തൃശൂർ: ഗൃഹനാഥനെ കെട്ടിയിട്ട് 40 പവനും അരലക്ഷം രൂപയും കവർന്നതായി പരാതി. ഞായറാഴ്ച പുലർച്ചെ മൂന്നിന് ഒല്ലൂക്കര ഡോൺ ബോസ്കോ സ്കൂളിനു സമീപത്ത് താമസിക്കുന്ന സോമശേഖരന്റെ വീട്ടിലാണ് കവർച്ച നടന്നത്.
ഹിന്ദി സംസാരിക്കുന്ന മൂന്ന് പേർ വീടിന് പിന്നിലെ ഗ്രില്ല് കുത്തിത്തുറന്നാണ് അകത്ത് കയറിയത്. സംഭവദിവസം സോമശേഖരൻ മാത്രമാണ് വീട്ടിലുണ്ടായിരുന്നത്. മോഷ്ടാക്കൾ പോയതിനുശേഷം ഗൃഹനാഥൻ പോലീസിനെ വിവരമറിയിക്കുകയായിരുന്നു.
മണ്ണുത്തി പോലീസും ഉന്നത ഉദ്യോഗസ്ഥരും സ്ഥലത്തെത്തി. പ്രദേശത്തെ സിസിടിവി ദൃശ്യങ്ങൾ കേന്ദ്രീകരിച്ചും മൊബൈൽ ടവർ ലൊക്കേഷനുകൾ പരിശോധിച്ചുമാണ് അന്വേഷണം പുരോഗമിക്കുന്നത്.
Tags : robbery gold money thriussur