കൊച്ചി: കുംഭമേള വൈറൽ താരത്തിന് സുരക്ഷ ഉറപ്പാക്കാൻ അവർ താമസിക്കുന്ന സ്ഥലത്തിന്റെ വിവരങ്ങൾ പോലീസിന് കൈമാറി. എറണാകുളം ജില്ലയിലെയും കോട്ടയം ജില്ലയിലെയും ഓരോ വിലാസങ്ങളാണ് നൽകിയിട്ടുള്ളത്.
ഇപ്പോൾ താമസം എറണാകുളത്താണെന്നും അഭിഭാഷകൻ വഴി പോലീസിനെ അറിയിച്ചു. വൈറൽ താരമായ യുവതിക്കും ഭർത്താവ് മുഹമ്മദ് ഫർമാനും സംരക്ഷണം നൽകണമെന്ന് ഹൈക്കോടതി എറണാകുളം സെൻട്രൽ പോലീസിന് നിർദേശം നൽകിയ സാഹചര്യത്തിലാണ് നടപടി.
മിശ്രവിവാഹിതരായ തങ്ങളുടെ ജീവന് ഭീഷണിയുണ്ടെന്നും മധ്യപ്രദേശ് പോലീസ് വേട്ടയാടുകയാണെന്നും കാണിച്ച് യുവതി ഹൈക്കോടതിയിൽ നൽകിയ ഹർജിയിലായിരുന്നു ഇടക്കാല ഉത്തരവ്. കേരളത്തിൽ അഭയം തേടിയ പെൺകുട്ടിയെ തേടി മധ്യപ്രദേശ് പോലീസ് കഴിഞ്ഞ ദിവസം ഏലൂരിൽ എത്തിയിരുന്നു. ഭർത്താവ് മുഹമ്മദ് ഫർമാനെതിരേ മധ്യപ്രദേശ് പോലീസ് തട്ടിക്കൊണ്ടുപോകലിന് കേസെടുത്തിട്ടുണ്ട്.
Tags : Kumbh mela viral star police protection