13

ഹ​രി​പ്പാ​ട്: തെ​രു​വു​നാ​യ ആ​ക്ര​മ​ണ​ത്തി​ൽ ഭി​ന്ന​ശേ​ഷി​ക്കാ​ര​ന് ഗു​രു​ത​ര പ​രി​ക്ക്. കു​മാ​ര​പു​ര​ത്ത് ശ​നി​യാ​ഴ്ച​യു​ണ്ടാ​യ സം​ഭ​വ​ത്തി​ൽ താ​മ​ല്ലാ​ക്ക​ൽ ചാ​പ്രാ​യി​ൻ ഗോ​പാ​ല​കൃ​ഷ്ണ​ൻ (55) ആ​ണ് പ​രി​ക്കേ​റ്റ​ത്. കൈ​ക്ക് പ​രി​ക്കേ​റ്റ ഇ​ദ്ദേ​ഹം ഹ​രി​പ്പാ​ട് താ​ലൂ​ക്ക് ആ​ശു​പ​ത്രി​യി​ൽ ചി​കി​ത്സ തേ​ടി.

ക​ഴി​ഞ്ഞ​ദി​വ​സം അ​ഞ്ചു​വ​യ​സു​കാ​ര​നെ ആ​ക്ര​മി​ച്ച് ഗു​രു​ത​ര​മാ​യി പ​രി​ക്കേ​ൽ​പ്പി​ച്ച അ​തേ നാ​യ ത​ന്നെ തൊ​ട്ട​ടു​ത്ത ദി​വ​സം അ​യ​ൽ​വാ​സി​യാ​യ ഭി​ന്ന​ശേ​ഷി​ക്കാ​ര​നെ​യും ആ​ക്ര​മി​ക്കു​ക​യാ​യി​രു​ന്നു. ആ​ക്ര​മ​ണം ന​ട​ത്തി​യ തെ​രു​വു​നാ​യ​യെ പി​ന്നീ​ട് പ്ര​ദേ​ശ​ത്ത് ച​ത്ത നി​ല​യി​ൽ ക​ണ്ടെ​ത്തി. വെ​ള്ളി​യാ​ഴ്ച വൈ​കു​ന്നേ​രം അ​ഞ്ചി​ന് താ​മ​ല്ലാ​ക്ക​ൽ പു​ത്ത​ൻ പ​റ​മ്പി​ൽ അ​ഖി​ൽ വി​ശ്വ​ത്തി​ന്‍റെ​യും ദി​വ്യ​യു​ടെ​യും മ​ക​നാ​യ അ​ദ്വി​ക് (അഞ്ച്) എ​ന്ന ബാ​ല​ന് വീ​ട്ടു​മു​റ്റ​ത്ത് സൈ​ക്കി​ൾ ച​വി​ട്ടു​ന്ന​തി​നി​ട​യി​ൽ ഈ ​നാ​യ​യു​ടെ ക​ടി​യേ​റ്റ​ത്.

മു​ഖ​ത്തും ത​ല​യി​ലും ആ​ഴ​ത്തി​ൽ മു​റി​വേ​റ്റ അ​ദ്വി​ക് ഇ​പ്പോ​ൾ ആ​ല​പ്പു​ഴ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. ഈ ​ക്രൂ​ര​മാ​യ ആ​ക്ര​മ​ണം ന​ട​ന്ന് മ​ണി​ക്കൂ​റു​ക​ൾ പി​ന്നി​ടും മു​ൻ​പാ​ണ് അ​യ​ൽ​വാ​സി​യാ​യ ഭി​ന്ന​ശേ​ഷി​ക്കാ​ര​നും ക​ടി​യേ​റ്റ​ത്.

തു​ട​ർ​ച്ച​യാ​യ ആ​ക്ര​മ​ണ​ങ്ങ​ൾ​ക്ക് ശേ​ഷം ച​ത്ത നാ​യ​യു​ടെ ജ​ഡം പോ​സ്റ്റ്മോ​ർ​ട്ടം ന​ട​പ​ടി​ക​ൾ​ക്കാ​യി തി​രു​വ​ല്ല​യി​ലെ മൃ​ഗ​സം​ര​ക്ഷ​ണ വ​കു​പ്പി​ന്‍റെ ല​ബോ​റ​ട്ട​റി​യി​ലേ​ക്ക് മാ​റ്റി​യി​ട്ടു​ണ്ട്. പ​രി​ശോ​ധ​നാ ഫ​ലം വ​ന്ന​തി​ന് ശേ​ഷ​മേ നാ​​യ്ക്ക് പേ​വി​ഷ​ബാ​ധ​യു​ണ്ടാ​യി​രു​ന്നോ എ​ന്ന് സ്ഥി​രീ​ക​രി​ക്കാ​ൻ സാ​ധി​ക്കൂ​വെ​ന്ന് അ​ധി​കൃ​ത​ർ വ്യ​ക്ത​മാ​ക്കി.

Tags : dog attack injured Differently abled man