കോഴിമുട്ട
കൊച്ചി: ജില്ലയില് കോഴിമുട്ടയ്ക്ക് തീ വില. മുമ്പ് 5.50 രൂപയ്ക്ക് ലഭിച്ചിരുന്ന കോഴിമുട്ടയുടെ ഇപ്പോഴത്തെ ചില്ലറ വില 8.50 രൂപയാണ്.
ഏറെ ആവശ്യക്കാരുള്ള നാടന് കോഴിമുട്ടയ്ക്ക് 9 രൂപ വരെയെത്തി. തമിഴ്നാട്ടിലെ നാമക്കല്, ഈറോഡ് എന്നിവിടങ്ങളില് നിന്നാണ് ജില്ലയിലേക്ക് കൂടുതലായും മുട്ടയെത്തുന്നത്.
തമിഴ്നാട്, കര്ണാടക സംസ്ഥാനങ്ങളിലെ വിദ്യാലയങ്ങളില് ഉച്ചഭക്ഷണത്തോടൊപ്പം പുഴുങ്ങിയ കോഴിമുട്ട കൂടി ഉള്പ്പെടുത്തിയതോടെയാണ് സംസ്ഥാനത്ത് മുട്ട ക്ഷാമം നേരിട്ടു തുടങ്ങിയത്.
കോഴിത്തീറ്റയുടെ വിലയിലുണ്ടായ വന്വര്ധന കോഴിവളര്ത്തല് മേഖലയെയും മുട്ട ഉത്പാദനത്തെയും ബാധിച്ചു. നിലവില് 50 കിലോഗ്രാം വരുന്ന ഒരു ചാക്ക് കോഴിത്തീറ്റയ്ക്ക് 2,300 രൂപ വരെയാണ് വില.