തിരുവനന്തപുരം: വീര്യം കുറഞ്ഞ മദ്യത്തിന് നികുതി ഇളവ് നൽകിയ ബജറ്റ് പ്രഖ്യാപനത്തിൽ അതൃപ്തി അറിയിക്കാൻ എക്സൈസ് മന്ത്രി എം. ലിജു മുഖ്യമന്ത്രി വി.ഡി. സതീശനെ കാണും. ഇത്തരമൊരു തീരുമാനം ബജറ്റിൽ ഉൾപ്പെടുത്തിയതിലുള്ള പ്രതിഷേധം മുഖ്യമന്ത്രിയെ നേരിട്ട് അറിയിക്കും. നിയമസഭയിൽ വച്ചാകും ഇരുവരും തമ്മിലുള്ള കൂടിക്കാഴ്ച നടക്കുക.
വീര്യം കുറഞ്ഞ മദ്യത്തിന് നികുതി ഇളവ് നൽകു്നന കാര്യത്തിൽ എക്സൈസ് വകുപ്പ് നയപരമായ യാതൊരു തീരുമാനവും എടുത്തിട്ടില്ലെന്ന് മന്ത്രി കഴിഞ്ഞ ദിവസം പ്രതികരിച്ചിരുന്നു. വീര്യം കുറഞ്ഞ മദ്യം വിപണിയിൽ വിൽക്കണമോയെന്ന കാര്യത്തിൽ അന്തിമ തീരുമാനം ആയിട്ടില്ലെന്നും മന്ത്രി പറഞ്ഞു.
വകുപ്പുമന്ത്രി പോലും അറിയാതെ ബജറ്റിൽ ഇക്കാര്യം പ്രഖ്യാപിച്ചതിൽ പാർട്ടിയിലെ ചില കോണുകളിൽ നിന്ന് തന്നെ എതിർപ്പുകൾ ഉയർന്നിട്ടുണ്ട്. അതേസമയം, സംസ്ഥാന ബജറ്റിന്മേലുള്ള പൊതുചർച്ചയ്ക്ക് ഇന്ന് നിയമസഭയിൽ തുടക്കമാകും. മദ്യനയത്തിലെ മാറ്റത്തിന് പുറമെ മറ്റു വിഷയങ്ങളും സഭയിൽ വലിയ ചർച്ചയാകും.
Tags : Kerala Budget Excise Minister Liquor Policy