പകര്‍ത്തി പ്രചരിപ്പിക്കുന്നത് സാക്ഷി മൊഴികളെ സ്വാധീനിക്കാനും തങ്ങളുടെ ഭാവിജീവിതത്തെ ബാധിക്കാനും ഇടയാക്കുമെന്നും പ്രതികളായ കാമ്പസ് ഫ്രണ്ട്, പോപ്പുലര്‍ ഫ്രണ്ട് പ്രവര്‍ത്തകര്‍ നല്‍കിയ അപേക്ഷയില്‍ പറയുന്നു. ഇന്നു മുതല്‍ തുടര്‍ച്ചയായി സാക്ഷി വിസ്താരം ആരംഭിക്കാനിരിക്കെ തിങ്കളാഴ്ചയാണ് പ്രതികള്‍ ഹര്‍ജി നല്‍കിയത്.

Tags : Abhimanyu MurderCase Accused Court